該名港爸於「香港討論區」發文指，兒子本月起在家工作，已預計見面時間增加令爭執變多，而且兒子工作經常要開會，所以他大多都留在房間不出廳。由於疫情關係，他亦未能與朋友行山或聚會，除了外出用餐及陪老婆買菜外，大部分時間都留在家中，「瞓吓晏覺，休息吓」。
樓主透露，日前聽到兒子向媽媽投訴，指責他在疫情期間仍經常出外食飯，「點解唔叫外賣」，批評他「好食懶飛」，「話唔在家工作都唔知原來我生活咁頹廢，只係得食同瞓，屋企嘅事都唔幫忙處理下」，更投訴爸爸的鼻鼾聲太大，騷擾他工作，「影響佢開會做嘢」。
樓主直言，現時疫情嚴峻，無法外出見朋友已很難過，「出去又俾你話我出去，我喺屋企冇事幹，瞓下晏覺都要俾佢投訴」，嘆父子關係今非昔比，「明明阿仔細個時候好黐我，好聽話，點解而家會樣樣嘢都針對我」。而妻子聽到兒子投訴後亦不幫樓主，令他甚感無奈，「我落去食個飯見吓人又有咩問題？自己好似冇尊嚴喺屋企生活」。
雖然我見網上言論好多都話共存同just a flu，但現實我見好多有家庭既對而家每日確診爆升都驚左同明顯唔出街。如果屋企入面有人好驚vs唔驚，大家唔同態度，就好易有磨擦。
唔淨止屋企，我番office係自己房入面除口罩，d同事好明顯唔敢入黎，我都會醒水即刻帶番再講嘢。
事實好多老人家退咗休係咁，最麻煩係多多意見自己又唔鬱唔做先討厭
老人家性格係會變得stubborn，我媽以前好精靈為人處事態度好好，但年紀愈大都睇得出有時講嘢做嘢都冇以前咁精。我有時覺得係身體真係會年紀大機器壞，希望第日自己老左都唔好變成難搞既呀婆。
其實 office 通風換氣量未必夠好, 如果你中左又唔知你除
左口罩其實都會將病毒傳播, 呢個就係點解今次傳播得咁
快既原因之一.
我以家係屋企都唔敢瞓晏覺
個feel真係幾頹
唔知關唔關體力問題，會無耐性咗好多時做野好橫蠻
但係訓下個又覺得好正
訓醒有少少罪惡感
因為我自己一間房又開哂窗，帶左全日好焗有時會偷雞除口罩。不過知有同事驚，所以都決定帶番。
香港人都係犯賤，唔做死唔安樂
我覺得個老豆都幾慘, 咁當然人家以前點對個仔就唔知喇, 但作為兒子, 一係兜口兜面就講清楚, 大家溝通吓攞個平衡, 咁樣講個老豆太過份喇
BTW 個人意見, 都係覺得生女好啲 
帶番都係雙方有保障, 起碼大家都安心, 如果唔帶
人地只會係背後講你.
WFH 令父子變左同事
見多左就咁
重點係咁清閒都唔幫下手屋企d野。所以連個阿媽都唔幫佢。
我如果兩三點瞓晏覺，會唔小心訓到自然醒會變做夜晚8-9點就弊喇！仲點訓到聽朝
男人係屋企就係大老爺, 點會幫手做屋企野。
咪就係
上一輩男人會做家務應該每十個得兩個
100% 中point, 個老豆無得出街，就只識喺屋企瞓和休息，唔幫手洗衫、抹地、煮飯等家務，然後被家人鬧就扮慘。
該主題在最後一個回覆創建後90天后自動關閉。不再允許新的回覆。