好似睇過一對大陸夫婦移民烏拉圭的youtube(勞拉LaraRen),佢成日畀大陸同胞問點解要去啲咁嘅地方移民,不過整體上都係一個好地方,但佢哋講物價不便宜唔知點解
可能同大陸比較掛，咁始終烏拉圭係南美各方面最完善嘅國家，生活水平都唔會低。
網上寫：You would need around 23,577.19HK$ (130,186.37$U) in Montevideo to maintain the same standard of life that you can have with 50,000.00HK$ in Hong Kong (assuming you rent in both cities).
大陸好多工作一個月得嗰幾千人工，PPP 低過烏拉圭一大截，咁當然係物價不便宜。
1個讚
有趣有趣。烏拉圭都算係南美之中管理得比較好嘅國家。不過我都想知道香港人點先可以移民過去。
西班牙文聆聽係最難學，得閒download Podcast聽吓，同下本地人網上練習會話係改善嘅最好方法，加油。
你地真係好勇。移民去另一個熱門地方都唔容易，何況係冷門又非英語主流國家。加油！
烏拉圭真係好冷門
我娘家有親戚幾十年前已經由大陸移民去秘魯
我自己就唔會！
英國今次嘅移民條件，係史無前例咁低，
除非有人係嗰度，有盲公竹 支援，
好似我咁，冇人喺嗰邊，就無謂搞咁多嘢，要去就去英國，
與其去啲第三世界國家，就不如去英國啲鄉下地方，
加油
介唔介意講下你係循咩途徑移民烏拉圭？同埋移民成本、申請時間如何？
1個讚
我連烏拉圭喺南美都唔知添
一定好新奇有趣！到時要多啲分享生活見聞
因為新account盡量回覆大家。but我覺得每回覆一次要等幾小時甚至幾十小時好似…even我入去烏拉圭當地facebook群組人地都好歡迎我地留言甚至有位律師免費解答我問題。其實我離開香港某程度上喺因為香港真喺比唔到一個言論舒適環境比我。一喺就藍到發黑，一喺就相反,討論群組就分黨分派搵食又有，帶風向又有，言論審查特別西利。烏拉圭國歌有句喺為自由戰鬥，為自由而死。其實無論乜原因都好，唔應該限制發言。
移民烏拉圭要自己搵當地律師處理，因為當局無寫明移民主要經濟條件喺乜。case by case，大概喺你要prove到你的被動收入喺afford到當地生活。至於喺幾多錢移民局無寫明，但申請人必須要登陸烏拉圭先可以提出申請。即喺其實有機會喺唔批，所以去之前要將自己份portfolio交比當地律師ok先好過去。
點解會選擇烏拉圭？
1，無BNO,歐洲其它國家投資移民afford唔到，又唔想再讀返書所以唔考慮加拿大，澳紐。其實去紐西蘭考牌註冊就應該可以行working visa.不過真喺唔想讀書
2，亞洲方面無乜選擇，馬來西亞本來ok但加咗辣要月入8萬港幣而且唔喺移民只有5年居留資格。其餘日本創業移民喺好難要賺到錢先可以續簽加上完全唔識日文。台灣因為我喺大陸出世去唔到，菲律賓鬼國你去埋我果份。其次越南，印尼呢類國家自己覺得還不如留香港做順民好過。除咗非洲外剩下選擇只有南美洲，中美洲，中東同島國例如斐濟。 斐濟缺乏醫療設備退休唔可行。中東沙漠地方個人比較喜歡綠色世界大自然而且阿拉伯語言根本唔識。墨西哥治安太差，美國唔喺咁容易過去而且當地醫療十分貴，你唔打算搵工都好難afford到保險。
3最後只有南美洲阿根廷，烏拉圭選擇。我比較喜歡阿根廷足球本來首選阿根廷但check過下稅收發覺太重稅去唔過。而最後寶物沉歸底發覺烏拉圭各方面都好適合我地。可以講全世界大部分國家都考慮過包括烏克蘭最後都喺覺得烏拉圭最好。
烏拉圭對於我地二人夫婦我39，太太33 無小朋友黎講
優點
