新冠肺炎自去年2月開打以來，一直功效成疑，當局近日更新新冠疫苗安全監察報告，由本年1月1至31日，合共有11人離世前14天內曾接種新冠疫苗，涉及7男4女，年齡介乎56至95歲，當中7人打科興疫苗，其餘4人打復必泰疫苗。接種計劃開展至上月底，累計有64人離世前14天曾打針。另有33人針後懷疑面癱、2人針後懷疑出現腦病或腦炎、1人打針後疑患吉巴氏綜合症，及10人針後懷疑出現心肌炎或心包炎。惟政府不斷出招谷針下，本日疫苗接種數字仍創新高，達9.2萬人，其中3.9萬人打第1針。
?生署於本年1月1至31日期間，接獲273宗接種疫苗後出現異常事件報告，其中93宗涉及住院治療，11宗涉及接種疫苗後14天內死亡，死亡個案中，專家委員會初步認為，9宗個案與打針無關，2宗要需要更多臨床資料作評估。
至於90宗針後需要住院治療的報告中，1名63歲女子於去年除夕因肺栓塞去世，另一人為57歲男子，於上月27日因急性缺血性中風去世，2人分別於去世前13天及9天曾打科興。沒有臨床證據顯示該2宗事件因疫苗引起。專家委員會初步認為事件與疫苗接種無關，個案將交港大的「2019冠狀病毒疫苗安全監測計劃」進行分析。
署方另接獲33宗針後懷疑患貝爾面癱的個案，涉及18男15女，年齡介乎33至79歲，其中19人打科興，14人打復必泰。經審視，其中17宗個案需要更多臨床資料作評估。疫苗接種計劃開展至上月底，累計有408人針後懷疑面癱。
至於接種後懷疑患心肌炎或心包炎的個案有10宗，其中1宗缺乏足夠資料以作評估，6宗需要更多資料作評估，餘下的則涉3名年齡介乎13至29歲男子，均接種復必泰疫苗。疫苗接種計劃開展至1月31日，累計有152人針後14日內懷疑出現心肌炎或心包炎。
2個讚
肯報俾你知既數字已好驚人，一個月內11死，93人入院，33宗面癱，10宗心肌炎。
8個讚
打為交功課，OK
打科興為交功課，中國人YEAH…
1個讚
每次見到bd 有人話打4兄純粹貪佢副作用低，我都繼續煩膠地指出4兄死亡率高好多，希望救得一個得一個。
15個讚
我都係，俾個5，但願我哋努力有成果
我已暫時成功勸說我啲同事們全部唔打針，不過如果去到撘車，就怕且全員滅了。
3個讚
有長輩堅持4仔，佢都打咗啦
由佢囉，費時打bnt 佢真係出事就賴我
2個讚
同我上次見到過往數據差唔多，呢個問題講過好多次啦：
- 科興死亡率高，但係科興長者比率高，本身死亡多數係長者，所以撇除年齡嘅死亡率我唔能肯定（例如長者接種兩隻疫苗死亡比率），呢一波無年輕人死亡。
- 面癱科興比率上都係高D
- 心肌炎我聽到依家都只係見復必泰有
如果真係要比較死亡率，最起碼需要有「撇除年齡因素嘅疫苗死亡率」，或者證明「年齡因素不影響死亡率」，當然無呢D研究。
但係就算當科興撇除年齡死亡率高，以上死亡數據集中係長者，非長者死亡少好多。但係13-29歲心肌炎全部都係復必泰，呢個其實仲significant。
只係純粹從以上數據講，強調返我既唔相信呢D數據足夠完整準確，亦唔認為足夠證據支持「某隻疫苗副作用較少」，大家都係無奈憑感覺判斷。
1個讚
仲有好多人打左出現唔同情度既問題, 有啲問題輕既
因為怕麻煩都無再去睇醫生, 因為如果去正苦個啲一定
話唔關事, 好似朋友老公咁打左之後就成日耳懞好似重
感冒有邊耳仔聽嘢唔清, 同埋成日暈佢老公只係食暈浪丸
就無事, 情況已經持續左大半年, 到而家只係無暈得咁勁.
初初有睇我家醫生食藥, 初初見食左唔暈就停左點知一停
又暈之後食曬醫生開既藥就自己買暈浪丸食.
算啦，我見到呢個topic 都費事再講，正如上次咁講，100%心肌炎係由打復必泰引起睇唔到
A_lcy
17
唔係睇唔到，身邊亦有人出事，復有心肌炎唔代表科興副作用低，我只係針對緊強調科興副作用低呢句說話。
2個讚
system
於 關閉
18
該主題在最後一個回覆創建後90天后自動關閉。不再允許新的回覆。
