佢有買保險俾我，但當一個人走咗，你唔會想要佢啲錢，只想佢個人返嚟，除非佢係一個衰人但佢係一個好老公，真係大吉利是大吉利是，純粹討論有怪莫怪
1個讚
所以我要做一個好老婆，無悔無愧 
1個讚
咁諗啦：每人命運各有注定，你老公同你都係，人生邊有話驚得啲咩，如果你太驚反而miss咗同佢嘅幸福時光，咪仲蝕
2個讚
都唔係既 每個人個腦都唔同
有人鍾意科學 有人鍾意藝術/文學
有人樂天(適合創業) 有人危機感重(適合守業)
每人都有自己既想法 都係果句 唔好造成困擾就ok
Mamimami既天份可能係寫劇本 寫一個好悲慘既劇本 d韓劇都要企埋一邊 
1個讚
所以我走去學玄學風水，紫微斗數
因為d嘢可以算到出黎，又可以催吉避凶
可以擔心少好多嘢
唔係幾明你咩意思，
點解無端端要帶攻擊性純粹分享吓自己心情
唔係講笑好準，我老公細個有啲意外都一早算咗出嚟後尾要改名
我明，我之前都有咁諗過，特別係睇過d書講人生有10年大運，因為幸福就會諗唔通而家就係個10年正嘢？同埋有時會亂諗嘢如果我老公彩過大吉利是我個幸福指素會由10變左5。
通常我咁亂諗完，第二日就會對我老公好好好溫柔。
1個讚
支持吓樓主先，我有時都會咁諗。
正常嘅，當人順利時，就會得閒諗吓其他嘢，所以富豪會有啲末日包，準備外星人侵略/地球毀滅。
不過實際啲諗，你唯一可以做到嘅，就喺煮多啲健康嘅餸俾老公食，你保持心境開朗，佢都會開朗，咁就會長命啲
3個讚
我覺得係性格問題，加心情影響
我都久唔久會咁諗
大肚嗰陣緊要啲，差唔多晚晚都會諗呢啲
最緊要開心見誠同另一半講
正視咗你擔心嘅嘢，又互相安慰一下
1個讚
你唔孤單，雖然我生活都好忙，但都成日咁諗，好怕失去另一半，又怕2個女無爸爸，又係有時佢出街，見佢平安返黎先放心，除左另一半外，我都好怕失去2個心愛既女，唔知係咪細個經歴幾次身邊人同媽媽突然走左，所以變到咁緊張
2個讚
我都係咁一諗完呢啲，就對老公好
我半夜直情等老公返屋企先會瞓，起碼見到你返嚟先安心，所以好多人都話其實健康先係最幸福
無特別意思 係我講笑唔好笑 仲得罪左人都唔知
無冒犯之意 因我都係同你一樣
會時常諗失去另一半呢d野 笑你咪即係笑自己
我只係諗 我嘅思維既然係咁 無得點改變 唔通話變就變咩 邊有咁易 咁不如好好利用佢
#諗生生死死有乜問題
#我思故我在
#講多錯多 少說為妙
只要唔好影響mental health我認為冇乜大問題，不過樓主開po係咪覺得有唔妥先？
仲有 講埋呢樣先收聲
不要笑我 中學時我已在課堂上講過
“…婚姻將兩個人美好地縛在一起 奈何最終兩人亦必須分開… xxx…”
不要笑我 可能走得太前 可能成日諗埋d無謂嘢
so far 我仍活著 開心地活著
1個讚
改名成年人黎講
效用好微
自己做善事積福得會比較有用
我 freelancer唔洗日日返工，有段時間成日失眠。我老闆成日笑我，叫我搵返以前份工做，日日8∼23, 仲會失眠？
講返正經，樓主，你可能似我媽咪咁，我爸爸仲未退休時，作息時間好有規律，如果有一日我爸爸冇按照常規時間返屋企，我媽咪就算坐立不安，往壞處諗。
我同意樓上咁多 sis講，活在當下，享受同家人的每一刻。
如果覺得自己太幸福，可以將自己的快樂或擁有分享給別人。
3個讚
好溫馨
好多家庭生活嘅幸福都係體現喺點點滴滴嘅小事上面
幾夜都有人等門，想像下個畫面都覺都warm
樓主，我明呀，尤其年紀越長，越見得多聽得多。 人係因為擁有更怕失去。 耐唔耐有危機感好正常。 自己一家人開心就好，幸福得黎低調不張揚。
1個讚