上年年尾老公飛去settle。本身諗住一兩個月就搞掂啲嘢返嚟接我哋。點知出咗一啲事，要拖到今年中先返到。
呢幾個月，喺香港冇親人幫到手。BB幾個月大，老公走咗之後經歷第一次病，單拖帶佢睇醫生，餵藥。 屋企同BB嘅事都要自己搞。 真係好攰好困難。有時見到其他小朋友可以去郊遊，有爸爸媽媽陪，我就覺得好羨慕，亦都少少擔心會唔會因為得我一個照顧BB，又要兼顧家務，搞到BB少咗好多活動。
同埋啲鄰居見到我得返一個女人帶住BB， feel 到人哋欲言又止，好似想問又唔敢問。 呢幾個月嘅經歷令我好體會到單親家長真係面對好大壓力。
如果早知佢會喺嗰度Trap住走唔到，當初就會一齊走。又或者呢幾個月都照請工人喺屋企幫手，起碼我可以返下工。不過冇早知。
