因疫情關係辭左職
除左學校zoom上堂，諗緊自己可以點教小朋友，請問有冇人可以分享一下？有教材之類既推介嗎？謝謝各位
同問
年紀越細嘅小朋友，愈需摸多啲掂多啲、刺激感官
買啲動力沙、泥膠同佢玩
有時間一齊整下簡單野食、數住「不」一羹、兩羹糖已經係簡單嘅數學慨念
印下手指畫
可行嘅話、樓下人唔多嘅時間、落街行下曬下太陽。
2個讚
睇片得唔得，之前小朋友睇卡通片學識普通話，仲要係好流利
之前小朋友好興玩果啲「滅鼠先峰」、即係一粒粒禁果啲膠
我上網見有人用Marker寫啲vowels上去、大人讀個vowels 、小朋友就按寫住果個vowels嘅果粒膠。
小朋友咁細個、盡量控制screen time愈少愈好、雖然佢會煩住你
1個讚
與其搵教材去「教」小朋友，倒不如諗下可以做啲咩去補償小朋友無得返學嘅社交同學習缺失……
同意上面話買動力沙、泥膠，呢啲好多媽咪都唔比喺屋企玩，佢地喺學校先有得玩。
可以同佢玩互動益智嘅玩具（陪埋一齊玩）例如煮飯仔、醫生玩具、扮開店賣零食（做家務換雪條棍，用雪條棍換零食仔）lego(我成日摵甩lego人仔啲手腳同頭，扮入急症室，順便比佢地體會下醫護做唔切係大家都辛苦，要好好感謝佢地。我扮得好誇張，無左個頭就搵唔到張床，周圍撞，小朋友就快笑死
）
K1好細個，遊戲中學習最好
另外睇圖書講故事就一定要，唔好忘記都比機會佢由佢講比你聽，就算成個故事縮到得3句都好好小學老師教落要由細訓練，幫到佢train個腦仔。
數學，早期係分大小，輕重，高矮長短，想深啲，比多幾樣佢分。
4個讚
用計時器、較倒數10秒、然後同小朋友一齊拍手掌、比佢感受下十秒原來係咁耐。
我自己覺得、zoom對於幼稚園小朋友係冇用嘅、因為高小以下嘅小朋友、係需要好多感官嘅刺激同人與人之間嘅互動。
諗唔到做咩、比把兒童較剪佢剪下環保紙都好過乜都冇做
樓主, 廖彩杏, 汪培珽系列睇左未?
曾經有段時間我買曬佢地推果D書咁滯, 後來我女大左我先賣/送返出去, 我諗我而家仲有過百本AUDIO BOOKS喺屋企
閱讀好緊要，買d繪本同小朋友一齊睇
有啲書有埋玩具，一齊玩
買d顏料，畫下畫，摺紙，訓練手肌
仲有可以呢段時間學phonics,買枝點讀筆俾佢玩，睇片就Peppa Pig, Alphablocks,好岩幼稚園
多謝大家既資訊
我就係有感學校zoom唔太學到野所以上黎問
K1 都最主要係手肌肉
玩泥沙、泥膠、Lego/Duplo、煮飯仔一定要有。又係啲 interactive 故事遊戲咁樣，「今日兔仔生日，我地要整個蘿蔔蛋糕。我地一齊聽指示做蛋糕」/「小熊今日病左佢好唔舒服，我地打佢去睇醫生」。
仲有唱遊，啲歌詞可以係講顏色數字字母。仲有讀圖書，網上大把 Youtube 片關於老師教幼稚園圖書。啲書唔洗怕重複睇同讀，幼稚園好鍾意重複又重複睇圖書同玩。
1個讚