或者最想/唔想收到咩嘢禮物？
我講先
話說我老公拍拖到而家12年，從來未送過1枝花比我，所以最想係收佢送1次花
老公又試過連續幾年送音樂盒，我係鍾意嘅，第1年收到都開心，但係就唔洗年年都送囉
收到最鍾意最實用，係果排想買嘅dyson風筒，佢買咗情人節版比我，用咗幾年都未壞
1個讚
類似係讚完阿媽碟餸好食，之後連續一個禮拜都會食同一個餸 
14個讚
Ex送過花形方皂，只有收禮物時開過一次，之後長放到掉埋。
仲收同swarovski手鈪，金色加水晶，都好閃，又係從收禮物當日放到依家，放左十幾年。
我係想唔到，寧願唔好送的人，所以情人節都係食餐飯就算
2個讚
男朋友親手織頸巾
1個讚
人越大越實際，紀念的只在後生時要，大左要稔地方擺、可能到掉左都唔攞出嚟睇，都係簡簡單單食餐飯算
3個讚
織得靚唔靚？
男仔好少花心思整手工嘢
近兩年生咗小朋友，直情飯都無食
大家講句情人節快樂就算
年紀越大越無情趣
我收過CD+士多啤梨朱古力，心諗乜仲有人追女仔仲送啲咁娘嘅嘢？！
最後，呢個人變咗我老公….
6個讚
我老公算係做好足嗰類，但又唔係浪漫有心思嗰種
基本上都有大大紮花同book餐廳食飯，禮物就一時時，情人節份禮物一般就比較隨心，under 1萬嘅小禮物。聖誕生日嘅禮物就通常我自己揀，因為我老公揀禮物唔叻，大禮物自己揀返穩陣好多
我係FTM，我地兩公婆用錢無得分開，平時亦無家用呢樣嘢，所以我相對地對禮物呢樣嘢需求不是太大，但就一定要去慶祝，例如出去食飯，兩公婆拍下拖咁
5個讚
都係比封利是我，寫老婆我愛你之類。
或者一齊去食餐飯就算。
佢記得既都算佢好有心。
唔想收到花，唔實際。
咁攪笑
2個讚
講係咁講，但佢無表示既一樣會嫌佢囉 
我媽媽成日都話，我爸爸對節日呢樣野唔係好掛心。
情人節，媽咪生日。
爸爸都可以當平日咁過。 
有無人好似我咁，從未收過情人節禮物
睇到呢句嗰陣，我直頭指住個mon同個衰佬講，嘩竟然有人勁過你，點知⋯
睇埋下邊兩句，原來我開心得太早⋯⋯唔好話情人節，我嗰隻係乜節都唔過，話知你係清明重陽，定係聖誕新年 
後生時收過唯一一次，係耳環嚟，但係我冇耳窿囉，仲要當時我哋係一齊返工，份工我要紮起頭髮嘅
咁你情願無收過，定係收到都啤啤聲
2個讚
咁又真係好無奈，日日相處都留意唔到
1個讚
所以好快就冇咗lu～
咁就知個男仔有無心~ 
都係花同公仔，我通常開開心心食一餐算