原本唔諗住係安心入針卡資料, 亦打算唔行商場, 只食外賣…岩岩俾老公叫去食晏, 佢話要坐底食問我入左針卡未…我問點解一定要入去食?佢好難為情話同行友人都想坐底食…半推半就入左餐廳, 我仲要餐廳門口先整個針卡, DO左入去, 餐廳個老世見我係到整咁耐, 懷疑我用假紀錄…我的確打左2針, 佢地都用QR掃左我安心…唔知個老世發咩神經, 講一堆廢話講到好似我做假咁, 同行友人都拍哂台鬧佢, 點解掃埋針卡都要係到話我地! 個老世仲趕我地走唔做我地生意…
冇得食好少事,但…
呢一刻, 我真心覺得, 極權既可怕, 所有人被逼跟一堆唔合理, 又行之無效既措施…
之後轉左餐廳, 同行友人就主動話, 我應該要早D入針卡紀錄俾人DO, 咁岩岩人地就唔會覺得我做假…
我再重新我係唔會行商場…唔會再入餐, 佢係到鬧我, 話你咁皮係玩死自己! 一陣俾人捉罰錢…
我用一句, 一萬蚊我俾得起! 打算完左個話題…
其間我老公冇出過一句聲!
最失望既係, 食到中途, 我老公仲突然彈出一句, 我地4個人兩家坐埋一齊食岩唔岩規矩嫁!
我嬲到即刻跳制, 同佢講你咁鐘意守規距, 你去幫政府打工啦!
可能我天生反叛, 我最近已經成日話自己好似坐監咁, 無諗到一個同我一齊經歷19年種種極權可怕既親人, 會咁配合正苦監控…我真係好想走,望住7個月大既BB, 真係好矛盾…
12個讚
聽妳咁講妳地去第一間係深藍店喎?!
點解超過兩個人堂食，間食店都俾妳地坐埋一齊?
既然嫁咗雞就要隨雞啦，而且剛有左 BB 冇幾耐，互相遷就行多或退一步囉，冇針喎，除非移民囉 
5個讚
入去食，如果唔做足，就會累咗舖頭
堂食係「法例」要食肆主動掃你針卡，無論紙本或安心
一係外賣喺附近食
呢啲嘢好心佢事前plan吓，唔係食食吓先嚟講…搞到人冇哂胃口
3個讚
佢地係求奇入左間工倉大廈既餐廳…我地冇坐埋, 係一間隔住塊膠板…我打左2針, 原本計劃, 等BB開始讀書就去泰國供小朋友讀國際學校…我好想走, 但老公唔識英文, 亦好怕適應新環境, 如果唔係今日唔會發生呢件事
1個讚
正常今次新防疫條例限兩人堂食，好似話明要分枱坐，唔可以再用膠板分隔喎!?
泰國唔使識英文啦，指手劃腳咪得囉，去到就焗住學下果邊語言，耳濡目染下每日學識一兩個字，好快就可以加埋身體語言溝通 
我老公就係咁…佢對任何野都冇planning, 俾你講岩左, 本身我真係收工好肚餓, 搞完一大輪, 吞左個蛋治算! 咁多規矩我真係好大壓力, 我可以唔出街, 但可唔可以唔好逼我, 要開開心心咁俾人CHECK我個資?俾人監控仲要覺得係公民責任…我仲未接受到做隻快活港豬
2個讚
係? 咁間餐廳冇跟啊, 真係用板隔…我冇用冇咩學歷唔可以用STREAM A去加拿大, 又窮, 打算靠仔仔去泰國讀書,用陪讀簽逃離
你兩公婆都冇BNO咩? 去果邊大把港人粵語交流，大把工都係唔使識英文，可以幫番香港人範圍工作，你老公過到去都唔怕啦，而且果邊細路讀書又免費，醫療又唔錯
我冇, 佢有, 你講既野我都有同佢講過, 佢係唔想走, 我點講都冇用…
你老公咁講規矩咪等佢自己同友人撐枱腳囉、擺老婆上枱咁、真係好嬲喎
1個讚
其實唔一定要加針卡落去個Apps度，你show到俾佢睇就得
4個讚
屋企有七個月大BB 都仲係餐廳食
依家爆到咁，除口罩堂食根本就係其中一個原因
3個讚
我有講過, 我張針卡係醫健通…我老公話佢去餐廳人地一定要scan安心果到…我都想問下, 究竟我可唔可以用紙本有qr code既針卡出入?
入唔入針卡關佢乜事，叫佢自己食囉。你老公仲要加把口真係多膠魚。
2個讚
得罪講句，你諗定7個月BB 中咗ormicon 點算好過，
咁樣只會遲早中
多謝你明我!!!我谷住道氣吞左份蛋治後, 一出餐廳, unlink左針卡記錄! 同埋同佢講, 以後要睇針卡既地方唔洗預我, 亦唔洗再問, 我只會叫外賣
3個讚
我知, 我都預中硬…一日萬幾單, 朋友都有幾個中…有好多中招媽媽谷, 分享資訊, 正苦唔識抗疫…好多人努力自救緊
大人中唔怕，我怕小朋友中咋，此終唔知佢哋免疫力有幾強
2個讚
樓主，唔好嬲，知道妳唔開心係因為老公唔企自己嗰邊，食份蛋治應該好快肚餓，今晚食餐好啲，俾自己開心返最重要！
至於針咭，確實唔一定需要連落安心（我睇政府啲記者會時，唔記得邊個官員講嘅），可紙本，可醫健通，可影低落相機（我曾經問過一啲食肆，唔可以確保所有食肆，佢哋話只要佢哋嘅機scan 到相片內的qr code都係可以）等等嘅方法，當然，有啲食肆為保障唔會被罰，會要求全部嘢喺曬安心都唔定。
2個讚