1，大自然，綠化度高，大部分喺平房加草地隨時有匹馬喺屋企隔離食草。而首都則比較多高樓大廈，人口高度集中首都。同時沿海城市有好多海灘，想住森林或陽光海灘或高樓大廈都得。
2，全民醫療保健同大學免費，公私醫療分流得好。政府喺津貼打工仔去私家醫院，公立醫院照顧老弱殘窮。而且喺月費模式，唔喺年年續保加保費。烏拉圭政府講明唔會因為你窮而得不到治療。因為醫生比例高所以醫療體系喺搞得唔錯。讀書亦一樣，你肯讀書就得
3，稅收，薪俸稅比香港高但如果以平均6000港幣月入來講喺唔需要交稅。屬地制稅收海外不動產收入，工作收入不抽稅，動產收入如利息有5年寬限期，然後7％稅率徵稅。基本上如果你有2萬蚊被動收入已經足夠退休。
4，自由度高，民主社會法例喺好保障工人。有失業救濟金每年強制13個月薪金等等。大麻合法，代孕合法，賭博合法，同性戀合法等等
5，大部分喺白人，治安唔算太好但喺南美算OK
6,物價對比香港喺平，差不多珠海咁。大陸人會覺得唔平。我比對過香港烏拉圭超市價格平一半左右。租金更加平，二線城市500呎有裝修平房連花園仔車泊門口租4000港幣。
7，西班牙文勉強handle到，英文外真喺得西班牙文叫容易上手。
8，如果有小朋友可以快樂生活，踢波都搵到兩餐起碼贏在起跑線。可以低成本培養一個小朋友。但喺我去歐洲可能都喺起步落後人地。如果無小朋友退休大把老人院環境好過香港。
9，近阿根廷隨時過去住3個月都得。特區護照可以每年住3個月再延長一次3個月total6個月。
10，氣候好，冬天7至11度，夏天最高28度偶爾30度以上但夜晚會跌到19，20度日夜溫差大唔需要開冷氣。陽光普照，無工業空氣水質唔錯無地震颱風海嘯。不過今年氣候反常有幾日熱到癲落咗場百年一遇大雨，首都水災。其餘風土病唔多，得登革熱。可能蚊比較多。
缺點
1，太遠幾乎唔會返香港
2，應該無香港人有都唔多，大陸人都少無乜野食
3，語言始終唔喺英文
4，人均收入低，去到喺搵唔到錢食老本。
5，治安比香港差，容許持牌買槍。
6，做生意都難，得3百萬人market細
7，交通唔發達，首都以外全部農村咁
8，物價全南美最貴
9，二手車貴到無倫
15個讚
總結
烏拉圭係適合香港住離島喜歡靜同大自然班香港人，而且喺多數自己煮野食同時又有被動收入咁你過去趟平，得閒摣下車四圍去，騎下馬，釣下魚，露營甚至入賭場，馬場賭幾手，去下海灘捉下魚蝦蟹。坐船過阿根廷食下中國野咁。因為阿根廷就多中國人。如果你唔喺呢類人就會好悶。小朋友日後都喺搵幾千蚊但一定夠洗起碼唔會無屋住而且隨時可以去南美其它國家發展不過應該唔會搵到好多錢。但就唔會好大壓力。
關於烏拉圭物價(港幣），我搜集咗d資料。
租金
首都為例
3，4，5代表開放式最少三千幾，1房四千幾，2房5千幾，向海apartments 7，8千到隨時過萬港幣。
二線城市甚少apartment，平房連小花園車泊門口大約租3000到4000。house 租6，7千部份向海豪宅連泳池過萬，好多球星都喺住呢類豪宅。三線城市治安差租1，2千都有完全喺泥地。烏拉圭喺租客比管理費
水費貴過香港少少，電費8毫到1.6一度而且烏拉圭喺每日唔同時段唔同電價，禮拜六日，假日電費平。你可以自己選plan 有d貓頭鷹plan淩晨喺超平電費。但黃金時間電費貴因為政府鼓勵大家少用電。
光籤wifi月費3百幾，360gigs 下載100M,上載好似30。爆quota就公平使用原則。手機plan百幾蚊一個月
醫療分公立及私立，有工作就政府，公司補貼去私家醫院。無就公立醫院大部分項目免費喺比掛號等等。人口少醫生多但喺唔同城市醫院規模差好遠。
超市價格（港元） 比對百佳
烏拉圭超市 TaTa 百佳
新鮮免治牛肉 61.7/KG
新鮮牛肋條51/KG
新鮮安格斯99/KG
新鮮牛腩71/KG
牛俐 41/KG
