如果應付疫懲下無書讀的小朋友

小女今年k3.呢個疫懲根本由第二波開始已經無咩點返學,係無得返學,學校得啲幾分鐘短片教佢地做功課,施教嘅工作就落係父母身上,小女有讀寫障礙,一直都有外展社工跟,但係一話做功課,小女子就諸多事實,要紮頭髮身痕急尿口渴乜都齊,做唔夠十分鐘已經涙流滿面炆曬咁,我地都係好隨和溫柔咁引渡佢做同教佢,甚至同老婆輪流扮演老師同同學,希望可以提升個學習氣氛,但係都係唔work…
出年就話升小一,而家連1-100都未識數,重岸鳩鳩咁就話小一,有時幹脆佛系由得佢咩都唔識,但係一諗到再大個啲追唔切,擔心到時佢功課壓力大上天臺做空中飛人……

純粹呻下,睇下大家平時有點應付細路啲學習情況

1個讚

可能佢要遊戲中學習,我細路細個時,我自己做適合佢嘅教材、玩住教佢,需然未必個個啱用,試下無妨,而寫字:writing_hand:E家嘢,睇你要求而決定你自己辛唔辛苦(我試過幾粒字拉扯左兩個鐘),壓力方面,少少都比啲,培養抗壓力,等佢自己有責任心,慢慢適應,教養係慢慢長路,要試到合適方法唔容易

嗯…我女今年小一
其實…
我覺得你可以先放鬆
慢慢黎,依家先年頭,每個小朋友學習進度唔同既
可以玩住同佢數,玩住寫下字,留意下對於咩佢有興趣啲就用果啲黎教
其他野就見步行步吧

1個讚

既然佢有讀寫障礙,我想講,要揀間相對冇咁多功課嘅小學,同埋如果可以嘅,了解埋幾耐默一次書,同埋大約有幾多內容,否則到小一你地仲頭痕。

你話佢唔夠10分鐘就搞呢樣果樣唔願做,我覺得你地可以試下真係只做10分鐘,之後就休息,當佢真係定到10分鐘就加到11分鐘,12分鐘,慢慢加上去。

而功課呢,我以往係同個仔講玩遊戲,唔提“功課” 唔提“練習”,當然而家緊係知“功課”同“練習”。但一開頭,大家傾傾佢,例如做到邊到就休息,又或者坐定定10分鐘就贏,成功就有得儲印仔換禮物之類,我仔好work嘅。

我仔係K3。

1個讚

我小朋友同你女一樣都係今年K3

不過係私幼,所以學校係疫情下學術之援好好,由K2開始小朋友已經喜歡每日zoom,跟返學校上課時間,會上堂+有break。到今年K3,更加多由一早上到下午(期間有break+午餐時間),同返學無異,小朋友亦學到好多嘢。

唔係講風涼話,你女有讀寫障礙,如果讀普通學校只會令小朋友都對學習失去信心,久而久之,係惡性循環,對家長亦都有好大精神同心理壓力。

唔知你女小學讀邊間,如果唔想以上問題發生,絕對要揀一間比較「包容」嘅學校

我從來唔覺得讀書有問題係小朋友嘅問題,比起小朋友,學校+老師+家庭支援先係問題關鍵。我意思係要有適合小朋友嘅學校+老師,同埋教育方法。

當然要做到呢樣,的確需要家長好多心機同時間

媽媽加油啦!

我係完全自己教。大既幼稚園無咩support, 小學又深過人(已有offer),呢家係以準備小一既方向同佢prep 緊,亦有私補上門同佢track 住進展。所以我基本上飛開間學校,按自己需要train 小朋友。so far 學術上滿意。

另外仲有個細既,我係屋企會安排佢地混齡學習,一齊學野。即我教一樣野,2個都學,大既做多d, 細既做易d, 或者大既協助細既做,同埋比佢地商量點去完成。

佢地2個學校功課同自己功課都會做。

該主題在最後一個回覆創建後90天后自動關閉。不再允許新的回覆。