求做team leader 心得

嚟緊會番新工(終於轉到),新工同而家行業有關係但實質轉咗行,之餘係做team head帶住5-6個同事。果批同事位位老seafood(聽聞起碼10年以上)。我到時入職嗰陣上手同事未走嘅,可以跟到佢一陣,佢都做咗約20年,唔知移民定提早退休唔做。

除咗祝我好運,大家做開主管嘅jm,可唔可以教一教路?我諗住入到去當佢哋普通同事,大家一team人建立好關係先,但人哋做咗咁耐都唔一定向我賣帳。人事部話大家做得耐,公司冇乜活動。加上而家疫情,又WFH又唔想堂食,好似要破冰有難度。

可能你聽落去份工咁伏覺得我咁都做,但新公司比而家大規模,人工有得升同埋我聽聞過新公司福利好,所以我都真心視新工係個好機會,希望做得長。

2個讚

去到先知會點
最好就講少d以前公司點點點

1個讚

Team leader 經驗好難三言兩語講得清,因為teammate個個性格唔同,要因時制宜。

未帶過5-6個old seafood, 通常大部分係年紀差唔多或細少少,我通常點打成一片都會保留返d距離感,因為有時做嘢有個階級分野會方便啲,尤其有鑊要拆同檢討嘅時候。

初初做leader要摸著石頭過河,不過最重要都係有搏頭有腰骨,難做嘅嘢比清楚指示甚至一齊做,開好個頭先比下面自己跟,佢哋如果係有責任感嘅正常人,見到你都肯落手落腳幫,通常都識投桃報李。

6個讚

有番距離感真係好重要,太frd你自己會好難做。

4個讚

我之前會咁做。

先同每個同事做1:1,傾談當中嘗試understand佢地每個人嘅性格,做緊咩,有咩睇法。之後再可以setup個session,同成條講我嘅management style, expectation。

當然,都要時間觀察,磨合

我又唔駛同佢哋好friend嘅,關係良好已經唔錯… 我係諗班old seafood做得耐,對公司運作同產品又熟過我,要叫得鬱佢哋做嘢有難度,自己好有戒心咁驚住班old seafood夾埋夾走我etc

我都係一樣做法,做leader 你respect 個細既,個細既都 respect 你。工就一定係西咁滯,做細既都係揀緊個大既,無咁委屈咁做。

留名先

大家當係互相交流吓都好呀:relieved:

你除咗要知道下面嗰啲之外,更加需要知道上面嗰啲,
上司睇你,係你邁進成功方程式⋯⋯