人人都有機會中，但冇打針的，最怕有重症，不堪一擊要call白車，就唔好啦！
身體已好多人中
無打 大肚 小朋友老人家
所謂既重正 真係 得啖笑 
身邊唔少朋友都成家確診 有人有打針有人無打針 但聽落有打同無打個病徵差不多
無打針個d又無話會病得嚴重d
1個讚
有重症、死亡嘅係咪都係長期病患者多？
當然，有人一直健康都因為武肺有重症、死亡。
亦有人一直健康打針後身體有事，
無人擔保到，自己衡量。
小朋友無打針，一星期好返。
有打針嗰啲家人就三日左右好返。
其實都好輕微，好似傷風感冒咁
有冇打針都會中，綜合好多朋友經驗，打 biotech 既係輕症，愈後生愈冇事，感冒2-3日好返。未打/打4hing 既就辛苦啲，病足一個星期。
1個讚
分享一下，80 後（3x歲）我上星期五快測陽性，冇打針，發燒左2日39 40 度，之後只剩下喉嚨痛，本身冇打針不是長期病患者，因為餵人奶所以冇打，其實個病真係睇個人體質，老公打了兩針也燒左一日38 度，不要太擔心
3個讚
我本人冇打針， 四字頭嘅80後。
19號中招， 20號確診，今日第11日，得返喉嚨痕癢，之前頭一兩日發燒38.4至38.9度，係頭一兩日最辛苦，因為發冷發燒，再加埋喉嚨吞口水都勁痛好似撕裂咁。但係而家已經冇事。
我先生同我一樣都係冇打針，遲我兩日確診，佢可能平時食得煙多，而家痰比較多之外，都冇事啦。
2個讚
我都想知，
最近有人同我講，而家咁多人中招，你未打針，如果中招實死
其實都睇你自己抵抗力好唔好，
身體強壯咩都唔怕。
今次主要對付 老弱 人士⋯⋯
但都要小心處理。
『當年沙示殺年青力壯。』
如確診，有打針就7日後有陰性報告(連續2天)可放監。冇打針就要留14日，分明大細超，標籤/歧視冇打針的 
1個讚
我阿媽70+歲，心臟衰竭無打針中咗，頭2日發燒有痰唔係重症，我諗重唔重症係關個CT值事
依家有冇數據打了針同不打, 染疫反應都一樣嗎？
好多打曬針扮無打針，反社會人格。網上講野真真假假邊個知，總之英女王外國元首全部都打咗咁人地條命唔值錢過你。
2個讚
呢啲似假陽性
命就得一條，小朋友喺無辜。自己中唔緊要唔好惹埋小朋友。你去下老人院望下死幾多老人家，咁你可以話老人家喺未都會死。but我希望真喺唔打針果批唔好有長者親人中招囉。網上up幾句唔使負責任，你話全家無打針，我話我喺劉德華都得啦。
我做老人院，日日都有死人。有中招果班喺好辛苦。我唔想為反而反，家屬喺好唔想見到自己個親人咁樣死。呢家香港個死亡率已經差唔多喺美國，隨時因為無打針多長者中招而增加。我希望叫人唔打針果班問心，你真喺因為副作用而唔打針定還是因為其它原因而特登唔打甚至打咗話無打。
1個讚
樓主你統計下留言，9成回覆都傾向唔打好過打，好多我朋友，我家人，我乜乜都無打無事。你不妨抽少少時間去老人院去醫院望下中招果班。
我都覺得好平行時空,我身邊親朋戚友全部打哂針,而呢度絕大部份人冇打針
佢哋可以話平時老人院日日都有人死,差在遲死早死姐,呢D說話唔想聽
首先澄清，無打針只代表自己，從來無叫人地唔好打針，亦無能力幫其他人做任何決定，好似大家上面都只係講自己嘅行為。
唔打針當然因為擔心副作用，如果唔係點解唔打？打針可以去商場，可以去食飯，可以去超市，甚至更容易搵工，我唔明白如果唔係擔心副作用有咩理由唔打針，更加唔明白點解「打左要話自己無打」，完全唔覺得有咩著數。
無打針唔代表認為打針無用，整體來講我自己相信對於防重症同死亡係有一定作用，不過衡量個人風險下覺得暫時未需要打。每個人面對風險唔同，擔心副作用同擔心重症都有，身體係自己嘅，其他人都幫唔到做決定。
我地都好歡迎打左針嘅朋友來分享下，聽下唔同聲音，相信樓主都會想了解唔同意見，我地都樂意聽到。
不過如果你覺得我地講嘅內容係假，我都係唔明白有咩著數，但係亦無辦法提供證明。咁樓主來呢度問得，佢都會有一定判斷能力，亦都會綜合唔同方面意見，同埋考慮網絡消息來源作為參考。我相信樓主都應該會睇埋衛生署等官方發布嘅消息，唔會淨係睇呢度我地講嘅內容。
16個讚