寒冷天氣警告現正生效，今日（2月21日）最低氣溫更只有8度。天文台曾於於Facebook發文，祝「儲水式電熱水爐勇士」寒流下平安，又形容是「#3分鐘戰鬥浴」，引發網民熱議！究竟儲水式電熱水爐用家是否只有3分鐘熱水沖涼？以下數據圖表分析實際情況！
消委會2018年測試12款儲水式電熱水爐，發現供熱水時間全部比天文台所指的3分鐘多，介乎9.9至3.9分鐘，但相信用家仍需速戰速決才能避免著涼！
儲水式電熱水爐另一弱點是等候預熱需時，卻只有極短時熱水。分析機電工程署數據，發現市面232款儲水式電熱水爐，將一公升水由15度加熱至65度平均需時51秒；最快的一款只需9.8秒，而最耐的一款需時1分37秒，兩者相差8倍！平均而言，儲水式電熱水爐加熱整缸水需26分鐘，個別款式更需逾3小時才能加熱整缸熱水！
3.9分鐘
我不如用水煲煲水算啦
我作為前用家, 表示實際情況下只有5分鐘, 唔可以有多餘或錯誤嘅動作, 同埋洗頭+洗身係唔可以同時進行 (多數夜晚沖涼, 朝早洗頭)
冬天應該慳唔少水電 
我個朋友今日send張咁既圖比我
咁好好彩, 我覺得我都算沖得快, 都夠用既熱水(阿業主話係大水箱),
咁我開開閂閂, 應該都沖到有10分鐘, 連埋洗頭, 唔洗頭就可以沖耐D, 連埋洗頭就真係要快)
係試過1,2次沖到水變凍凍地, 要極速完成之後沖身
真係凍個幾日就煲耐D水
係無煤氣爐咁爽可以一直沖
我係要睇準個爐啱啱煲好, 新鮮滾熱辣就即刻沖架喇, 但又咁講, 由細沖到大, 其實都習慣曬
我沖凍水，所以仲快。一個涼，洗埋頭，沖水時間不會過 3 分鐘。
我反而想問：點解大家沖涼要咁耐？
有時我用埋護髮素，都係9分鐘完成，平時7分鐘就完成，最短時間3分鐘（長髮）
處死式熱水爐，又名自殺式熱水爐，真係好怕用佢，洗完頭就無水沖身架
勁，沖凍水！夏天我都要用暖水
唔洗講到咁誇張，一部煤氣熱水爐/3相電即熱水爐先係一萬幾千，人地唔用一定有佢地原因，儲水式有好多size, 用到幾耐熱水，睇個爐，我見過有50M + 既豪宅 用25加侖(~25x 4.55L)
平時由開水到閂水，要10分鐘左右，3分鐘頭都沖唔濕起唔到泡喎！
以前用儲水式，一定要落完洗頭水即刻身摔梘液，沖頭時可輕輕沖走埋身上嘅泡，會快少少完成，但最後d 水都係凍。
我以前用處死式熱水爐，等煲好水要20～30分鐘，我會先洗頭，再等水煲好先沖涼，否則沖唔切
你必須要好醒神地諗好曬個步驟先行入去開水，一秒鐘都唔好浪費，千祈唔好發夢或者貪戀熱水，否則你會後悔 
我沖涼洗頭護髮素洗面奶刷埋牙大概7-8分鐘，岩岩好，多30秒應該都唔夠水 
我係有研究過搽完護髮素等嗰5分鐘, 用嚟沖涼, 但件事真係太爭分奪秒, 啲水一凍就會好失落
呢個都係我一直嘅迷思。
我不嬲用電熱水爐沖涼，沖到成間蒸氣浴室咁(洗頭+護髮素+沖涼，都冇試過凍水，有時仲嫌太熱。
唔通我用果款非坊間儲水式？(冇問過，淨係知好細部)
好細部又用電會唔會係即熱式？
我自己用一般單相25加侖、高壓儲水式熱水爐廿年，即係爐側有一個氣伐，唔係只係接花灑，係可以駁埋廚廁洗滌盆水龍頭。
我自己換一個加壓花灑頭，令出水量減低，加上自己一向唔中意猛熱水沖，而係中意少水沖涼，慢慢淋慢慢沖享受下。基本上長沖長有，而且依家天氣咁凍，我個爐最高 80 度，我都只係調較到約70 度，而且個爐我全年都開著，因方便廚房烹煮洗滌使用。 
唔知+唔識
可以校水溫，不過好少校，因為放咗係假天花上。
安於於天花板上，好多都係用假天花遮蔽裝飾，好大機會就係我用果種、單相高壓儲水式熱水爐，村屋或獨立屋如果申請到三相，亦有可能係用三相高壓儲水式，呢樣熱水續航力更加長。
高壓儲水式電熱水爐，有唔同儲水量及外觀，好多家庭人數眾多、或商業用途例如髮型屋，會用圓桶形。
