該網民表示，自己有個朋友，本身有能力置業，但有感租樓更方便，加上喜歡不時轉換生活環境，故一直租樓住，但近年租住一個單位3年，鍾情此單位，加上有感風水好，形容「住咗之後事業發展好順利，覺得層樓都幾旺佢」，加上有意結婚組家庭，故主動向業主提出購入單位，業主亦樂意，惟企硬市價放售。網民指朋友有感唔抵，因白白幫業主供樓3年，花費了數十萬，目前糾結應不應該買。
有部分網民支持業主決定，認為業主無必要平價賣予租客，與租金幫忙供樓無關；有人認為「朋友」觀念錯晒，無可能因為租樓3年成為鋤價原因；有網民直言:「我係業主知道你咁鐘意，貴賣添呀！」
另有網民拋出不少提議，有人提出搵其他朋友睇樓，令業主知道價錢如何離地；有人另有搞笑建議稱將單位變成凶宅，價錢自己會平；亦有人提議「朋友」試下搵單位樓上樓下放盤更好。
幫人供樓呢個思想真係好怪異，如果我幫襯開間士多個老闆叫雞，咁唔通我係「資助」佢叫雞咩…
仲話白白幫人供樓，咁唔通呢3年租黎丟空無入住架咩…
呢d新聞梗係有種膠味
人地市價放又有乜出奇
下！人地同你3唔識7點解要平賣？
我覺得業主肯賣都應該偷笑！
咪係囉
我日日白白養間餐廳添
業主同你有親就話賣平d啫
Agree
佢想搵個業主著數
人哋邊有咁蠢
可以賣market price 嘅嘢點解要平俾你?
我屋企人租樓嘅
明明買樓筆錢攞嚟投資每年回報夠交租有剩
呢位租客點解會覺得自己蝕呢 
既然咁旺佢，應該要提高市場買價，業主實肯
供樓都係幫銀行比息
有時供樓個flexibility高好多，唔好淨係話幫人供樓
正解，識個朋友想買隔離單位打通，大家都係有錢人，同隔離業主傾想買，開價貴估價兩成，唔係比唔起但係話谷鬼氣唔買。
呢個先係重點… 唔通業主減返3年租金買俾你咩… 痴痴地…租得樓住就預咗係幫人供樓架啦…一買一賣, 有咩好怨…
都冇話幫唔幫人供樓，自己有住架嘛
當然啦… 但好多租客都有幫人供樓心態…
講到好似業主叫你租嚟住幫佢供樓咁
真係好多痴線人9唔撘8
中國人係咁，外國人租樓好平常
D人呢啲心態真係好奇怪，明明自己要租嚟住但又覺得幫人供緊樓
真係唔知咩CONCEPT…
最重要量力而為
我以前租樓都開心，不過自己衰，三十幾時好大使，冇乜儲。幾年後慳多好多上車，係開心嘅不過一遇上19年後就對社會將來冇希望，又有啲後悔上咗
講到尾係睇你com唔committed去個社會，唔係幫人供樓呢個考量
佢真係痴痴地，你交租換嚟嘅係享用呢間屋，係交易，唔係幫人供，如果你唔住，白俾租金先叫幫人供，講到間屋咁旺自己，比多少少之後咪賺返，唔係唔識計呀