我有時都會咁諗啊，因為之前有一個同事家庭幸福美滿，老公做生意嘅唔憂錢，同事準備退休後同老公周圍去旅行，點知臨退休老公就走左。聽到好心酸，因為佢一直活在幸福中，突然間失去，好似由最高點跌落黎咁。所以我成日都會唔畀自己“開心得太盡”。
2個讚
樓主要學會喺惜福及享福取得平衡，你太著重前者，忘記了後者
唔知你明唔明，我表達得唔好
我認為活在當下嘅心態會同幸福距離近啲，要努力
1個讚
除左擔心老公，都會擔心父母
十幾，廿幾歲時覺得時間無限，唔會點珍惜身邊人。
但人愈大，發覺自己青春已去，父母健康不復從前，身邊人亦無左以前的稚氣，就發現大家相處時間倒數緊。
有時間就約多啲家人，一起見下/傾下電話，即使唔知邊個會走先，都有一大堆相片同美好回憶。
1個讚
200% 同意… 阿媽由細到大都教我, 凡事都要靠自己先… 可以靠吓人都係當bonus…
1個讚
注重生活習慣
我好想今次covid後帶父母去多d 旅行。都估唔到咁樣就搞左2年，以前都係帶仔女多。
2個讚
我間中都會好似樓主咁，因為老公比較肥，成日都好擔心佢突然間有咩事，但係又唔會咁頻密，而且仲識講笑咁問，使唔使幫佢買嗰份保險，受益人記住寫我。
與其咁樣日日擔憂，不如選擇精彩面對每一日。
如果好似相士講有一個期限，過咗之後你可能會後悔，點解一開始唔製造多啲美好回憶，至少記喺心入面唔會冇咗。
因生命出現了自己重要的人就會好怕失去
1個讚
我明
就算唔係ftm 有自己事業 人生尚算順風順水 同伴侶感情太好都會咁諗
身邊太多無常例子
1個讚
係啊 但有時覺得咁樣都好慘 成日好似就住就住 明明幸福都叫自己唔好覺得太幸福 驚失去仲痛苦
1個讚
我人到中年，都會好似你咁諗，但又遲早要面對。睇吓係自己先定另一半面對先。只希望有咩事都可以仔女仲生性照顧到我地。
試下睇下吸引力法則，福氣可以係冇limit 的，而家幸福咗，唔一定第時就要還返
如果真係好鍾意諗what if 的話，不如諗下而家可以做的咩令自己盡量唔好後悔有遺憾，例如樓上話增值自己，keep 住比佢知道你好珍惜佢
1個讚