BB差唔多一歲半，明白到我地既指令，例如叫佢開櫃筒拎某樣玩具俾爸爸，或者叫佢執玩具，或者叫佢去呢邊去果邊，或者叫佢指眼耳口鼻、轉圈拍手舉手跳舞都識，但佢連單字都唔肯講，最多只叫下babamama，餅餅、香蕉、拜拜呢d講左一次都唔講了。請問要睇醫生嗎？
（平日好鼓勵佢講野，但佢點都唔肯講，只手指指）
都就快返健康院，應該會跟進
如果太過擔心，可以搵語言治療
我會扮唔明、例如佢想飲水、就算佢指住枝水、我會扮唔知佢意思、係咁問問到佢講。
不過bb會發晒脾氣。
2個讚
係呀！發哂脾氣！
好正常，2歲就會突然開始講好多野
係咪男仔? 我小朋友要到3歲先識正常講野
阿仔當年都係咁，歲半得幾個單字，但係到兩歲三個月講到句子，而家n班老師話佢講野比同齡小朋友好。而家睇返可能因為佢又要學廣東話又要學英文，所以遲左先開到口講。睇返身邊朋友，都有不少小朋友遲過兩歲先開始講野。
當然唔可以話唔使理，但絕對唔可以話一定有問題。只要多同佢講野，有d小朋友會進步得好快的。
我小朋友就喺咁，身邊個個話無事，但結果就喺有SEN。
要迫小朋友講嘢，佢一開聲，之後就好好多。佢唔講「俾」，就唔俾玩具/食物。第一次試，佢又喊又嘔半小時，最後終於講，之後就好順利。
SEN除咗語言發展慢都仲有其他症狀嘅，但如果歲半單純講唔到句子又真係冇咩大不了喎。
1個讚