瘦牛扒 88/KG 410/KG 澳洲冰鮮牛扒 -78%
排骨53/KG
免治豬肉36/KG
雞23/KG 87.66 /KG 百佳冰鮮雞 -73%
芥花籽油 23.5/L 獅球27.74/L -15%
花生油17/L 32.19/L -47%
橄欖油80/L 37/L 216%
玉米油25/L 25.4/L
蛋1.75隻 2.49 泰國蛋大 -29%
鮮奶6.5/L 24.3/L -69%
YOGUT 11 77 -85%
SALAD 86/500G 207.5/500G 澳洲SALAD -58.5%
牛角包3.5/個
蝴蝶酥1.8/個
蛋糕96/kg
9個讚
麥皮22.5/kg 29.87/KG -24.6%
咖啡 33.7 /100g 22.98/100G 146%
果醬15.5 /500G 40.46/500G -61.6%
米 4.5/KG 或者9.5/KG 13.78/kg -49%
利是薯片 67.5/700G 102/700G -33.8%
紅牛17/250ML 13.72 123%
果汁 16.5/L 18.57/L -11%
水3.8/L 7.04/L -46%
紅酒65/L 105/L -38%
沐浴露50/L 42.5/L DOVE 176%
次紙 3/卷 3.99 /卷 -24.8%
洗衣粉16.5/KG 18.76 結霸 -12%
皂 3.6 13.9 DOVE -74%
貓糧 26.5/KG 或 50/KG 48/KG -20%
貓砂7.5/KG 26/KG 豆腐砂 -71%
當地雪糕 29.5/L 148L HAGGAN -80%
意粉，螺螄粉，通心粉18.5 /KG 27.8/KG -33%
公仔麵 3.2/包 2.78/包 115％
ZERO 汽水 16.5/L 12/L 137%
汽油 11/L 17/L
學車2000/10堂連車
中學補習100-120/堂
4個讚
你兩公婆本身帶幾多過去？介意講嗎？
食物價格同英國相約喎。
好佩服你搜集資料同整理能力
橫掂咁近阿根廷 不如趁未有小朋友去一趟南極
1個讚
700萬港幣
平均人工6000港元，所以只適合退休趟平。小朋友日後都喺搵咁多，不過贏在起跑線可以低成本培養成為一名專業人士。搵錢唔多但快樂起碼自由自在。
1個讚
其實當地貨幣喺一直貶值，所以通貨膨脹食物越來越貴。不過如果香港人用港幣即喺美金的話影響好細，所以錢留香港買下股票，債券收息攞過去洗咁就得。如果香港有多少收入更佳。其實當地人平均好窮當然亦有好多有錢人尤其阿根廷班富豪將錢泊烏拉圭因為稅遠低過阿根廷。不過當地人好樂天搵幾多洗幾多而且以農業為主唔怕餓死。非農職位集中首都，所以大部分人會住首都而治安最差係首都外圍，往往會去首都內圍打劫。而且南美洲一向毒品都幾氾濫，所以治安唔好。不過烏拉圭成街都喺監控鏡頭，即使被搶劫多數捉到。所以住就唔會住首都
我日日都留意當地報紙，因為報紙先會知道當地治安及社會狀況順便學西班牙文。而且加入左當地搵工，民生facebook群組了解下當地環境。又加入咗expat group 大部分美國人過去住咁其實都叫做有盲公竹大約知道當地情況。
2個讚
烏拉圭比我感覺喺d人幾團結。尤其工人階層成日罷工爭取福利，不過真喺經濟唔太好。年輕人失業率高，之不過南美共同體可以自由居住下其實小朋友大個咗做生意門欄會低而且講住同物價如果你唔喺好有錢唔怕抽稅，阿根廷超好住。
樓主係咪本身鍾意南美? 移民果邊有咩逗留限制? 如一年幾日出境? 幾年入籍?
我喺阿根廷足球fan’s ，由細到大都喺。首選阿根廷但發覺稅太癲。烏拉圭申請10個月到1年批永居，全家過去住3年入籍，非全家移民就住夠5年。永居的話如離開超過2年自動取消
3個讚