可以話係100分，一個人揾6萬養三個小朋友同埋我、廚藝了得、返嚟會同小朋友瞓覺照顧小朋友無論沖涼換片沖奶都冇問題、間中會比驚喜我、會安排啲日子好充實、為咗小朋友換大啲間屋、個人好企理就算收工返嚟唔會計較做多做少見到污糟做清潔等等。
但係當佢燥底發脾氣我就好憎佢，好似無端端受佢氣，第二日又話兩夫妻咁樣好正常，應唔應該因為佢一個缺點憎佢？
每次咁我都想即除戒指頸鏈總之佢送俾我嘅嘢，果下好討厭
我發覺佢每次燥底都係有嘢煩緊同埋壓力大時
2個讚
你自己都識講啦，佢咁多優點，果個缺點又唔係賭錢食白粉借貴利
5個讚
但都幾難忍住啖氣，有時都吞唔落 ，不過結婚咁多年以前會反擊而家都唔出聲
咁兩公婆相處一定係死忍難忍喎
如果佢咁多優點，而嗰個缺點又唔致命，咁都忍唔到，咪好容易離婚？
以前都會因為咁而諗走人，跟住同自己講好難再搵翻咁嘅男人，都係包容下佢吧
人梗會發脾氣啦，如果佢唔係打人揼爛晒嘢果種就算啦
你好好彩，只係因為對方發脾氣你就諗走
2個讚
我認為自己係執到㗎啦，我未見過有男人咁好，算啦我只係呻下。
人人都會有燥底嘅時候喎
一係氹，一係比空間
比佢散獲金，仲氹 ，我通常即刻入房瞓
咁我都明嘅，你都係人吖嘛
佢係經常定間中？
我老公間中係咁，通常我會睇吓佢係咪果排工作大壓力，如果係我會體諒佢，比空間佢，如果唔係，我會直接同佢講，叫佢留意吓自己態度，因為我咁樣會好唔開心！
發脾氣都要睇下因咩事，如果係因為不滿我，發我脾氣，咁梗係唔得！
如果因其他事燥底，導致對我態度唔好，咁就諗下願唔願意做佢排解壓力嘅渠道囉
1個讚
人總係有缺點，如果真係好難頂，試吓同佢傾，搵啲方法一齊做幫佢改善，你老公已經好好
如果佢真係樣樣都咁好 只係得一樣唔好
你需要做既 唔係反擊 亦唔係唔出聲 你需要做既係搵解決方法
佢咁好 只係得呢一個大問題 唔似得人地媽咪可能要解決佢C6十個大問題 (應該好多媽咪都係咁 )
得一個問題啫 值得俾D心機 俾D耐性去解決 &預左要蝕章
蝕章而達到你的目的 其實賺左
解決方法… 我唔知 但肯定既 一定唔係你平常對待佢既方法
我會覺得 每個人有起事上黎 都變左一把鎖 只要你用啱條key 就會解得開
你解唔到鎖 因為你用錯key
面前可能有20條key 要不停思考&嘗試
但亦有可能 試完晒都未必打得開把鎖 … 要有咁既心理準備 再接再厲
唔知你地因咩嘈 但有個感覺 佢發脾氣時 你越出聲可能會越"禍"
有時可能用…
一個委屈既眼神
無耐既苦笑
熱淚盈眶
沉默但又專注地望住佢表演
輕拍一吓佢膊頭
講一個字認同佢: “明”
… 比起囉囉唆唆黎得有效 (無法啦 低低地做下弱者)
佢條key係咩 無人知 靠你了
最後或者你會搵到既方法係… 陪佢一齊講粗口 
不過當然唔係對罵 而係一齊鬧人 (笑)
2個讚
心情好時睇我順眼，佢自己心情唔好就咩都入我數，即是佢沖緊涼，個女兩歲，攞佢袋啲野倒曬出嚟玩，話我唔睇住個女，個重點係連我都唔知，根住就狂屌發我婢氣，大聲做仼何野，仲要好大聲呼學啊女，搞到我心痛個女 我認為唔玩都玩咗，你怪我又大力做仼何野會吓到啊女
睇住細路學左，問返佢係咪想啲細學佢發脾氣鬧人？
試下去下婚姻輔導，如果雙方都同意的話
同問，呢個情況有幾密先？
平時已經做到盡 發脾氣都唔得咩？
下搵得嗰6萬幾養家就自我膨脹當正自己係神喺度發癲
比我都忍唔到啦
佢錫你就唔會捨得對你發脾氣啦
我唔知你係咪FTM， FTM嘅貢獻絕對超過六萬幾一個月囉
一個有承擔嘅男人，係唔會將公司嘅嘢帶返屋企，一入門口前一個微笑就會泵低晒
講緊嘅係公司嘅煩惱，壓力，處理公司嘅情緒，唔會發洩係身邊人身上。
以上係我老豆教我嘅，佢從來都會亂發我媽脾氣。
我老公搵到錢，湊仔家務一腳踢，咁多年嚟亦都唔捨得發我脾氣。
所以你真係唔應該去忍覺得咁樣好正常，因為你啲仔女大咗，佢地會睇低你，覺得你冇威嚴唔聽你講。亦都會質疑你同你老公嘅感情所以冇安全感。
你真係要正視下呢個問題，同老公傾吓，唔好將脾氣發洩係親人身上。
我亦都唔知道點解咁多人覺得只要個老公做咗其他嘢，就可以喺屋企肆無忌憚發脾氣，對住自己老婆唔尊重。如果嗰個係你個囡嫁咗俾一個咁嘅男人，你捨得咩
2個讚