兩公婆無學歷
死儲爛儲得12-3萬積蓄
有BNO
但不育
39歲高齡
好想走又無錢
想生B做IVF就會洗埋僅餘嘅積蓄變相走唔到
法例規定40歲醫生就唔可以幫人做IVF
因為無打針
依家連份工都無埋
當初就係想保持原始嘅身體去做IVF
依家姑娘又話要打曬兩針先俾做
究竟個天想我點？
想走無錢
想生B用左筆錢個B留喺度又害左佢
依家仲要打曬2針先俾IVF
工又無埋
我仲可以點
就嚟癲喇
係咪個天都唔想我地有小朋友？
係咪想過自由正常嘅生活都唔容許？
好辛苦！我真係好辛苦！
唔知點幫你，但放鬆好重要，話唔埋唔駛ivf都仲呢，無壓力下好重要
其實唔好介意，如果暫時兩公婆生活都有問題，咁不如留返啲錢自己用，唔一定要生小朋友嘅。
十幾萬話多唔多話少唔少，到你哋真係解決到生活問題，先再慢慢諗移民。
純粹個人意見
多謝你，呢刻真係唔知仲可以同邊個呻，六神無主，喺老公面前又唔想俾咁大壓力佢
如果2個人十零萬唔建議走，要走都儲多d 錢先
差唔多40歲，依家情況順其自然，唔好諗太多關於生仔嘅事。
樓主有冇考慮收養？
唔一定有小朋友至會快樂
享受現在，活在當下
同另一半幸福生活，係英國定香港都一樣咁過
人係咪就係咁！到知道自己生唔到小朋友後，一見到人地一家幾口好開心，自己就更加想要小朋友
依家仲已經39
個心每日都提醒自己
「無架喇！依家唔做IVF，你就呢世都唔會有」
好掙紮，係咪應該照博照打針？
希望40歲前做到IVF?
時時刻刻個心就係諗呢啲
對唔住，要你聽我呻
其實我有嘗試搵資料，大概幾錢先可以過去，但資料真係好泛濫，有啲又話10萬可以，有啲又話過百萬！
我有諗過放棄香港IVF，亦安慰自己會唔會過到英國無咁大壓力會生得出
多謝你聽我呻
如果冇小朋友，我反而會去英國，起碼去試下實踐下，果邊好多工種都聘請香港人，唔需要流利英文，可以做番只服務香港人工種，超市或物流倉務。
留香港前景好似仲唔明朗，疫情都搞左近三年，仲係無了期未有終止期。香港經濟又差搵工又難，而且生活必須品升幅誇張，買餸貴過英國。
我表哥都係兩公婆，新年前過左去，都係話去踩下線實踐下，唔啱咪返嚟囉 ! 隨時新環境新生活，令你心情舒暢放開懷抱，到時諗法都唔一樣。 
對我嚟講失業，就算一個人有十零萬，唔使供樓但都好多費用支出，真係好快用哂，何況仲兩公婆添! 
無諗過，因知道我地唔係大富人家
就算有心，應該都唔會批
我明呀，我自己都冇生小朋友，但係好多朋友都同我講，有小朋友成個家庭就會唔一樣。
但係有咁講，點解你唔打針，係擔心乜嘢？
如果打咗針又有工作，又可以做到你想做嘅嘢(有小朋友)，咁打咗支針又冇壞啊。
如果你依家走去做IVF，真係成功咗，都是政府政策改咗，係必須要去打針先可以出街，到時打咪仲多擔憂。
我有朋友之前做咗，佢話前前後後用咗$180k。
再俾一年時間自已，但就唔好做IVF，只要有努力過，其他等個天去安排。
其實有想離開香港既諗法，但又無錢，我唔會生小朋友，加埋呢家疫情，真係你會好多嘢擔心，到時你會覺得生個小朋友出嚟好似害咗佢咁。
其實我係一見到唔公平嘅野就會好嬲嘅人，呢幾年已經過得好辛苦，因為好多野都唔可以再講/做！
所以我俾左個目標我地兩公婆話努力忍
俾心機儲錢，成個做人仔就帶B走
點知依家？
人人對生活水平要求唔同 唔識俾意見
不過俾個抱抱你 希望你放完負會舒服d
快d搵到最岩自己的下一步
先給你一個抱抱
不如先諗清楚邊樣重要啲？
1）留港，做ivf
2）去英國，延遲生b計劃
其實以你地經濟能力，去英國同生bb應該無得並存，你冷靜下來，諗下離開定生bb對你地比較重要，再諗下一步
你講中曬我心裡面嘅野
呢個地方對我地無學歷無專長嘅人真係好難搵食
當初無諗過入醫院再IVF都要
所以一心諗儲多啲儲多啲準備先做
點知依家無針份工無埋
IVF又要兩針
我一時間好難接受
我唔知仲應該條路點行
坦白講，我未識人係無錢去英國，全部朋友去到都係住大屋，又搵到同香港差不多人工既工，所以你話如果少錢去到係咪易捱都難講，反而除非因為身體問題，如果唔係唔打針會無左份工我應該都會屈服
因為身邊有朋友打左都唔係太好反應
一個走左
一個停經
一個長期食血壓藥
所以當初我想保留最原始嘅身體去抽蛋蛋同叮叮
點知依家要打曬兩針先俾IVF
咪當過去旅遊散下心囉，反正依家唔洗針紙唔洗隔離，你去到一入境個心情都放鬆哂啦，而果邊好多香港谷，好多香港人互相幫助解決問題，你去到會好似返番15年前香港，好多煩惱都暫時忘記咗，人一清醒就乜都解決到啦!
你去之前可搵已在英朋友，幫你兩公婆搵住處，最緊要有住址證明及收信，你就先申請醫保 NHS，之後睇GP普通科醫生全免，睇醫生搵翻譯亦免費。如果要轉介專科大部份免，就算有長期病患過到去，睇 GP 續藥，買專科藥物都比香港平好多。有住址就可慢慢搵工，不過都係玩番三兩個月，放鬆下先!