星期四晚check 都無事，尋日放假大半日留左係屋企，傍晚過左海睇中醫（一直隔星期睇開），今日出去做野時開始狂流鼻水同打乞嗤，返黎即刻check , 我同老公都中左
興幸屋企無老人家細佬，我地打哂兩針，平時做足安全措施，暫時未發燒喉嚨無事（touch wood), 求安慰指點我下一步要點做，我真係未有心情再上網check
6個讚
請假先？有藥嗎？
我係手停口停既工種，至於藥就夠既，一直儲落好多退燒用既必利痛
3個讚
如果屋企冇高危人仕，就可以自我家居隔離，留言身體情況，發燒食退燒藥，多飲水
4個讚
唔使太擔心啦，我小朋友尋日發燒，今朝先自我檢測及顯示陽性，今晚已經退曬燒，見佢而家好精神嘻嘻哈哈打緊機 
10個讚
多休息多飲水，睇下屋企夠唔夠食物。買定啲麵包或者肉來煲粥。同屋企人講聲，要果有需要佢哋可以幫你準備物資。
唔洗太擔心，留意自己同老公嘅情況，如果有氣喘就要小心。
6個讚
請問你去睇中醫至返屋企期間，有冇曾經除過口罩?
淨係睇中醫時拉開左口罩一下，睇下條脷，我都有諗過係咪睇中醫中招
每日一杯維他命C，多飲水。
有咩徵狀就食番止徵狀個隻藥
有發燒 多數燒完 會好快好番。
2個讚
咁應該都係，否則就係你返到屋企時，雙手清潔唔夠乾淨，唔小心掂到眼、口或鼻 ?!
無論點都要用一次政府嘅檢測先可以確定係中咗，去咗檢測先啦。
如果因為患病而手停口停，好似有政府資助$5000 ，唔幫到好多，都可以幫住先。
5個讚
我好怕過左14日佢先捉我去糟糕灣
你可能需要止鼻水藥
飲咩都得，除咗酒
飲多啲，去多啲廁所。專心休息
應該唔係，呢方面我好小心
過咗 14 日陰性就唔使入喇，但應該都有 $5000
至於邊度中…會唔會係口罩兩邊漏氣，或者出街食飯中？有時又唔知廚師有無中…
1個讚
人哋問你點惹到，其實唔洗理
惹到就係惹到，反正一街都係
專心休息
6個讚
可以拒絕唔去，唔好諗太灰
1個讚
同意。
周圍都係，周圍都係。。。
休息多啲，飲多啲水。
“感冒”嚟㗎咋
好快無事
5個讚
我戴KF94, 無出街食飯好幾個星期了，連食外賣都會用消毒紙巾抹先拎入屋企我覺得搭公共交通工具時都有機會中
2個讚
多謝你，我自問好小心，真係避無可避
2個讚