樓主在facebook群組[香港失物報失及認領群組]上載照片，當中可見1個透明膠袋內裝有1副假牙，並指「馬鞍山新港城中心執到，已經交3樓禮賓部」。或許是失物假牙實在太過有趣，帖文引來網民不斷讚好，至今已經有過千個「哈哈」及「讚好」。
留言中有人大讚樓主好人好事，「畀個Like你，真係好貴，希望失主早日攞返」、「路不拾遺真係值得我哋學習」、「做得好啱，如果當時人搵到，就唔使花錢再整，好心人，Good」。網民們亦表示，假牙價格昂貴，新造的亦都未必用得慣，因此樓主行為正確，「整返好貴，又要一排冇得用，希望失主搵得返」、「因為牙肉會隨年齡收縮即使配一副新，都未必用得慣所以請務必交客務中心好讓失主有機會搵得返」。
