當大部份家長都鬧嘅時候
我其實係好贊成，直頭覺得鬆一口氣。
我有2個仔
小一&小三
小一果個基礎差 因為K時都無乜真正讀過書 （不過個個都係咁啦）
小三果個懷疑SEN 實體課時已經難搞但大家都只覺佢心散。而疫情初起開始zoom，更加覺得佢有特別需要。老師唔體諒，因為佢未正式確診，只怪我唔著緊又縱容佢。之前做過讀寫評估，佢唔係。而家等緊做其他評估。
我要返工，而家都未WFH。
本來2兄弟都上功課班，但因為疫情又停埋。Zoom根本無效用，返到屋企乜都要重新教過。
因為阿哥完全無自制能力，做細佬一定痴住佢玩，所以我每晚放工都要同佢2兄追功課。做到十點十一點完全係日常生活。（而家呢一刻都同哥哥做緊，剛搞掂細佬。）
然後我要upload，睇老師批改，叫佢地改正，又再upload。。。
根本係無限輪迴。 
成個社會風氣已經好差，返到屋企又要無間地獄。
老公幫唔到，長老都幫唔到。
我每日心情都好差，一星期飲五六晚酒。
而家話停課 我開心都嚟唔切，至少煩少一樣野。
以上係我個人想法，要鬧醒我唔該輕手啲。 
你唔係需要鬧，你係需要一個擁抱。
講真的 睇到你個回覆 我眼濕了
大家同路人，明wo. 媽媽你辛苦了。
[quote=“Lightwriter, post:4, topic:60171”]
我身邊大部分人都係鬧停課
我真係唔敢講其實我好贊成 
怕人地誤會我贊成用學校做檢測中心
點會鬧你
睇見啲字想像下都鄧你辛苦呀！
每晚都回唔到氣，轉頭又要上床瞓第朝又要返工放工捉馬嬲無限輪迴，正PK正苦！
因為真係暫時無見其他人話贊成停課。。。 
驚係我自己太異類
我完全明白你，我都有一位SEN小孩F.4,
每日起床都好耐，上堂遊魂多，攪其他嘢
抱一個
我雖然情況無你禁差，但呈3無左，呈1，2，又衰曬，本來想打死個衰仔要佢追呈3比我睇，補習補習再補習 溫書溫書再溫書 母子關係變得緊張。
而家停課了 呈3取消了，我反而鬆一口氣。萬幸既係有直資收左，我算係。。。安安樂樂我9月升中一，咩都唔追了
贊成個d 冇係呢到出聲姐。我雖然未至於話好贊成，但又唔算好反感。好處係終於唔洗陪zoom，zoom 簡直係挑戰緊親子關係。但同時又擔心一陣佢無限期推遲開學，睇款唔似2個月內搞得店疫情。
喺香港做家長點會唔辛苦，樓主加油。而且你兩個係仔，一個懷疑SEN，會好辛苦
最重要坦承，呢度最歡迎
今日學校老師有打比我問睇法，我都好坦白講對於學生來講越多face to face learning 係越好，所以將暑假擺上黎無可厚非，比起無得返學，寧願佢地遲d可以真復課。
當然，明白呢個可能係false hope 打曬針做曬全民檢測都仲未收到科，都明白對學校同老師係disruptive change.
但back to sq 1, 純粹對學生來講（而如果4月復課真係行得通）係好事來的。而呢樣野，無仔女既人係好難明。
係，乜都搞好耐
而且非常情緒化，初初開始zoom，大叫大喊又傷害自己
而家zoom慣左，佢自己識調節自己，就上堂開YouTube 
最近比較惹火係用2個鐘做10題數 
其實高年級家長一定更擔心
我2個係初小中小，我對佢地成績真係唔太著緊
阿哥今年中文先第一次合格
我都唔覺得可以2個月內搞得掂。。。
唯一我開心的就係唔洗繼續在家無限輪迴 
好自私的想法呀！
又會打俾你問睇法咁得意？
學校會收集民意向政府申訴嗎 
如果我個小朋友唔係出年考DSE, 我都會舉腳贊成，尋晚開始好惆悵
抱抱
呢幾日遇到個小朋友，本身情緒唔好，係屋企困到想自殺。尋日同學校同社工傾完，可以安排返學校自修，結果又提前放暑假。
我完全諗唔到個半月可以點幫佢。
高年級家長真係好擔心 