因為匿名，我想講下屈左心底入面好耐既陰暗面，希望大家可以屌醒我。
我移左民好耐，雖然本身覺得外國唔錯，但睇到留港好朋友事業發展愈黎愈好，愈黎愈有錢，我內心好有對比。睇住自己要左慳右慳咁過活，明明佢以前差我好多。
早2年香港政治動盪，我說服呢個朋友快走，口講為佢好，但我知其實內心係覺得終於我同佢既差距拉近左。我覺得自己有病，我口講佢係我好朋友，但我知我係妒忌佢。我呢個朋友可能都感受到，佢已經漸漸疏遠我。
我唔敢同人講，但我覺得自己好黑暗。
7個讚
留係香港生活，就算搵到錢，但生活沒有保障，只可以話用錢去填補，而家香港人連有無得選擇打針既自由都無，好似我朋友佢藥物敏感唔打得針，但香港巳無醫生肯寫醫生紙唔使打針，最後焗打睇下會唔會死，連自己既生命都保護唔到，比你有好多錢生活又如何。
我知外國都迫針，但會理性唔係反智到唔到人民死活，係香港生活而家加鎖重重，有錢又真係會快樂嗎？
不如正面啲諗下你係外國生活都有既優點，例如空氣好啲，生活壓力無咁大，咁樣會好啲
仲有人比人，比死人，應該感恩自己仲有健康既身體生活，唔好成日去比較別人，要知足現在擁有既生活
16個讚
你呢個無關移民，係你妒忌心重。就算你係香港，只要你"朋友"過得比你好你都係會妒忌。
25個讚
你妒忌朋友其實都唔係咩大件事姐，同唔同人講到都好，首先要接納自己丫。有妒忌心好大罪咩而家？
要記住，你睇人好，人睇你好架咋。呢度好多姊妹家庭月入二三十萬，都一樣有好多好多錢解決唔到嘅煩惱。
如果比較已經影響咗你生活心情，咁就唔好再follow呢個朋友嘅消息啦，有事可以電話聯絡
10個讚
講出嚟，希望你可以面對佢。
陰暗面人人都有
一日未到埋單，都定唔到輸贏
如果不是膠post不是打手
只是因為你當沒有計好數者
如果覺得香港好搵＄
可以回流ga
4個讚
兩睇
香港搵錢快&易 但生活質素相對無咁好
到老左, 外國生活反而舒適好多
首先，妒忌係一種好正常的情緒，唔洗覺得自己有病好黑暗。
其次你似係不滿自己現況，鑽牛角尖，多於「想睇朋友PK」。不如暫時放低所有social media，人比人比死人，將重心放返落自己到，提升自己心靈質素，當搵返對生活愉悅嘅感覺，其他人就算住皇官都唔會對你有影響。
18個讚
無錯，都離開香港，仲回頭望做咩。就算你留港都唔代表你搵得多過朋友，可能因某事失業呢
出面世界咁大，做好自己等其他人羨慕返你啦
4個讚
你睇人好人睇你好，每個地方有好及唔好的，睇自己點攞個平衡點，真係攞唔到/接受唔到，就試其他地方，有能力走已經好好
4個讚
唔好睇表面，其實大家都有自己嘅煩惱
2個讚
有d情況係朋友搵到錢成日曬名而討人厭，未必關你事
1個讚
我有朋友上年過咗英國，已經over半年都未搵到工，佢話最worst case係打算6年後入咗藉，跟著回流返香港搵錢。因為佢小朋友6年後已經讀緊大學，所以到時佢就算返香港做野都可以。
最緊要係攞咗個國藉先，之後再算
2個讚
我後生時都有呢啲黑暗面，成日同朋友比較，搞到自己好唔開心。後來先至發現要做到佢哋係工作上嘅成就，要叻之餘亦都要有好強既心理質素，呢樣對我來講係無可能訓練到。然後再睇下身邊其他人，每個人都有叻同唔叻既地方，比較黎做乜？
1個讚
我老公唔肯走，我自己移黎外國多年都有舒適圈，我唔係話鐘意香港。
我俾其他會員講啱左，我係好不滿而家生活，包括老公，小朋友，工作，所有嘢都唔愉快。而呢個朋友就好似同我全部相反，有好老公有錢有事業，有時連佢鼓勵我要正能量d我都會心底裏覺得佢係死好命先咁講，佢同我分享佢發生左咩開心事我會覺得係咪同我曬緊命。
我唔鐘意自己咁敏感同多疑。
1個讚
我以前個老死又係會咁諗我，我勉強扮睇唔到，但最後佢都無緣無故從我生命中消失，block埋我，拒絕聯絡
其實你都未必有當佢係好朋友，真係好朋友的話，就算有一絲妒忌同比較，但應該好快會將呢個感覺變為鄧佢開心同祝福
既然係咁不如少啲留意佢，將啲時間用嚟睇書，做運動，或者學習新事物，豐富自己心靈會唔會更好？
5個讚
如果佢疏遠你可以令你釋懷, 咁呢個朋友可能幫左你喎.
一切都係心態問題. 我有中學同學大家都係大學畢業, 一個揾十萬一個揾兩萬唔到, 但係大家出來都係無介蒂, 無比較, 講來講去最主要係自己.
4個讚
睇你追求乜
香港揾到錢，屈到癲
係我變左質。我同佢讀書年代friend到而家，一齊經歷左好多嘢，甚至我以前覺得佢比我屋企人更了解我。但當佢而家過得比我好太多，已經去到佢愈開心我就愈唔開心，但我又好手賤成日stalk佢近況係點。
呢半年可能佢都sense到我既陰暗面，佢對我好冷淡，後期直情所有話題都一句起兩句止。但我內心係好唔開心，我又妒忌佢但我又渴望同佢做朋友。
5個讚