由一年前我地開始準備
一直都為左疫情有小爭執
延遲左幾次
但最近英國宣布連中招都唔洗做檢測
我老公真係接受唔到
因為佢本身心臟做完手術冇耐
佢都好擔心中招
加上佢工種都係高危
佢冇曬動力想過去
再加上申請完後
突然佢有啲心理關口過唔到
放唔低香港既野
由大家都好雀躍計劃
到而家好似冇希望
我仲辭左一份做左10年既工
呢一刻….我好迷失
唉….
我可以點算
2個讚
你老公之前肯點頭移民，係咩原因呢？其實係你想走多啲，佢配合你，定係點？
我都好想走㗎，但我知我身邊嗰個，唔會適應到鬼佬地方生活，我又做唔出掉低佢，又唔忍心佢夾硬配合我，做一啲唔適合佢嘅決定
或者再睇吓仲有乜嘢可能性⋯⋯
1個讚
有冇小朋友？
visa批左未？
移民不是一個容易的決定, 大家要有取捨+共識
當初移民原因係乜？ 你想所以佢陪你？ 有冇得再傾下？
佢當初都係頂唔順香港發生既事
申請前仲大大聲聲「真係想即刻走」
又同業主講左唔續租
所以係大家共同決定
只係疫情關係
一直延遲希望果邊數字回落先過去
但一summit 左佢就開始審慎思考
壓力就黎
加上英國果邊半年前同而家租金升左
而且佢成日睇google map啲地方好空曠
佢好冇安全感
Visa 我們Withdrawn 了
佢話可以試下去當地旅行
去完再考慮
但而家返香港又要隔離
佢都冇動力想去
住大城市啦，唔係個個都鍾意鄉下生活。
唔知點安慰你呀，我初初黎英國都接受唔到啲人唔戴口罩呀，露鼻呀呢樣果樣…
而家呢，如果遇到有朋友未中過武肺，反而我會好驚訝
唔好怕未知嘅嘢，諗真啲，到底當初咩原因想走？唔走又改變唔到環境，真係等住抑鬱
理性因素理性拆解，感性因素就感性感染佢…
唔使覺得勒索佢，除非你地唔生小朋友，想生，係要勒索下
8個讚
冇小朋友
會唔會考慮去「玩下」先？
當旅行咁樣，行一次玩一次，感受下
樓上我都回覆左
佢話可以試下去當地旅行
去完再考慮
但一想到返香港又要隔離
佢都冇動力想去試
1個讚
連VISA都WITHDRAWN , 唉
我初初都接受唔到D人唔戴口罩, 又唔洗手
但而家因為真係好多人中過(包括自己),睇化左.
我小朋友老師都中, 半班中曬, 半班返學, 半班係屋企休息, 然後同隔離班一齊上堂,我小朋友話好特別 (可以識埋隔離班D人)
而家黎UK旅行都難,又無直航, 返黎又要隔離…
唔知點安慰你添.
而指租金貴左, 除非要揀LONDON, 其實貴少少都平過香港租屋…
我又唔覺周圍空礦, 除非住深山啫, 我住小城市, 都有得行下街, 又有公園行下, 人口無咁密集, 其實個人係會RELAX 一點的
過兩日再同佢傾下, 再問下佢係咪可以忍受今時今日既政策？
6個讚
遲啲香港再有事發生, 又會燃起你老公想走的鬥志. 係時間問題姐.
我估佢心情, 就好似一個女仔嫁前嗰種忐忑. 有時女人仲堅強啲.
6個讚
政策入手唔得呀
因為都未燒到佢果疊
佢係香港人工福利都好
佢話佢以後香港新聞乜都唔理
夠竟我應唔應該一個人過去
我個心痛到裂開
我冇勇氣繼續留係呢到
但亦冇勇氣離開佢 本身感情冇問題
2個讚
自己一人過去仲難過，不如慢慢說服他，令他拾回信心先再申請啦！兩個人點都好過一個人呀！
1個讚
withdraw 左咁就無lor…
我有朋友一開始都似你地，後來個男既淆底，個女既自己獨自carry on所有process, 中間會check下個男既點呀，問左未，開始未，又簡單交待下個process, 無壓力比個男，但自己堅持繼續行所有流程。
到後來香港再發生左事，個女既乘勝追擊游說佢，男既見d野都on right track行緊，就痛定思痛，喊晒口黎個情緒大爆發，之後收拾心情同個女既一齊準備移民。呢家已經走左啦。
所以移民係鬥堅決。你應該withdraw前上黎問意見。
8個讚
但呢個要冒險
如果冇咁多巧合
佢都唔會改變決定
或者過左去佢都可以一個人返黎香港
又或者批左但佢唔過去
然後入blacklist
所以 withdrawn係想保留多次機會比自己
1個讚
我諗你而家都好苦腦
唯有暫時乜都唔諗住
到時燒到佢可能又唔同架喇 實有機會燒到佢
我老公都係半堆半就咁走, 而家佢黎到都暫時覺得OK,
withdrawn左 之後都可以再申請既, 等下機會再申請過.
1個讚
既然都改變唔到
不如諗吓份工有冇得返轉頭
同埋諗吓，走佬去英國都係你睇人好人睇你好
過咗蜜月期點繼續生活落去至係真正嘅考驗
多謝你
你老公到達後
有冇曾經呻過想返香港呀
初初黎到我地都有好多考驗
租屋. 申請野 乜都有啲難度, 又要等 ,又唔識人, 又無人求救, 都幾灰
又成十幾年無講英文, 有時人講乜都要思考下, 連溝通都覺得辛苦
唔係人地講得咁易, 大家都係報喜不報憂
而家過左幾個月, 小朋友返學, 鄰居都OK, 生活都慢慢習慣
(佢無呻想返香港, 可能知道回去都唔係以前既香港, 不如實際啲解決而家生活大小事仲好)
7個讚