我以前以為SEN一定好啱去英國，我自己小朋友實際上有好大幫助。但我發現唔喺個個SEN喺咁，有啲差過喺香港。
我聽咗幾個case後，想試下總結邊啲SEN小朋友適合/唔適合。不過我聽埋嘅case唔喺太多，想大家補充下：
但如果小朋友喺英文中文表達一樣咁差，或者英文比中文好，去英國就會可行。
小朋友年紀
越細嘅小朋友越可行。越細個去，英文越容易變成母語，同point 1。
邊種SEN
如果喺對學習無興趣，過度活躍，英國嘅活動教學有幫助。如果喺亞氏保加，好擅長數學嘅，可能香港仲好啲。如果喺中文讀寫障礙，而英文無讀寫障礙或比較輕微嘅，去英國會好有幫助。社交弱嘅小朋友，要睇point 1，如果英文唔好去到英國就更加無朋友，仲要面對文化差異。
但講一個反例：有個小朋友，英文好，社交弱，鍾意睇歷史地理片，喺香港無話題無朋友。因為喺香港無朋友，佢去英國一啲都唔傷心，英國學校教嘅歷史地理又開正佢個範，去到英國仲多咗朋友
我的情況係大有幫助.
大果個亞氏保加, 社交障礙, 除左打機同美術, 咩都無興趣.
香港少朋友, 哩度都少. 主因係佢唔願意同人溝通.
好在英國好多美術大學, 相信第時有志同道合既會易些交到朋友.
細果個過度活躍+讀寫障礙, 係所有文字都有障礙, 包括數字. 係香港讀書時係地獄.
勉強學會26個英文字母, 單字都未識一個便離港了.
天生有無敵既笑容, 香港多朋友, 哩邊都多朋友.
我好奇怪, 完全唔識英文都溝通到, 每逢節日仲收到好多同學既卡同禮物.
果然外貌協會係世界性組織.
由於在玩樂中學英文, 好快已經大概識聽及講簡單英文, 雖然仍然完全唔識寫.
但已經由最擔心果個, 變為無需擔心.
實在太好了.
希望個個小朋友都適應到
唔爭氣笑咗。全靠爸爸夠靚仔
多謝分享、我有個sen仔做阿媽成日都要收學校不同的投訴電話不停叫我加藥、英國會唔會？不過佢投訴我都唔知明唔明白
好葡萄！
個人體會，英國學校係包容 SEN，會同家長聯絡如何協助佢地學習，但唔會強調因為 SEN。
所以唔會有投訴，家長同學生都唔會有壓力。
講嗰差嘅case
中學生，在課堂大叫出走課室，被老師追幾條街捉返。老師講英文但嗰中學生話唔明。老師約見家長，指出學生多次行為不檢，再喺咁要佢轉特殊學校。但家長和老師唔肯，事實上亦好難轉，學校連EHCP都唔肯定幫忙申請。
情況比香港時更壞
另一個都喺差，但無咁嚴重嘅case。
小學，不擅社交。佢好想識朋友，但唔識方法，變咗英文情況更差。
申請緊EHCP，但耗時極長，未知等到幾時，亦可能失敗
正面嘅case：
小朋友好多嘢講，無過度活躍但偏好動。香港國際學校都搞佢唔掂，學習進度慢過人。
喺英國，同學更活躍，顯得小朋友無咩嘢。老師比較有耐心聽佢講嘢。老師比較緊張學校進度，安排補課，慢慢追成績
我果兩個係香港時一直返緊言語治療和甚麼群體發展 (香港時我工作太忙，由太太安排)。
但來英國時已知用英文上同樣的訓練一定唔掂，所以無想過再返，連有 echp都唔知。
當時最擔心細果個，發展遲緩已重讀左一年，係小一未開學已離港。哩邊跟年齡入學，一入就 Y3，即係直接跳左三年進度，仲要完全唔識英文。
第一日返學，迫佢記住點講 toilet 哩個字。
第二日放學返來，佢好唔開心話無人同佢玩。
我教佢記住 i want to play，背左佢返去向同學講。
之後就開始左佢多姿多采既校園生活。
我問過佢既好朋友仔，佢唔識英文你地點溝通，原來佢會不斷打手勢令老師和同學明白。
因為小學除左體育堂，基本上係由兩位老師負責曬所有課目。其中一位老師特地每日抽 1/3時間，教返佢 Y1既英文。而我係屋企就由再基本既 reception level英文教起。
其實最終目標只係佢可以聽講讀英文，唔多識寫都無所謂。反正哩度無留班或讀唔上踢出校，讀完中學後佢鍾意做咩咪由佢去做。佢人緣好，唔係太擔心。
可以問你小朋友點種嗎? 我小朋友有sen, 香港用到校,由於無經濟能力,我冇比私人機構服務佢
嚟咗之後老師話唔覺佢sen, 學術社交都冇問題
你有無識人都係好似我甘? 無sen 服務?
謝謝您的指教 
我自己嘅小朋友輕微，早期我自己找私人訓練俾佢，改善咗。
後期香港老師都唔覺佢有事，只喺覺得小朋友學術差。但我堅持佢有事，學校就俾啲標準嘅服務我，但太淺，對輕微嘅小朋友無用處，所以我自己退出咗，留多啲時間我陪小朋友傾計好過。
去到英國，我發現小朋友大致追到進度，無曬問題，我問老師都唔覺有問題，所以都唔申請。不過老師主動提出俾普通補課班，話小朋友英文書寫落後咗