以我C9仔理解, 當海量嘅租客為咗拎租金免稅額去主動申報自己地址係租嘅, 政府就可以查到邊d 單位出租而無打釐印
有好多業主唔打釐印, 就係唔想俾稅局知有出租物業, 唔想交物業稅, 特別係村屋… 或者非法出租(例如公屋同未補地價嘅居屋)
前者, 業主逼住報稅, 就會加租客嘅租
後者直頭收返間屋唔敢租出去, 租客住都無得住
(後按：谷友提醒咗, 租住公屋同未補地價居屋, 租客都犯緊法, 租客應該唔會咁on居去申請租金免稅。)
最終大贏家係政府…
唔知有無理解錯誤
前者, 可以加租既, 但租客可以走. 之前都有討論過, 住酒店好抵.
後者, 打釐印交返之前既稅 vs 寧願收返間屋唔放租, 你會點揀?
下，打曬釐印跟足規矩既應該估大多數ar ma?
3個讚
我自己跟住法例做。
其實扣到幾多稅？
呢個係鬥氣option, 就算要交稅都會租間屋出去啦，就算成本高咗，都係每個月有收入幫補供樓vs自己頂晒嘅分別。
如果租客有10萬免稅，最高可以少交HKD17,000稅。當最高rank 17%稅率。
2個讚
交得17%稅，都唔會簽D 無stamp duty 嘅租約，又真係各種原因簽無stamp duty 嘅約，又唔會為咗17,000而要業主去打stamp.
2個讚
我最怕係唔打釐印一陣同租客有咩爭執會好麻煩，得不償失⋯⋯
6個讚
業主咁怕租霸竟然有人唔打stamp？
3個讚
納稅人要保留紀錄最少7年。 如屬由欺詐或蓄意逃稅而引致的短報情況，追溯期為十年。稅局覺得有問題嘅可以開file查7年前嘅嘢。
例如：納稅人報咗2021/22年度租金，業主亦有報。稅局抽查寫信問租客要佢提供租約租單，發覺張租約係1/4/2020-31/3/2022，業主冇報2020/21年租金收入，先寫信要你報返再交埋短報嘅稅款，唔好彩嘅加埋罰款兼坐監，更唔好彩嘅開埋file查。
稅局唔會full check，佢會抽查，或者接到舉報都會查。稅局一開file查，佢係拎曬你所有私人戶口紀錄去查。一開file，先收一筆保障性評稅掠水先，查完發覺有欺詐或蓄意逃稅成份，補交少報嘅稅之外仲要罰款。
同埋冇足夠紀錄一年最高罰十萬。
1個讚
其實厘印唔係單單關稅事，其實係保障租客同業主，厘印代表份合約合法性
3個讚
好多業主第二份租約唔打STAMP
一語中的。
同埋以租樓咁多雜費來講，打stamp 唔算貴，無謂因小失大。如果經地產鋪去租更加有人同你排隊只係負責比錢，咁都要避？
我講真㗎, 好多業主真係唔打釐印㗎, 特別係村屋。越有錢嘅人越孤寒, 我見唔少。唔只慳個釐印費, 重點係逃稅。
然後可養狗嘅租盤難求, 毛孩主人明知無釐印都逼住要租。
居屋要出租唔只要打釐印, 係要先補地價, 公屋更加唔可以出租, 所以我話業主可能會收返層, 租客要搬走
2個讚
尼個唔只業主犯法, 租客同樣都係犯法, 犯緊法仲要自己走去話俾人知自己犯法, 咁係自己問題
係喎, 醒唔起依點
租公屋嗰班其實可能唔洗報稅或交稅. 不過唔排除都有有錢人鍾意住公屋.
好多拎咗公屋然後出租, 自己住私樓。不過樓上谷友提醒咗, 出租同租客都犯緊法, 租客應該唔會咁on居去申請租金免稅。