「社群網路上，冷靜但難掩焦急的烏克蘭媽媽們，在家長群組裡彼此提醒：大戰將至…明早上學前，務必記得在孩子的衣服上繡上『血型記號』，以待不測風雲。」
3個讚
好心痛，難以想像係有幾擔心
3個讚
如果今次俄佬成功，台灣勢危，可以準備打仗
8個讚
戰火無情，好鄧佢哋擔憂 
1個讚
好慘，經歷一次又一次，幾時先肯收手。
當年有黑寡婦
1個讚
好心痛….
點解打仗在即，仲會比小朋友返學？比我死都會攬住一齊
2個讚
我理解，而家喺打與唔打之間。可能幾個月都唔打著，日日喺屋企等，又唔喺辦法。
Life must go on. 對付變幻嘅其中一個方法，就喺儘量如常生活
調轉，可能遲啲就會停課，到時小朋友可能幾年無書讀，珍惜餘下落嚟讀書嘅時間
16個讚
我無睇世史。點解普經要食左烏克蘭。？
估唔到呢個世代做會打仗。。各國戰力都禁強。。。一彈第3次世界大戰。。。。
烏克蘭喺前蘇聯好大好重要嘅一部分，好多軍事設施，戰略位置
3個讚
恰得就恰，烏克蘭係歐洲最窮國家之一
俄羅斯以前就恰波蘭，吞併幾次，二戰後波蘭強大，俄就搵烏嚟恰，賤
中亞五個國家例如哈薩克個聯盟勁啲，又會玩下外交所以俄又唔會恰佢哋
1個讚
又係講埋d歷史一部分
俄國亡咗好耐啦！
我地有份架。香港咁平靜嘅地方都可以俾中共搞到咁，烏克蘭會打仗喺正常
2個讚
讀書機會係可貴，但時勢動盪，打唔打之間，與其咁擔心，比著我，一定會更加時刻睇住自己小朋友，望多幾眼，唔會掉返轉送去學校咁做，所以我真係理解唔到佢哋咁做
2個讚
趙博有講，幾通俗易明，沈旭輝都有講，但悶d
如常生活，話俾敵人知我唔驚你
1個讚
咁我會話比佢知，我愛我小朋友
我出於愛本心，多過驚唔驚佢
2個讚
我去咗英國後，感受到呢種文化唔同。以下唔代表烏克蘭媽媽嘅諗法：
英國電視劇教我一句，we are British, life must go on. 無論環境幾艱難，都要如常生活。英國人仲要保持嗰種貴族舉止。
喺香港時我責難歐美佛系防疫。但去到英國，我付出中covid嘅代價，換嚟無隔離嘅生活後，我突然發現防疫毫無意義。
咁努力生存，但無咗生活，生存有咩意義？本末倒置咗。好努力和仔女一齊，但仔女無得返學日日喊，媽媽又發顛，生存嚟做咩？
以下喺其他國家新聞睇返嚟，佢地經歷得戰亂多，年復年咁打仗，就會慣，人無可能日日戒備。好似以色列咁，間唔中就中彈，啲人返工返學見到嗰彈中咗隔離，返屋企一日，明天繼續返工返學。
19個讚
“咁努力生存，但無咗生活，生存有咩意義？本末倒置咗。好努力和仔女一齊，但仔女無得返學日日喊，媽媽又發顛，生存嚟做咩？”
我人生經驗話我知，生存都無，邊有生活呢？當然人類謀求生存同生活，2者並存。
所以我都唔理解啲人話無工人，又話小朋友無得返學，啲媽發癲係點解
或者咁，我仲經歷緊小朋友zoom，我自己做媽媽真係又無發癲。自問小朋友百厭得嚟，我又諗得開。我仲好 happy!係屋企都過得好好。
唔好怪我，我真係一個好懶家長，覺生命健康同愛多於一切
2個讚