我有個同住嘅屋企人初步確診 ，佢24號做pcr， 今日有訊息話初步陽性。由佢做 pcr 到而家大約一星期，衛生署個電話話佢有打針所以只需要隔離7天，但因為我地無打針 所以要14天，對方叫我屋企人喺屋企等電話，如果喺陰性就可以出街，想請問有無人遇過咁嘅情況?
其實而家真係冇人理你
分分鐘14日後你自行隔離完陰性埋都冇人再搵你
我朋友兩公婆中咗都係自己隔離，自己好返，自己快測陰性，自費做pcr，自行返工
7個讚
依家政府都唔理，呢個病又唔死得人 大把人屋企中咗唔申報照返工
1個讚
咁又係啊，中咗又冇醫生紙，分分鐘俾人扣假，好多人都手停口停，唔申報嘅人應該一街都係。
1個讚
認真便輸了
而家加多一樣 唔想去集中營所以更加唔會講
3個讚
我識成十個人中咗都係自己醫同check 住仲有無中，佢地都好番曬了。
1個讚
唔係怕病，係最怕煩，措施混亂離譜真係好攞命
我阿媽快測陽性，屋企人話要去PCR ， 我就話做來冇用啦，好好响屋企休息，留意身體情況，自我隔離7日
讚成，如果阿媽冇返工唔駛同公司交代，係屋企自我隔離食藥等康復啦
係屋企隔離都唔好入倉呀
阿媽老人家，屋企人想佢去驗，確定下係咪真係中，比$240，好過心驚驚，但我驚驗左要隔離姐
就算唔中只係普通感冒，都一樣係食藥休息，嚴重時都係要入院。
咁中邊隻有咩分別？
1個讚
其實最慘喺我屋企人做pcr 發現的，所以佢有 send 訊息話要儘快聯絡衛生署，但我屋企人今日快測已經轉陰，過多兩日都係陰我就當好返喇，但衛生署又話要再等佢地電話，我又唔知佢地要做乜。但因為我同其他屋企人又未打針，要隔離多7日。唉！好煩
請問有無人知道因為我屋企人確診，佢琴日第6日已經一條線，跟著打比衛生署(因為同日衛生署send 咗個訊息話佢初步陽性，要佢打電話比衛生署跟進)，對方話如果連續兩日都一條線，就可以完成居家隔離，可以出街。但我地同住無打針就要14日，咁咪好搞笑，我地無事返而要隔離14日，佢就7日。請問有無人知道我屋企人有無理解錯
我父母, 我個妹一家, 我老闆, 我同事… 全中… 都係用以上好自由, 好自生自滅嘅方式去處理… 個個都好番晒啦…
1個讚
你冇理解錯，新嘅隔離措施係咁㗎。
冇打針或者打一針都係要多七日。
其實，我條邨有一個中招人士群組， 24個人中咗，但係只係得5個人有衛生署聯絡佢，得兩個人收到檢測包，其他好似我咁，就嚟出關，都冇收過任何電話，所以衛生署叫你等電話，都係得個等字。
如果我屋企人連續兩日陰性，佢其實都可以出街買野? 佢仲需唔需要做 pcr 官方證實陰性?
其實就係一句講曬, 無人會得閒理你…
我覺得跟佢指示, 14日後, 只要快測陰性3次, 我會出街囉.
最緊要公司會信你… 因為唔會有證明.