本港疫情嚴重，不少人選擇留家抗疫。一名港女於討論區發文指，近日向男友提議「Staycation」慶祝情人節和拍拖2周年，沒料對方竟以防疫為由拒絕，令她十分不滿，認為男友過於緊張，更直言「睇嚟防疫重要過我」，引起網民議論。
該名港女於討論區發文指，與男友交往兩年，對方十分注重防疫，平日經常洗手，出門會戴兩個口罩，若非與她拍拖逛街，男友會選擇乖乖留家抗疫。適逢情人節和拍拖2周年，樓主遂提議「Staycation」慶祝，「都係一日兩日，同埋係特別日子」，故以為男朋友會答應。
沒料男友竟堅決拒絕提議，並解釋指現在疫情嚴重，不宜「Staycation」，「遲啲無事我哋日日去staycation都得，我哋留返啲錢遲啲用好過」。男友又擔心入住酒店時，相鄰房間會有確診者，反批評樓主「周圍去」，揶揄「做咗密切接觸者，你就可以去到staycation！」。他更直言疫情未有好轉，情人節不打算出門與樓主慶祝。樓主聞言不滿，狂呻「有無咁驚青，我哋都打咗針啦，睇嚟防疫重要過我」。
我估, 即係同家人同住, 並不是同居
咁… 如果同家人同住, 咁係香港既土地問題囉…
如果係同居咁…又有咩所謂, 都係一切過啫
而家好多人咪一樣照返工，可能用疫情做借口慳錢都唔定 
今次我撐港女，咁緊張防疫又返工
呢個小兒科啦，我見過有個case仲勁
男仔個老豆入咗醫院，嚴重嗰隻，男仔日日捕喺醫院攰到得返半條命，咁啱係女仔生日，女仔點都要夾個男仔出嚟同佢慶祝食飯，仲要喺group度呻個男仔唔同個慶祝blablabla
情人節擺明係商家搵藉口mark up收費，唔響呢日慶祝而改第二日，我覺得個男仔幾識諗幾成熟喎。
可能每個人嘅做法睇法唔同。如果期間個男仔有同兄弟嗰D去慶祝，咁個女仔呷醋我反而會明白的。
但問題如果無，其實個女仔應該要體諒。話晒Uncle喺醫院情況嚴重，真係唔知會點。作為家人可以嘅話梗係想陪個爸爸。
有d人鐘意正日先有儀式感
咁唯有講句有D人儀式感重要過一切
我呢d好實際，算了
我陪你
Er…
我撐男多啲
去Staycation唔止係為住一晚酒店，仲有想享受下酒店設施，食個dine dinning…
而家疫情好多設施都唔開，夜晚餐廳又唔開，淨係向間房瞓一晚，咁好冇意思姐
其實唔排除有人以抗疫為理由唔去拍拖
咁食餐飯囉，遲下再staycation
你又岩喎~~~ 
其實我覺得係價值觀問題
唔知個男既本身係咪WFH
如果係既話
宜家咁多個案唔想出去都合理
個女既就係追求儀式感
總之情人節、生日呢d 重要日子
正日無慶祝就係唔得
我呢2年就係咁，意思爆緊嗰陣。因為成日要返娘家照顧爸爸。我唔係擔心自己中新冠肺炎，係擔心萬一中咗傳染埋俾屋企人，特別爸爸。
因為佢長期臥床，無自我照顧能力。傳染到俾佢好大鑊。就算唔中捉佢去隔離，擔心無人咁貼身照顧佢。係好多擔心。但好彩自己朋友同男朋友好體諒 (但可能男朋友好開心可以自由)
最緊要係你地可以互相遷就同體諒
該主題在最後一個回覆創建後90天后自動關閉。不再允許新的回覆。