有無朋友屋企人中曬但其中一個點都唔中，
無特別隔離防範嘅，但就係無症狀，快測係陰。
我識有朋友係咁（海外香港都有），大家有無聽過類似事件？分享下～
我覺得好奇所以都去search下有無研究，搵到一個叫“immunological dark matter”嘅說法，去解釋點解有d人就係中唔到covid。
1個讚
有啊
我全家都中哂，唯獨我細佬無事
骨格精奇
3個讚
可能佢曾經中左不自知
5個讚
我英國有朋友係，同屋中曬，公司department同事中曬都未到佢。
香港呢邊哥同佢仔中，老婆冇中，老婆仲係係醫院做
1個讚
即係作感冒又好快㩒住無惡化，有時個人開始作病，即刻食藥飲好多水和休息，瞓十幾個鐘之後好返好多。
我信有人體質係唔會中，室友中哂得一個唔中
中咗都可以再中
朋友媽媽向第2-3波已經中咗一次，果次冇病徵，發現時病毒量已經好低
今次omicron又中，但今次就有喉嚨痛
兩隻唔同型喎，當然會再中，不過我都唔清楚同型係咪真係可以靠抗體頂得下
話時話大家點知自己中omicron? 香港係唔係驗完會講你知邊型架？
1個讚
我見而家衛生署個記者會
有講會將d case 驗下有冇delta 既病毒株
如果陰性即係無delta 既病毒株 就會歸類為omicron
但而家D快測都唔會分到既
可能咁就一律當omicron卦
有時大自然嘅嘢 人類都解釋唔到
可能冇病徵
1個讚
我老公中，我&一對仔女冇事
有之前見有條片佢接受網媒訪問, 最先發病係佢妹, 跟住到佢因為兩姊妹同房,
之後到細佬和阿爸, 但佢阿媽就無事, 佢地有三間房所以阿媽就瞓廳, 佢阿媽無
事仲煮足三餐比佢地食, 佢地係房度自我隔離, 房門就放椅係度要黎放飯餸, 放
低後阿媽就去返廳佢地先開門攞, 當然佢地係全屋人帶曬口罩, 最後兩姊妹好似
係過左一星期左右好轉無燒仲有小小喉嚨痛.
我都識人姐姐唔中
都可能係
有天然抗體
如果唔中既人，會唔會都有帶毒/傳播能力…
咁仲驚
本來就有好多人無症狀，亦都周圍行，你唔可以怪佢地，佢地根本唔知。
唔知點解梗係有人唔信會無症狀，而且check極都陰，其實真係有呢類人吖嘛。
所以我覺得驚都無意義。
2個讚
無食藥，乜都唔做，1日好返，mama 谷入面有幾個2歲都係咁。
1個讚
老婆中, 司機中, 工人姐姐中, 維獨一人唔中呢D例子都唔少
14個讚