大家好
想問吓大家知唔知道只有老公有BNO
但我同個仔過英國先有無可能呢？
或者有冇話最多佢可以留香港幾耐？
因老公係香港有生意帶唔走
想賺多幾年錢
而我就想盡快同小朋友過去適應環境～
1個讚
即係做太空人？
——
一齊申請BNO visa，批咗後你哋應該可以過去先，不過一定要等主申請人符合5+1嘅要求，你哋先可以入藉。
1個讚
即係太空人啦，冇話唔得，5年後冇永居啫，要續visa個時你俾咩理由人地續俾你先
1個讚
Dependants 好似係要同主申請人出發，或者遲過，但唔可以早過
咁可以一齊出發，主申請人之後再回港…
不過點都好、唔係幾建議做太空人
可以早過
請問知唔知主申請人最多可遲幾多出發？
係咪主要都係extend個陣驚唔批？
因為小朋友兩歲 SEN
爬過曬文覺得英國既support完善好多
想盡早過去
我老公香港生意暫時未放得低住
本來我地係打算儲多幾年彈藥先一齊過去既
但係而家谷針谷到CLS
三歲都話打得……
所以咪想我同個仔去先
你一個帶sen過去好勇喎、其實可以一齊入境等你哋settle down 再返香港、自己生意更好辦、唔想批評太多、只係真係無人知計劃幾時停、你哋都要等佢入藉先得
3個讚
係呀
不過我小朋友唔算嚴重
一打一係handle到的
但我老公公司好忙完全分身不暇
Working day佢抽半日陪我一齊同阿仔覆診
佢個幾個鐘個電話都係停唔到
所以要佢放低工作同我去左英國先都無咩可能……
如果係咁可能只有賣盤
車咁其實佢根本過唔到英國，搵來講
將公司交手俾人都要時間既
現階段係想我同小朋友過去先
佢遲1-2年過黎 先開post問下可能性姐
洗唔洗咁既態度呢
覺得搵黎講你咪唔好覆囉
我只係覺得佢氹你，根本佢係唔會過去
Er……可能你有唔好既經歷？
我只可以話我老公無咁諗過呀
衰啲講句係我地都想搵多幾年錢
有小朋友邊個唔想儲多個錢呀講真～
但同時係我又想小朋友早啲去適應
可能話係我地貪心 又想移民又想係香港搵多幾年錢囉
如果visa難extend都無辦法就要放棄搵錢啦～
2個讚
你可以睇下住加男人講太空人，3年又3年，好多家庭以為3年就可以團聚，錢係搵唔盡，你自己諗諗
2個讚
呢樣野無人知，但正路嚟講，無乜理由唔畀人續….
不過遲啲通返關，你老公當去旅行都要去下英國….
Bob叔個channel嗎？
多謝你的意見～
我都要繼續努力爬文
唔係，個channel叫住加男人，佢講左好多關於移民資料，雖然佢係加拿大但幾值得參考
但佢個主申請人一路都唔係英國，但dependant又要係英國，咁係break up左個家庭，visa officer會點諗