樓主好勁，多謝分享
最緊要過得開心
我就短期未有打算移民，對葡萄牙同北海道有興趣，想親身去下睇下感受下先再決定
原來係足球粉絲，我細個都鍾意睇batistuta 同華朗 (我妹仲講笑話佢係張震嶽扮)
佩服你去冷門地方嘅勇氣! 祝你事事順利
唔會有太多香港人過去，最少坐33小時飛機。經卡塔爾飛巴西再去烏拉圭。而且當地搵唔到錢，不過我同老婆喺果類超喜歡住離島可以一星期唔出街甚至成年唔食茶記都得。我地疫情期間2年無外出食飯，多數自己煮。所以去到當地自己整自己食
5個讚
youtube 勞拉d片我有follow,住馬當拿度，烏拉圭第二大城市再過少少喺南美洲著名渡假聖地艾斯特角城，全個烏拉圭最有錢班人除咗首都近機場富人區外就喺果度。果d別墅隨時貴過香港，大把球星都喺住果度。我地就唔打算住果度反而會住 科洛尼亞colonia 對面就喺阿根廷大布宜洛斯艾利斯。小鎮風情，物價低治安喺全烏拉圭最好。有馬場又賭場又近附近一個森林住宅區叫 santa ana
1個讚
科洛尼亞 colonia del sacramento
youtu.be/E6iFLV4bRWM
我有朋友喺斯洛伐克做移民agent，當然佢自己都移民咗過去。
名星楊英偉移民維也納，又喺因為朋友喺當地移民agent。
兩者都喺少香港人，非英語，物價平，小朋友讀書開心。
我有朋友熱愛芬蘭，以前已經旅居過芬蘭，識芬蘭文。而家直接移民。
1個讚
移民一定要搵適合自己的國家。首先你要知道自己想要乜野。每個人喜好喺唔同，我離開香港原因包括
1，香港物價，樓價其實喺超貴錢唔見使
2，個人無乜鬥心，想平平淡淡遠離石屎森林生活
3，最好唔使返工，而且必要時可以低成本容許我做小生意
4，政治原因，香港見唔到前景
5，最好喺保留到香港有的娛樂例如足球，賽馬，釣魚等等
6，想回歸大自然，想騎馬，捉魚蝦蟹，釣魚
7，下一代可以自由發展。做農夫都得最緊要你喜歡
8，退休臨老唔想住香港老人院因為實在太差
9，香港公立醫院服務飽和，希望搵個地方有全民醫保
不過簡單來講喺，要平，要環境好同時唔需要返工都搞得掂。講真呢個世界唔多呢類國家
4個讚
祝你喺烏拉圭有理想新生活
英國食物價格我就無統計過，不過烏拉圭涉及到人手服務收費肯定平過英國好多。英國人工高好多，故此收費唔平。電費如果純計一度電收幾多錢可能拍得住英國但烏拉圭天氣舒適唔使點開冷氣，暖氣而且日照時間長再加上當地人喺習慣燒柴烤肉，超市大把柴賣，可能自己喺路邊都執到樹枝。所以電費唔會好貴。交通費就更加平，主要搭巴士無地鐵。以科洛尼亞為例一個小鎮人口1萬有3條巴士線行經一條類似香港nathan road咁。單程收費4.7到6.5。月票40次122蚊除開3蚊一程，開朝6夜晚收1點。
1個讚
的士方面 起錶8.5,每公裏8.8.首都以外的士全部喺call whatsapp或電召。當地喺鼓勵買電動車但我查過全部喺大陸不知名牌子售價新車約6，7萬。所有價錢為港元。而二手車就貴啦因為烏拉圭關稅高，進口貨一定貴，一部10年車齡Honda jazz 起碼10萬。多數人摣意大利fiat美國車，學車平，最平喺1千蚊學23堂。學美甲660蚊 10堂，學剪髮4堂552，每堂2個半小時。學西班牙文都係80蚊一堂。上門維修冷氣2匹半 ，上門檢查一次收100到120蚊，選擇即場維修每部320免上門檢查費。
寵物狗酒店一晚70蚊.讀書全免費包括公立大學，醫療方面月費私家醫院，公立醫院免費或者好少費用。講真私家醫院月費幾多case by case要make appointment先報價估計唔會好多因為平均工資6000蚊。私家醫院只接受60歲以下，其它就回流返政府醫院。即喺年輕有工開就私家醫院否則就公立醫院。醫生比例遠高過香港,全國1萬6千個醫生，300萬人口。香港7百幾萬人口得1萬5千個醫生，藥物方面我都查過下主要喺國產藥有國家實驗室製藥。進口藥有補貼其實一般老人藥都有。公立醫院一樣喺比較多人但應該唔會好似香港咁，科洛尼亞有1間大型公立醫院，兩三間私家醫院照顧1萬人口。烏拉圭長者照顧方面喺幾好，醫生喺上門去你屋企診症而且有鄰裏互助計畫，獨居老人會配對一家附近安老院。咁其實入住安老院都唔貴，一般喺6千幾一個月左右。
語言方面喺西班牙文但首都部份服務講英文喺ok，其它地方英文喺唔OK. 香港人起碼要識reading。例如今日當地天文台發出下列暴雨預警，你要明先得，呢d喺最基本西班牙文。學西班牙文喺比較容易上手
Alerta naranja y amarilla de Inumet por tormentas fuertes y lluvias intensas
De acuerdo al instituto, en dichas zonas “se podrán registrar lluvias intensas en cortos períodos, ocasional caída de granizo, intensa actividad eléctrica y rachas de viento fuertes”.
5個讚
樓主好勁 做咗好多功課，好佩服！！
係呀，語言嚟講西班牙文算最易學，呢個肯定～
加油，支持你！！
salute 樓主。我諗我要移民既話要搵資料好似你咁徹底先得。
樓主做足功課 
，你啲資料咁詳細令我了解多咗烏拉圭，祝你移民生活愉快！
1個讚
樓主做左咁多功課準備，認清哂優點缺點又咁肯去了解當地行情，我相信你一定融入到當地有好嘅新生活，祝你生活愉快
1個讚
大自然生活喺我地最嚮往，香港真喺比唔到呢種環境比我地。可能澳紐都有呢種生活環境但生活指數完全唔同，反而南美洲喺價廉物美。烏拉圭有海灘，有鯨魚，鯊魚，有森林，草原而隔離阿根廷有冰川，有雪山,有大都會。之所以揀科洛尼亞喺因為復古風情小鎮會好relax 而去阿根廷亦好容易，買張船飛就到。其實喺可以兩邊住只要唔喺阿根廷連續住超過半年就唔喺當地稅務居民。咁阿根廷城市面貌又喺另一種感覺，偏向歐洲巴黎大都會feel而物價更加平。阿根廷人因為避稅好多都兩邊住，夏天去烏拉圭住幾個月然後返阿根廷。
youtu.be/fpurnbBiQC0
2個讚