香港新冠肺炎疫情單日突破逾千宗確診，社區大爆發，多個行業停工，手停口停下，零收入人士增，更有不少人失業。有網民近日在網上討論區分享指，後悔於2021年入市做業主。
該網民在網上討論區指，去年成功買樓做業主，有感2022年前景不明朗，以「好似好唔掂」來形容，更感到工作去向不明，擔心自己都會失業，更聽到不少人說即將會加息，更稱「幾個月層樓又跌咗30幾萬」，直言：「有啲後悔！」
帖文吸引其他網民回應，有人同意去年樓市氣氛好，入市屬正常反應；有人則認為「買左就唔好諗啦，租都要俾架嗎」；有同路人指同樣去年做業主，但今日仍慶幸當日入市決定，因為若以同等樓價，目前都買唔到同類單位；有網民提出自住樓不擔心的意見，惟反問樓主：「你買樓之前無諗過 ?」；仍有網民呼籲樓主：「自住成日要睇升跌咪好辛苦，安居樂業啦！」
今時今日仲喺香港買樓真係戇居啦
如果有住屋需要又唔移民呢一世都留係香港無話唔得嘅
自住還好
投資就…
樓市贏嘅位就係槓桿，輸都係
咁都仲入市，佢係咪訓左幾年
除時工都無，唔知供唔供到樓
自住都要量力以為 
我fd上年抽到居屋第一日揀樓,佢特登買個最貴最大既單位,但佢連首期都要屋企人資助…
我最近都有人綠表上車，佢生左b 都始終要住
玩到呼吸plan 問人借首期就幾時都唔好
當供30年咁計，可以有幾多個經濟周期，儲蓄起碼有一年駛費，就當自己移民要儲舊錢一樣
香港咁樣，飯碗都未必保得住，仲去供樓真係祝佢好運
咁可能有啲人搵到，收入穩定
樓市又唔跌喎犀利
就算唔響香港，度度都會失業嘅
唔好計都咁盡係好d
其實佢冇錯，居屋有得揀一定係揀最大單位
反正都係屋企人資助，更加要買大
係，我上年買咗樓，老公份工都算穩陣
其實一直都有留意啲樓盤，暫時比上年仲係升咗少少
我係自住，都係果句，走唔到，都要住，幫人供不如自己供
一跌少少就大把人仆住接貨
如果唔打算走，有層樓係安穩好多嘅
傻既
“自住樓, 唔驚”
d人早2-3年買樓係咁講架
尼一兩年仲係度買樓嘅
一係走唔到
一係為搵錢唔想走
一係信大陸經濟ok
而家先啱啱開始, 仲有最少2年玩, good luck
佢明明細單位都夠住,因為佢借埋老人家名抽,所以可以買大單位,佢而家供樓個數同佢人工一樣囉 
佢屋企人唔想"資助"佢架…佢仲連裝修錢都無準備…我無眼睇
邊有人會知毒鵝咁毒，而家根本係自己整死自己