希望開一個新話題等多d香港人了解下遠在地球另一邊的南美洲國家。不一定烏拉圭，可以喺阿根廷，秘魯，厄瓜多爾，智利甚至巴西。我會一邊學習西班牙文，一邊講下當地的人和事。好多人包括我親戚都覺得南美洲喺第三世界國家，咁實際上當地又喺一個乜野環境ge世界呢？
首先移民烏拉圭第一時間要了解 烏拉圭國歌 HIMNO NACIONAL DE URUGUAY .歌詞第一句就喺 Orientales, la Patria o la tumba! 烏拉圭全名烏拉圭東方共和國，所以第一句就話東方共和國是我們的家園或是墳墓，Libertad, o con gloria morir!要自由否則寧願光榮而死。 Es el voto que el alma pronuncia,y que heroicos, sabremos cumplir. 這是發自內心的誓盟，我們知道如何英勇地捍衛。 ¡Libertad, libertad, Orientales! 自由，自由，東方人民**Este grito a la patria salvó.**我們對國土的呼喊請救了我們。que a sus bravos, en fieras batallas,De entusiasmo sublime inflamó.**他們的勇士門在激烈戰鬥中以崇高熱情點燃火焰 **De este don sacrosanto la gloriaMerecimos. Tiranos ¡temblad! 這份我們值得擁有的神聖禮物與榮譽讓暴君門顫抖！Libertad! en la lid clamaremos.我們在戰鬥中高呼自由Y muriendo, también ¡Libertad!並死了也要自由。最後一句Sabremos cumplir! 我們知道如何去達成！
烏拉圭國歌
youtu.be/TDouToGc9Vg
7個讚
今年12月完合約後會搞文件，要上去大陸一次攞無犯罪證明。不過好似委託內地人辦理都得，depends on到時通關情況最怕比咗錢但對方比份假野你就麻煩。最好親自上去公安局出份證明再去公證處公證再攞黎香港做海牙認證。
1個讚
分享下烏拉圭今日一則新聞。
MINISTRO DEL INTERIOR
Heber sobre uso de camioneta decomisada al “Betito” Suárez: “No nos gusta andar en autos blindados”
“Nosotros teníamos una camioneta blindada que no nos servía. Se la pasamos al jefe de Policía y obtuvimos otra por la Junta Nacional de Droga”, aclaró.
烏拉圭內政部部長被發現駕駛住一部奧迪Q5房車，而呢部車喺充公黑社會頭目得返嚟。咁今日內政部開記者招待會話內政部長原本架軍車因為太舊裝甲太重部份功能已經損毀所以改為向政府徵用充公得來汽車代替。記者質問為何唔攞去拍賣，政府回覆攞去賣收翻畢錢唔夠買返部軍車。
Coronavirus en Uruguay: 4.418 casos nuevos y 10 fallecimientos este martes. Actualmente hay 34.666 casos activos y 141 personas se encuentran en centros de cuidados críticos. Hasta este lunes eran 36.442 las personas que cursaban la enfermedad.
烏拉圭疫情 ，星期二新增4418單感染，10人死亡，34666單活躍感染當中141人在重症病房接受治療。截至今個禮拜一感染人總數36442人
現在是烏拉圭的夏季，今天預估溫度為最低19.3度最高24.07度 ，濕度68％，風速6.64Km/h ,大氣壓1071hPa,多雲
PUNTA BALLENA
youtu.be/vxd0lxOOLis
烏拉圭第二大省馬當拿度其中一個小鎮，以無敵大西洋景觀為主，每年都有觀賞鯨魚活動。而著名建築物Casapueblo 就喺位於punta ballena 。而Ballena 意思是鯨魚。Punta是海角即喺鯨魚之角
2個讚
想知南美的西班牙文同西班牙本土的西班牙文有冇分別？
唔清楚，我都喺學咗幾個月。暫時reading當地報紙都明，日常生活都無乜問題大概起碼要識得6000個詞彙左右。
ROCHA
youtu.be/nEjLxA7YkgY
一個烏拉圭東北部沿海省份，LA PALOMA喺最近海的一個小鎮。租金超平樓價2層高連車庫花園都喺百幾，二百萬港幣全大西洋海景。不過缺點喺醫療設備一定不及大城市如首都蒙特維多，艾斯特角城，科洛尼亞。陽光與海灘為主
以前有阿根廷客邀請我過去幫手，但了解左當地情況後，即使開出好好條件都卻步。
- 槍械流通度高，打劫綁架常用槍而唔係刀。個客自己出入都有持槍護衛，怕被綁架。
- 貪污嚴重，貧富懸殊，特權份子橫行。你無背景不幸碰到有背景既就慘了，雖然跟佢搵食會係特權份子之一，但討厭不公義的社會。
- 外匯管制，本地貨幣嚴重不穩。黑市銀行出入要兩成手續費，即使主要資金在外，沒辦法合法用，有一定風險。
- 輸入物資管制，外國進口物資都有配額限制，當然係貪污的重要財源之一。運到入去既都可以高速暴利賣清，基本上單係配去百貨公司已唔夠貨賣。想多些貨品選擇，最近要去智利，巴西都還可以。
唔好誤會係反對去南美，只係提供下我知道的另一些事。
祝願樓主順順利利。
2個讚
科洛尼亞Colonia Del Sacramento
youtu.be/48Kh5hY6Axo
烏拉圭西南部一個古鎮，復古氣息低密度而且綠化度極高。交通方便對面就喺阿根廷首都，優點喺治安最好（根據內政部數據公布，犯罪率最低），醫療設施齊全
喺事實，阿根廷，烏拉圭面對不少問題。尤其阿根廷，所以去得南美就要接受其缺點。當地貨幣年年貶值居民習慣用美金，阿根廷外匯管制特別嚴格反而烏拉圭就比較寬鬆。呢個原因都喺唔選擇阿根廷之一反而想每年過去住下食下野，旅遊下算。南美人喺持槍打劫，不過多數要錢所以習慣被人搶錢。另外住切勿住首都，最好住小鎮人口少罪案都會少。另外烏拉圭成街都喺監控鏡頭，內政部喺youtube不時公佈監控鏡頭捉賊片段。可以肯定喺好多打劫警察都捉到你。
阿根廷有外匯管制，有限制ATM每次提款及兌換美金數量。而且有黑市美金即喺呢你去遊客區有得換高匯率披索大概換多10％。尤其唐人街，所以亦有限制遊客現鈔過境數量。而烏拉圭無外匯管制，匯率相對穩定，喺相對唔喺絕對。所以香港搵港紙過去洗喺抗通脹
youtu.be/dNSvbCd4KAU
烏拉圭內政部頻道，監控鏡頭實時追蹤疑犯。鎖定位置，好快就拉到人。聽聞喺大陸引入咗呢類鏡頭，不過未核實到
南美係個好地方, 人同地方我都好鍾意.
如果唔係已經有家室, 我可能都過左去娶個南美妹, 哈.
同意呀，我覺得性價比算高。講真無BNO,又唔喺好有錢又唔喺好讀得書咁你有乜地方可以選擇？你叫我40歲先讀返書去加拿大一來未必批二來讀完都喺要打份普通工。咁我不如過南美食老本好過起碼可以提早退休。錢一定留香港，南美國家信貸評級低而且香港錢搵錢比較容易又可以對沖當地貨幣貶值。不過烏拉圭唔一定批我，要過到去先知case by case.
4個讚
智利經濟較好但經常地震，秘魯同厄瓜多爾都喺。而阿根廷只有近智利果邊先會地震，烏拉圭無乜地震類似香港咁偶爾會有無感地震
1個讚
