生仔前，我和老公對小朋友教育有共識，都喺快樂學習。但原來佢嘅「快樂學習」和我嘅定義好唔同
我真喺快樂到躺平，我期待喺大學都唔讀，中五畢業做速遞，唔洗問父母攞錢就得。老公無預計過我癲成咁，所以由幼稚園一直吵到小學，叫做取咗個中間點，但意見一直都唔同。
去到英國，主流都喺state school 快樂學習。以防佢反悔，我都帶小朋友面試過私校，對方都收咗，但我老公都發現學校好學店唔太妥，所以最後都一致揀咗state school 。小朋友超開心，學習進度亦比香港大有起色。
不過state school 太快樂，我老公開始擔心。例如學校搞好多課外活動，有日喺world book day，全校師生好俾心機化妝成書中人物，體育堂都喺上Harry Potter 嘅運動「魁地奇」。阿仔和我大為興奮，但老公就話：呢間學校喺咪讀書架…
聽聞我地入學前，英國足球入World cup，有老師興奮到喺課堂全日播賽事。我深感呢啲先喺真正嘅國民教育，俾小朋友融入文化，但老公就覺得老師偷懶。
我一和老公講呢個話題，都喺不歡而散，所以唯有喺度講。小朋友有輕微SEN，嚟到英國無曬徵狀，能夠正常讀書我已經好好心滿意足。英國咁多山雞大學，實有一間讀到。就算無，如果小朋友有一技之長（呢個我反而最擔心，佢暫時未有），唔讀大學都無問題。
9個讚
無。我都話佢，小朋友呢個成績，你可以點？最多咪參加吓補習班？
佢唔想同我講，無理我。我估佢會諗吓剩係用錢唔洗成績都讀到嘅學校，但嗰啲學店佢又睇唔上。
到下一代長大左果時大學學位真係未必必須。認同你有一技之長仲緊要。
3個讚
uk非專業工作好多不用 degree
但華人思想都係想仔女大學畢業
2個讚
好正路嘅想法呀，如果唔太密集補下習學啲新野、溫下舊野，都好架。
我都唔明你老公點先開心滿意
樣樣都俾佢試吓，等佢開多啲眼界，發掘佢真心喜歡而又能力所及嘅科目或活動，咁就自然發揮所長。
同大家呷完，我冷靜咗落嚟 ，然後就搵到解決方法了：
我去amazon買幾本英國標準嘅補充練習，俾小朋友做吓，睇下佢地同全國水平差幾多。如果差無幾，老公就應該放心；如果有科差好遠，就搵人補吓相關科目。
我同老公講完，佢都接受咗
14個讚
你先係正路
你老公好大問題 佢讀書(校院/學習/家課"既概念 仲係停留喺填鴨式教育 大家都知 係英治港時產物 英國佬刻意安排 主要係唔想人民有太多批判性思維 目的係培訓出"尊業"既公務員 結果好成功
去到英國 梗係要學返佢正式果套啦 仲念念不忘香港果套係咪傻左
俾小朋友盡量接觸唔同事物 先係皇道
每位小朋友都有佢既天賦 一個專屬佢未來既領域
小時候如遇得到 啓發到 係佢(&你地)既福氣
記:
曾經有位小朋友 放學排隊校巴時 老師搵唔到人
最後在學校花園搵得返 佢當時正在同昆蟲玩遊戲
結果當然沒有鼓勵 只得媽聲 鬧左一餐
我只係諗 … 嘥左一個小朋友了
如果在外國 呢位小朋友一定得到鼓勵 將來可能 …
5個讚
小學唔玩上到中學唔使玩啦，呢度中學好谷架，要好成績就不停操學生，呢度d父母同香港有過之而無不及
之前有同事 other half 係 grammar school 嘅 head teacher，好谷
另一個同事就送細路去私校，放學去補數學琴
老闆周圍同人講阿仔考左入倫敦帝國理工。同事話好出名，我唔識 
搞到我都緊張埋一份.
舊工同事三間屋，中部地區都 £5xx,xxx 買屋。佢話長遠實升。
新工同事話買 2nd houses
我接觸嘅英國人，印度人，華人同香港中產冇分別 我已經係中北部地區
支持躺平快樂學習！
假如同另一半係教育上有分歧。
我唔會爭論，直接比曬對方教，等佢嘔血嘔夠自然會退讓。
唔係讀書材料，根本迫唔到。
係讀書材料，唔迫都自然讀到。
當然，讀書材料再有培訓一定係好事。
其實家長如果鍾意迫細路讀書，點解唔自己讀。
學海無崖，既然咁鍾意讀自己讀咪得囉。
5個讚
舊公司同事同我講，如果係英國嘅上層社會，會係另一個世界
我估我 so far 接觸嘅英國同事，都已經顛覆我係香港聽返來嘅嘢
係，friend 個 friend 個仔由細到大係 ireland 讀鄉村中小學，前兩年大學入左劍橋定牛津醫科
就係咁… 我老公身邊嘅英國朋友都喺呢啲人，所以佢好唔自在
我老公聽到嘅喺，State school 喺食物鏈最底層。社會上層全部俾independent學生霸曬。雖然都有好嘅state school ，但差喺上嚟可以好差。佢覺得英國state school 差到一個地步，連我仔咁差嘅香港學生都勁過佢地。畢竟我仔喺香港全級包尾，而家變咗中上。
呢個我都同佢保證過，我會選有若干香港人讀嘅state school ，大家試過都唔會太極端。
又，佢講嘅喺事實都好，個仔都喺讀唔到grammar school / independent school ，我都承受唔到個壓力。
咁點解大陸台灣都係呢套
仲有過之而無不及嘅
(Not saying it is good, I don’t think it is)
1個讚
呢間Brampton 甚麼，有啲學生好窮，仲多人過Eton 入到Oxbridge
無論係小朋友教養定學業上甚至只係一般家事，兩個獨立成年人有不同諗法甚至極端對立都唔出奇，你呢個方法好好，我同老公都係咁。
我哋嘅做法係：每個pj都只有一個pj manager，另一個人只可以比意見，睇唔過眼一係就take over。
基本上都唔洗吵架
3個讚
