36歲的黃小姐，與丈夫及一對三歲及兩歲的子女，以7,800元租住油尖旺一間百多呎的劏房套房單位，她稱丈夫在地盤擔任雜工養家，她則在晚上抽空到餐廳任職樓面，兩人加起來大約1.8萬多元的收入，能維持一個家庭的正常開銷，然而第五波疫情來襲後，食肆禁止晚巿堂食，她隨即被通佑暫時不用上班至另行通知，丈夫今月亦出現開工不足的情況，初五後至今只上班3天，公司因應地盤出現確診個案，要求所有員工每兩日一檢，丈夫每日放工後，便到荃灣或屯門社區會堂或流動檢測中心排隊2至3小時，等待結果再復工。
然而，丈夫最近一次在屯門接受檢測後4日，今日仍未收到結果，原本打算明日復工，但若一直沒有陰性結果便不能上班「9號驗完，預算明日返工，但4日後都未有結果。」她稱幸好已交租，但今月開工嚴重不足，擔心連下月房租亦不夠支付，目前已開始節衣縮食，尤其近日菜價飛升令她更加要精打細算。「農曆新年後只有初七買過一次菜心，成25蚊一斤覺得好貴，之後無買過菜，都係食公仔麵、凍肉或者罐頭。」
劏房家庭呻N無：我哋呢啲遇窮越窮
黃小姐曾成功申領過在職家庭津貼，只發過一次金額大約三千多元津貼，之後工時不合最低要求，一直未能成功申請，她指隨著夫婦今月開工嚴重不足，基本已申請無望，加上申請公屋不足三年，無法申請現金津貼，若連第六輪防疫抗疫基金提出的一萬元短暫失業援助金，仍沿用接納強積金戶口為證明，夫婦二人變相成為「N無人士」，無任何資助彌補收入大減，「𠵱家已經諗緊點樣可以打多幾日工，搵到租金捱住先，如果乜都無，我哋呢啲真係遇窮越窮。」
1個讚
其實。。點解唔去私家醫院做。
我知800一次。。。1000一次低收入家庭好難拎得出。但總好過等4日都無工開
有工開就搵得返，點解唔轉一轉個腦筋想出路
今日出街買野，以前中午都好旺好多人買外賣
而家靜到外賣都少好多人
感覺似當年SARS 咁靜
2個讚
好似前排都要3日，我同事話
我自己中左強檢，早2日都係30小時左右，真係可能要睇地區同承辦商能力
1個讚
A_lcy
13
都係嗰句啦，窮人唔好生仔，仲要生兩個。唔好講武肺，做地盤都好易工傷，一手停又係口停，喺香港呢個無保障嘅社會，自己點保證風調雨順身體健康可以養到佢哋出身。
我係judge 緊佢哋係blame the victim，奈何香港就係咁現實。
4個讚
睇完成編報導，我都諗其實呢個家庭係咪可以過好啲嘅生活呢？點解唔諗吓辦法改善
首先$7800一家四口住油尖旺劏房
油尖旺啲租貴就梗架啦
點解唔揀新界區住呢
朋友住元朗村屋350尺2房都係$6000租
如果你話元朗唔方便，你兩公婆搵萬八蚊1個月，就係要張就吓架啦
個太太36歲，就當個老公大幾年都係40歲左右
就當你做地盤雜工都至少$600/日，有乜可能兩公婆加埋先搵萬8蚊
如果真係咁低人工，點解唔搵過第2份，香港地肯付出努力，一定搵到錢
疫情好返少少果排，我樓下間茶記請洗碗阿姐都2萬蚊人工
成個story都好慘情，但係其實係有改變嘅機會，只係唔願意動吓腦筋改變吓
3個讚
我老公話佢公司，做地盤雜工咩牌都無，淨係摣水喉噴地吓果啲阿姐，都$800/日
所以好難想像點解兩公婆先搵萬8蚊
1個讚
今日出去人都冇個，最多人就係超市，個個一早去咗儲物資
1個讚
我識人做地盤人工好高，只要肯考吓牌，認真學。最高人工聽過四千蚊一日，返機場，工時長。男人普普通通人工都過千。女人係少啲，都多過佢。
以上家庭似為排公屋，寧願做少啲
1個讚
呢啲9成又係玻璃國女人嫁60歲亜伯，唔想講都要講冇錢真係咪生啦，仲要2個。
我老豆當年做地盤冇牌人工低，佢努力考左牌啲人工幾倍升！
1個讚
system
於 關閉
21
該主題在最後一個回覆創建後90天后自動關閉。不再允許新的回覆。
