其中一間花店的負責人黃小姐，清晨時份正埋頭苦幹包紥花束，但實際上生意遠遠不如表面般忙碌。她指，往年訂單一早已有300至400張，今年只有往年的一至兩成，售價亦得往年一半，「以前一早啲訂單冚冚聲，今年訂單得往年一至兩成！而家都冇人嚟，個個都唔出街，咁可以點呀？」她指鮮花來自肯雅及厄瓜多爾等地，疫情下運輸亦受影響，「爭機位囉，有啲都嚟唔切，過唔到嚟啲貨，有時想再補都冇！」
另一間花店的女職員提及今年生意，亦無奈表示：「唔知呀‥‥‥梗係有（影響）啦，個個都唔出街‥‥‥」她指，往年花店通宵營業接單，今年已面目全非，其店最貴的99枝玫瑰，售價與往年相約，但她指今年來貨較貴。
過往在情人節，花墟商舖大多通宵營業接單，但今日清晨所見，只有約10檔開門營業，最貴99枝玫瑰約售2,000多至3000元左右；而往日清晨便人潮如鯽的買花客，今年則「兩隻手數得晒」，眼見只有約10人，買的只有2人，場面冷清。
其中一名「好老公」王先生，一早便訂了一束價值約880元的玫瑰，準備給妻子驚喜，今晨他在附近工作時，順道到花墟取花。王指今年售價與以往相約，寄望「大家都健健康康！」
自豪感
