本港第五波疫情肆虐，政府早前宣布收緊社交距離措施，重推二人限聚令，然而昨日仍有大批外傭在街上聚集。有港媽於Facebook群組「外傭僱主必看新聞訊息」發文，指外傭周日堅持外出見朋友，擔心她若染疫將「一個累全家」。
港媽憂外傭確診累全家
港媽在文中指出，外傭憂慮「封城」後沒法見朋友，昨不聽勸告堅持外出。港媽提出給予額外工資，希望外傭不放假留在家，卻遭到拒絕。育有兩女的港媽為此感生氣，直斥對方自私：
我自己都唔敢出街，除咗買餸先會出去，佢就風流快活坐地攤！一個唔該累我哋全家，兩個女條命喺佢手……
港媽續指，若在街上見到一群外傭聚集，會立即拍下「證據」並報警。不少網民留言表示支持，「姐姐唔戴口罩密集式做紙皮檔，嘢食放喺地下，污糟邋遢將病菌帶到返屋企……」、「見到就影晒佢地，最好罰多啲，咁佢地就唔敢出街啦！」；亦有人表示僱主應該為外傭設想，「你叫佢放假留喺屋企，佢應該係屋企邊度休息？唔通全日匿埋係廚房咩？」、「姐姐有權放佢嘅假」。
將心比己啦，港媽自己唔喺外面感染㗎？坐喺屋企都垂直橫向傳播呀
咁驚姐姐惹病返嚟
應該唔用姐姐嘛
全家圍封自己留喺屋企，一定安全（前提係住嗰度冇咩垂直交叉傳播）
又係同一個正苦邏輯，返工（出去買餸) 就無事，出去放假就出事。
自己返工，一日對老細九個鐘，星期六日都唔想見到佢。
工人係要同老細同住，對足六日，俾佢出去幾個鐘 relax 下好合理。
將心比心，真係驚，唔好用工人，唔好俾外人入屋最安全。
咪係，佢肯7x24響屋企先講
真係識得就唔會中咩？
隨時倒垃圾見到保安都中
大把呢啲自私L
有個長輩死都唔打針，但迫個工人打針。更係啦日日可以有人煮埋比佢食，又唔使返工
自私到佢啦
我個工人有病徵,但無發燒,我勸佢唔好出去,驚佢傳比佢Dfriend, 佢唔肯 
我都喺呢個group，有僱主直頭話，邊個工人放假唔聽話要出街。即炒喎。
咁係咪僱主出街買餸？
誰怕誰
係喎，識有個人話驚姐姐帶病毒返屋企，所以拿拿臨帶小朋友去打針
我當時都心諗最直接既方法係唔好用工人
個僱主全家24小時留喺屋企至講啦，多餘
如果你老細叫你放假唔准出街，你會唔會聽呀真係當係擁有個工人咩
其實唔俾佢出街咪一樣自私，唔出街又要俾你點，即係連續返工，自己返工都有假啦
該主題在最後一個回覆創建後90天后自動關閉。不再允許新的回覆。