如果有家人中左，同住家人唔好四圍走呀，你係緊密接觸者，你四圍走會傳染畀人㗎！ 仲有啲人走去住酒店，諗住避開中左嘅屋企人， 點知最後自己真係中咗！
1個讚
唔係話密切接觸者，好多確診都一樣出外，一樣返工，一樣唔快餐店食飯
7個讚
真係好自私
2個讚
確診真係要番係屋企
我自己中咗個時，我老公第一時間幫我拎口水樽，買快速，買物資….到小朋友中埋又要去攞藥
其實有時唔係唔係想留係屋企，而係無人幫手。
我識朋友 全家中咗，但小朋友夜晚好差，佢老公驗到陽都要飛奔帶小朋友去急症室。
32個讚
我理解，我屋企人中咗，其他人要居家隔離。打去衛生署希望有物資支援。但社署要起碼4日先送到。因為實在太多人中咗。仲要有老人家有小朋友。
好彩我唔係同住，我第二日拿拿聲幫佢哋補給放門口。到我而家同住屋企人中埋。我又要居家隔離。係無人幫到。身邊好多朋友中埋或者又係居家隔離。最後搵到一個住好遠嘅朋友幫手再買D藥同少少物資。
但唔係個個咁好彩真係有朋友屋企人支援，實在太多人中咗
6個讚
係啦，全家得一個唔中嗰個都要買物資㗎
5個讚
樓主你咁驚真係要考慮下移民北韓，大陸都放緊口風話研究中國式共存，呢個世界得返北韓一個淨土架咋
5個讚
其實請問如果居家隔離完快測係陰性就已經 ok? 咁咩因素先去方艙醫院隔離?
呢d最慘，屋企人中曬你忙住照顧做跑腿，同一時間公司又得你未中d野卸曬比你做，忙到痴線好似1個救10個咁
然後你頂唔順，因為太忙唯有請AL黎照顧好屋企先。成件事真係ridiculous, 作為密切接觸者要照顧屋企人都只能用自己假去請。
因為太多太多人中，每人身邊總有幾個，唯有全家邊個未中/邊個陽性轉左陰性就出去買藥，撲物資。
即使可以叫人幫，但人地知你中左招都未必想幫手（尤其家中有小朋友，擔心行去你家門都會中招）
所以有時唔係想無公德心周圍走，而係迫不得已。
6個讚
我有諗過如果我中咗，無理由叫七十幾歲爸媽過嚟送野，又唔想叫佢哋工人姐姐過嚟，又唔想搵有小朋友既朋友，唯一可以接濟到我就係要搭成個鐘頭車既表弟。。。如果同住家人無中，就梗係要落去買嘢
諗起尋日嘅經歷真係好經典，一早拉埋車仔去買早餐俾屋企人。話社署會第4日送到物資姐，最後真係唔知得唔得。起碼買D簡單餸俾嗰邊屋企人。經過超市門口，排曬長龍，D人係2車2車咁買
買完早餐又買到少少菜放喺屋企人門口，下午依然好擔心，又試吓走出去買少少肉。起碼夠佢哋7人簡單食捱到3日。起初屋企人都擔心我太辛苦，我又體弱。叫我第二日先再買。好彩我堅持照出去買定3日糧食俾佢哋。都唔敢買得多留番俾需要嘅人，然後尋晚就到我同住屋企人中埋
到我都要隔離。我都開始發病。準備呢幾日會中。只能一直留在家。
我舊公司同事就係咁，全公司十幾人，個個都要居家隔離，唔係自己中就屋企人中。全公司得番1個同事喺公司做嘢。做死佢
1個讚
大家冷靜些！
試想下，如果家中有人流感，其他同住家人是什樣生活？
現在咁多人中，有幾值得驚都應清楚吧。
12個讚
如果全家中，就要搵個暫時無徵狀或唔嚴重既人出去。
1個讚
Update吓先，最後到今日係無任何物資送到過去。唔係怪責前線人員。成香港咁爆，佢哋好多前線人員都中咗或者家人中要居家隔離。
所以萬一有家庭成員中咗，無病徵同暫時陰性家人要出去買物資。都唔可以怪曬佢哋。無資援情況下無人想咁做
1個讚
其實人哋未必想出門口，但當網購買唔到野一係無貨一係改期一係取消、屋企又無乜野可以食，無支援可以搵到嘅時候，可以點？
好多人都識講「搵親戚朋友幫」，但當大家身邊都有家庭出現中招時，其實幫到a又幫唔到b
3個讚
共存
講左2 年多了
唔共存就永續口罩 打珍 疫情
1個讚
我都明白當無人幫到你時，你都要走出去買物資，但去揾酒店住就真係唔好啦！
你講得好岩
我老公中左 但係我同小朋友無中
所以我唔單止要照顧全家人一日三餐
不斷咁洗碗同清潔、陪小朋友玩
自己仲要wfh
到第四日我情緒爆煲 同上司講我要放無薪假
諗返起個一個星期真係地獄
1個讚