想知道有打同無打，徵狀有無分別？打咗係咪真係輕d？唔打又係咪真係嚴重d？
我上個月有8位近親中招… 分析如下. 問心, 打支有效力嘅針應該中咗都會好D嘅… 純粹個人諗法, 無豬渣分析…
長者75+, 無打針 - 微燒, 喉嚨痛, 流鼻水, 咳… 7日後變陰…之後都有幾日覺得攰…
40+ 打4兄兩針 - 發燒, 喉嚨劇痛, 頭痛, 起身都有頭暈 …6日後變變陰
50 打BNT兩針 - 微燒,喉嚨痛, 流鼻水… 5日後變變陰
7+ 打4兄一針 - 發燒, 喉嚨痛, 流鼻水, 咳… 4-5日後變陰
1個讚
有打，無打，科興，復必，上至老人下至細路，無打可以底燒，有打可以高燒，也有沒燒，總之個個病微都有少少分別，共通係咳，累，最累頭兩天，之後慢慢轉好，細路最勁好快無事
其實唔係同一個人係比較唔到嘅
3個讚
我父母70幾80歲，打左兩針 BNT, 低燒，一星期後無事。
我打咗兩針 BNT, 自己無測試，但我估自己中過，因為我層樓有十幾個單位中招，有一晚突然覺得謝謝地，作發燒，喉嚨未係痛但開始來料，食咗兩粒 Vitamin C and Zinc，飲咗兩 L 溫水，屋企仲有啲平時食開中藥，飲完瞓醒無事。
呢啲係睇體質，針只係一個火警演習，教身體有事點應對，有啲人無去火警演習，但天生體能好，又識在煙霧中認路，咁可能仲走得快過一個有去演習，識路走但行動不便嘅人。 當然行動不便又唔認得走火通道，風險係最大。
我成家人中哂，全部無打針，病徵都唔同。
2個讚
我唔知支針有冇令到我病情嚴重左。我係打完第三針嘅第二日出病徵。全家都中…雖然自己同政府驗都係話陰性。
我：連續三日燒，第二日去到 39.X 度，第三日係有 37.3 但精神，前兩日真係完全唔得七點已經訓/暈。喉嚨痛同咳，第五日開始好翻非常多，但把聲仲係差啲啲。
家人 A：最先病，佢惹到曬全家（真係多謝曬，整到幾日我生不如死 
），發燒兩日都係 37.X 度，冇我咁嚴重，第四五日有肚瀉，之後就不斷咳唔斷尾。
家人 B：第二日嘔，冇精神，喉嚨痛，胃唔舒服食唔落野，佢睇醫生但唔記得同醫生講自己嘔，醫生當普通感冒求其開啲弱/藥。
家人 C：冇任何嚴重不適，就係咳同變聲。
大家都係打曬三針 BNT。都可能係好彩打左針家人 BC 都冇我咁嚴重，佢地唔病得唔咳得，本身身體唔好肺唔好，一咳就好似 B 咁唔斷尾，好容易咳傷肺就有其他併發問題。我唔食藥真係唔得，飲 Vitamin C Zinc 嗰啲養生全部都有做，但真係唔得一定要食藥。對我黎講係嚴重過普通感冒非常多，普通感冒我發燒休息一晚就可以第二日冇事，但今次燒得好嚴重而且食完藥都繼續燒，喉嚨痛過普通傷風感冒好多。
1個讚
該主題在最後一個回覆創建後90天后自動關閉。不再允許新的回覆。