而家度度都爆，wfh唔洗去office啫
點都要落街買嘢補給
出完街帶咗菌返嚟 大人中都唔緊要
最辛苦係個小朋友
而家咁嘅情況 就算中去醫院都無人理
有朋友小朋友3歲中咗
屋企人明明日日好乾淨先會掂小朋友都中
而家只係知小朋友中咗個反應比較大
會由低燒突然十分鐘內升到40度
同要準備小朋友退燒藥，退燒貼
仲有無嘢可以做？
6個月嘅小朋友可以做啲咩？
1歲以上嘅小朋友又可以做啲咩？
有無人分享下如果小朋友中咗應該點處理好？
集思廣益，等到時候touch wood個人都無咁荒？大家圍下爐都好
屋企人出過街自己中咗
對住講嘢已經傳咗
都唔關掂唔掂事
聽過幾個case小朋友中左2日好返
首先唔使太恐慌，最緊要準備足夠嘅退燒藥，同照顧人手（半夜三更都可能發燒）
足夠食物同乾糧（我果時病到煮唔到飯）
我自己三個小朋友，兩個無病徵，一個只有微燒，仲要兩日好返曬negative.
身邊朋友小朋友都多數3幾日自己痊愈。
我唔係話武肺等於一般感冒，只不過呈現出嚟嘅病徵的確係輕過一般感冒。
最緊要觀察住有無呼吸困難
我都係聽佢哋講 最神奇係大人無中 小朋友中 所以佢哋話可能關啲外套有菌事
唔神奇，無發出黎唔代表無帶菌
Asymptomatic 定冇中?
如果冇中小朋又都中咁都幾唔好彩
你一個照顧三個 好叻啊
佢哋幾大啊？
其實聽好多都係三兩日自己好返
係怕有啲人話會抽筋個啲？
佢哋工作需要日日要check
所以一係低病毒量？
我小朋友係英國中
嗰期應該係delta?
總之係positive 唔會話你知中邊仔
發左兩日燒 最高燒到39.幾 同 有咳
食左兩日退燒藥 就退燒
但咳就咳左七日
飲水
留係屋企隔離無出街 無出街睇醫生 但打過一次電話問診 都係話食退燒 止咳 水
如果真係頂唔順先打999
係發燒辛苦 無乜胃口
退左燒個人就精神 無乜事 有胃口
準備定 退燒 同 止咳水 係屋企
小朋友好快康復
要同小朋友攞定平安藥
太細個唔食得成藥
一歲以下唔食得蜜糖 所以川貝枇杷膏都唔得
中左嘅
六個月冇咩可以做 盡量比奶佢飲
最多濕毛巾同退熱貼降下溫
一歲嘅就比佢食多啲飲多啲水
怕唔肯飲水就買定運動飲品 開稀佢
順手補充流汗冇左嘅電解質
先冷靜，當佢流感處理。
留意透氣順唔順，係咪訓到覺，仲有胃口當然仲好啦
最緊要補水 小朋友訓前補唔夠水 一訓著就高燒架喇
食退燒藥要有反應，那怕仲有燒，但識下降一點點都叫有反應
自救，真係好唔妥記得用最做方法去醫院（白車真係睇彩數）
加油呀
呢個問題我之前都成日諗呀，萬一小朋友中招，如非嚴重都唔想去急症室白等。 兼且我小朋友之前都病過，算係演習過。分享吓我嘅睇法：
低燒： Paracetamol
高燒39.3 以上：ibuprofen
塞藥： 塞藥都有兩隻唔好搞錯，以免又食又塞double dose. 有分paracetamol for 低燒， 除非嘔到食唔到，如果唔係唔使用塞。 voltaran for 高燒 (呢隻我小朋友未用過，唔打算專登買來用，而且都唔知市面上有冇得買）
食咗藥會降溫，過咗藥效會升返，上上落落，幾日先至會完全冇燒。不過正常個trend上落得黎會向下。 就算高燒40.x 只要小朋友精神，食到飲到就OK。 發高燒正常會少少攰少少呆，只要唔係好嚴重好似冇咗神嗰隻就OK。發燒唔會壞腦，係驚燒到抽筋或者腦炎。如果神智唔清醒或者抽筋就要入急症室。 記低抽咗幾耐。
物理降溫，即係和暖水浴or 濕毛巾，冰袋。 唔好用酒精。 退熱貼其實降溫冇乜用，不過可能貼左舒服啲。
條氣留意有冇氣喘，透氣有冇聲獅哮症，呼吸急促。 有血氧計就自己量，冇就睇吓面色/嘴唇會唔會變藍。
盡量俾佢飲多啲水，如果唔肯飲水就飲奶+/-開稀少少，或者果汁溝水。留意夠唔夠尿，唔夠尿要入院
大家請補充
多飲暖水，小童注意大小二便，每次排出體外，都係幫助散熱方法。
用和暖水沫身體，也是有助散熱。
今次疫情好多人都有喉嚨痛，你注意下，可能小朋友未必表達到。
補充少少
Paracetamol 同ibuprofen 可以一齊食，跟返每種每24個鐘份量唔會overdose。paracetamol 一般6個鐘食一次，ibuprofen 每8個鐘，如果食完一隻未都下次食藥時間又燒可以食第二隻，如此類推。
想問ibuprofen係咪都係藥房配到？
啊b未試過高燒
想配啲旁身
之前有藥劑師嘅屈臣氏有貨
有啲地方冇貨啦，聽聞連個代理都冇曬貨住。你快啲去搵下啦
可以去FB 搵「肺炎媽媽自救寶寶區」好多人分享BB中咗應該點處理同有乜可以預備，希望幫到你。
該主題在最後一個回覆創建後90天后自動關閉。不再允許新的回覆。