竹篙灣管理混亂遭鬧爆 59歲女子曾激動企跳

疫情肆虐,確診人數創新高,竹篙灣社區隔離治療設施管理混亂再度引起關注,有隔離人士幾乎精神崩潰,「有人大叫、有人啪門、有人淋雨」,昨(21日)下午更發生企圖跳樓事件,一名59歲女病人疑不滿膳食安排,激動得企跳求死,驚動警方及消防到場,事主最終被勸服恢復平靜。竹篙灣亂象叢生,不少人檢測結果呈陰性,卻遲遲不獲安排離開,情況猶如錢鍾書《圍城》所言「城外的人想衝進去,城裡的人想逃出來。」不少入住人士更在網上群組訴苦,希望當局能看到他們心聲,提供相關的服務,以及理順離營安排。

一度企跳的女事主姓黃(59歲),據知隔離在竹篙灣社區隔離治療設施第二期,昨午3時許,職員送餐時她不滿膳食及要求換餐,情緒激動,消防接報到場戒備,警方將案件列作「自殺不遂」,其後事主情緒恢復平靜,案件改為「糾紛」跟進。

有知情人士透露,竹篙灣社區隔離設施怨聲載道,市民情緒崩潰,連日有人試圖兆走,惟最終被保安截獲:「轉咗做醫院後,反而多咗人想逃走」。

不少正在竹篙灣社區隔離設施的市民在Facebook群組「竹篙灣檢疫生活關注組」發文批評管理相當混亂,每人遇到的情況都不盡相同,令人難以捉摸整套檢疫程序。記者綜合群組內多個帖文,發現隔離人士獲當局安排入營後,隨即獲發深喉唾液樣本樽,然而亦有人入營數日卻無人理會,要自己多番致電熱線電話查詢,才獲派深喉唾液樣本樽。即使收到樣本樽,也未必有工作人員收樽,令隔離人士無所適從,更不知何日才收到檢測結果。

熱線電話長期無法接通

由於竹篙灣內有大批隔離人士,熱線電話長期無法接通,有隔離人士一日內致電逾百次亦無人接聽,網民Kam直斥:「死咗係房都無人會知。」有網民則笑指:「打得通幾乎中六合彩咁啦。」

而最令隔離人士無法接受的是,即使檢測結果呈陰性且無病徵,亦不知離營日期。網民Lili表示,她本月11日進入竹篙灣隔離,周日(20日)檢測結果呈陰性,當日下午職員已通知她執拾個人物品,可以準備離開,但直到昨日(21日)中午亦未獲安排離開,令她不知所措。

檢測呈陰性仍無法離營 部份人士情緒不穩

另有隔離人士在網上發文指,每日都聽到尖叫聲,以及拍牆撞門大叫聲,懷疑營內有人「精神健康出現好大問題」。隔離人士開設的「同心協力出糟糕灣」WhatsApp群組中,更有人無奈道:「佢遲早困到我哋發癲,摣住個快速測試包陰性嘅,衝出去摣住俾佢睇,然後就走。」

竹篙灣檢疫中心於2020年7月18日正式投入使用,由於近期疫情嚴峻,今年2月初竹篙灣檢疫中心陸續清空,改為社區隔離設施,由醫管局管理。


請問邊份報紙?想幫手share

我就冇分顏色,對事不對人. 呢啲亦都係我所講,香港高官不知民間疾苦,管理一榻糊塗,簡單啲講唔齊心,講咩獅子山下,更唔好講同國內人比. 黎梗呢個用ID去做檢測既管理安排,真係不敢想像咩情況.

https://www.hk01.com/突發/738748/竹篙灣管理混亂遭鬧爆-59歲女子曾激動企跳

真係困到癲,唔出奇

1個讚

真係好慘

個政府已經處理唔到咁多樽,蓋又愈開愈少,但又不停開新樽。
真係困死困顛你佢哋都唔會理

而家又冇蘋果,冇得監察,個政府做乜都得

4個讚

好恐怖
集中營咁

原來01

無用㗎,無入過去嘅人只會話「係咁㗎啦」「有嘢食仲想點」

1個讚

我個friend 都係呀,開頭比正苦攪錯,以為係密切接觸者,送左去酒店隔離,8日後先送去竹篙灣,佢離開酒店已經陰性,去到竹篙灣,冇人理,打通電話(over 100次),先至攞到檢測包,測到陰性,再要打電話先攞到張申報表(要填左先可以走), 填完send 左,再打電話,又話唔見要再send, 入左去已經4日,每日就係狂打電話,明明陰性都唔走得:triumph::triumph::triumph::triumph::triumph:

1個讚

仲亂過舊年。好似有啲人由1號困到21號

1個讚

咁唔怪之得要「使水」起火焚山啦
一路唔理入住既人,做成爆滿感覺:slightly_smiling_face:

請問有冇人有同心協力出糟糕灣wsap群組?

好恐怖,超浪費時間。點解無人聽電話?

唔係無人聽,係好多人打,唔打就無人理,個個都係咁打:triumph::triumph:

但問題個個都打幾十個電話先有人認,佢有幾多人聽電話架

慘過去坐監,坐監坐幾日起碼唔會顛,又知自己坐到幾時

一開波無病徵唔關事既人都要去糟糕灣,呢d人最無辜

睇見佢都心痛,仲要帶住個小朋友:sob::sob::sob:

佩服。如果佢咁叻無被迫顛,出黎第一件事應該係攪移民

1個讚