疫情嚴峻，口罩成為個人防疫的關鍵，不過有網民表示爸爸平日回家後都會將口罩收起，打算翌日重用，即使多番勸說口罩只可以使用1日亦都無效，十分頭痛，只能向網民請教意見。
樓主在香港討論區上發文，問 [點樣可以有效地叫屋企人唔好用隔夜口罩？]。他提到爸爸「收工返嚟都會將個口罩放返入口罩套度，打算第二日再用」，因為爸爸認為自己「冇去過邊同埋冇乜見過人」，所以就將口罩留起。即使樓主多次表示「唔好慳口罩」，爸爸仍然堅持重用，「講咗好多次佢都唔聽」，所以希望網民可以提議「有咩方法可以有效咁令到阿爸唔好再重用口罩？」。
網民留言提出多個方法，例如建議「買啲唔同款嘅靚口罩，等佢唔同款日日換」、「直接幫佢掉咗個舊口罩」、「佢一入屋立即沒收佢個口罩再丟咗佢」、「相信呢個係浪費問題，佢覺得仲用得就用，除非你證實到畀佢睇個用過嘅口罩幾多細菌」。
我老公都有相同情況,佢呢頭放低,我嗰頭就掉,只能夠見一個掉一個
今次真係要舉手報到，我屋企有人都係咁
見到佢哋我講得最多既係，出面啲人唔知以為我刻薄你呀~~
我時時都咁。其實中吾中都吾關個口罩事，平常心啦，無謂為呢啲小事傷和氣。係香港人先咁執著。之前一樣嚴謹，個Omicron 一樣攻得入，就知與帶一日定兩日無咩關係。
我會直接掉咗佢
我屋企人都有，
話口罩一個都4-5蚊。
一日掉一個好曬。
話行公園唔掉無所謂，
但去醫院，街市多人既地方先掉一個。
其實口罩戴得耐都會臭臭地，
佢都係慳錢，如果口罩平啲，要佢每日掉一個，佢可能會無咁肉赤。
直接掉左佢+消毒個口罩盒/套
再唔係同佢玩種箘實驗？
我夠膽講，絕對唔關錢事，佢哋真係覺得仲用得，點解要掉
我爸都係咁，仲要用完夾喺窗邊晾襪同內褲個架度，d風就係咁吹住個口罩播毒咁
Give me five 
U r not alone 
一模一樣 掛窗邊吹風
掛果度好順手&佢想吹返乾 實質人人感覺像播毒
可能其中一個解決方法係
買一百盒返黎放喺佢前 堆到成坐山咁
老人家就唔會慳住用
(不過我相信仲有50%極頑固老人唔buy呢一套
無論做咩都解決唔到佢地
同隻習維尼一樣…死要面)
我見人就咁掛響門鎖果度
唔會囉
要爛到穿先叫唔用得
冇錯….我買咗十幾盒俾佢，佢都係要用禮義廉派嘅口罩，我估佢用到覺得臭先會掉
口罩荒嗰排就會，自從買得返之後一日一個係基本/兩個
我媽咪都係，會掛起吹下第二日用，佢話用咗2、3個鐘唔好嘥，我試過掉咗佢，佢會鬧我，又話唔環保
我唔係同佢一齊住，所以睇唔到咁多。
同佢講有好多口罩，再唔用就過期