本港疫情嚴重，不少公司安排員工在家工作。一名網民於討論區發文指，上司欲找一名同事每日可返回公司上班，代為處理事務，其一名男同事竟自動請纓，解釋指不想每日留在家中面對兒子，故寧願返公司工作。
該名網民於「香港討論區」發文指，受疫情影響，其公司已安排員工在家工作逾一個月。近日上司突然詢問，「問我地有冇人肯每日返office（辦公室）」，並解釋因他每星期都要回公司處理信件或fax（傳真），認為效率太低，而且他不想每星期特意返回辦公室，故想找同事代為處理。
樓主認為現時疫情嚴重，預計沒有同事願意回公司。沒料一名男同事竟自動請纓，主動要求返回公司上班，並稱「佢日日喺屋企要對住個仔，根本唔可以專心做嘢」，而且妻子現時亦在家工作，故寧願返公司工作。樓主聞言有感，「原來屋企有小朋友嘅同事WFH（在家工作）係咁辛苦」。
我一向都覺得湊小朋辛苦過返工，我自問5係ftm的材料
有啲人成日要開會, 但小朋友細喺後面大叫. 
我都係
返左幾十年工，唔出門口返工個人心理上好頹
我做過3年ftm，出番黎番工簡直覺得如獲新生。番工都仲有得偷懶用下電話，ftm去個廁所都要拖住手。
我雖然仔女唔細，唔阻我做野。但在家工作，準備和煮兩餐都用唔少時間。
之後，見到雜物、地下有塵，又忍唔到唔清潔……結果辛苦過返工。
我d 同事之前因為咁返公司，其實我真係唔認同WFH 做到嘢, 除非自己一個人住， 唔係就OT 返幾個鐘先做得完
同埋屋企配備一定無公司咁好，好多都work from bed, 即使環境安靜都做得慢, 對腰骨都唔好。
我今朝網絡好慢, 我好懷疑我層樓好多人上緊網, ZOOM緊.
雖然我都做咗ftm好多年，個女都已經中學生，但見大家咁樣寫都想起做嘢時嘅難處，明白要返工嘅父母啲辛勞，但見到你最尾嗰句，即刻笑咗，好sweet呀
我記得嗰時去大仲要同個人仔面對面，唔可以太暢快添
匿名先講，
同老公第二個星期WFH，大廈強檢所以要WFH直到兩次報告陰性先可以返工，間房都OK可以兩個一齊做電腦野，但係會撞開會時間，咁就一個O係廳一個O係房。
開始先果個O係房，後果個就去廳。
我地同奶奶住，有兩次我出去開會奶奶都係咁同我講野，我MUTE左對方係聽唔到既，不過就不斷地打擾我要我答佢問題，而事前我係講左我要開會。
但老公出去開會時佢又好配合咁唔講野唔開電視，然後就係咁敲房門問我野。
午餐時間我只會煮兩份預俾老公，奶奶佢平時都懶到出汁唔煮晏晝飯，見餓就食餅，老爺肚餓就會自己出去食。不過一個鐘又煮又食又洗真係唔係好夠時間，好彩老公都會幫手準備或者幫手善後。
最麻煩係，10個工作日裡面，頭6日我都係要出去買餸煮埋俾佢地食(仲未計埋星期六日)，平時因為時間唔許可所以唔洗我理返黎食飯就得，WFH真係仲忙過返工。
老公佢都成日叫我唔好幫奶奶煮飯，搞到自己咁急咁攰奶奶係唔會欣賞仲覺得理所當然，到後期只有老公出廳，我就淨係留O係房，哩到奶奶已經鬱手煮飯先出關。咁就有幾日唔洗煮晚餐。
我係ftm，如果老公要wfh我仲麻煩，要成日睇住2個小朋友唔好嘈住爸爸
要問定幾點meeting, 拉晒d小朋友出街
開大你眼望我眼真係好無奈
而家佢地大左d冇咁纏身，但wfh好多時佢地都嘈到俾我老細問係唔係屋企或者話轉頭再打俾我，嘈到拆天。
好明白，有啲朋友都話wfh 真係好攞命，因為小朋友一定會搵佢哋問嘢、傾計，兄弟姊妹嗌交……
之前我老公wfh，都係去咗奶奶屋企（同一屋苑），唔係因為阿女會嘈到佢，係因為佢無論做嘢同視像會議都可以好集中，阿女上堂亦唔會同爸爸互相影響，因阿女鍾意開住喇叭，唔鍾意塞住耳仔，晚飯時老公就返過唻，好似放工咁，盡量大家都騷擾唔到對方，好彩可以多一個地方處理。
WFH 早上仲好D，小朋友上緊zoom 唔會搵我，下午就不停搵我，即使講開緊會都唔理，結果為左阻止佢地唯有俾佢地打機。三月開始放「暑假」都唔知點算
該主題在最後一個回覆創建後90天后自動關閉。不再允許新的回覆。