原來瞓喺度減肥都得!? 專家話只要大家每日瞓多少少，3年後就可以減12公斤 (約26磅)。
美國芝加哥大學睡眠研究中心日前發表研究報告，佢哋針對80名成年人進行睡眠測試，發現呢班每晚睡眠時數只有6.5小時嘅城市人，只要每日瞓多2個鐘，即係每晚瞓8.5小時，每人會不知不覺平均攝取少270大卡熱量，有人甚至減少攝取500大卡! 270大卡，大約相等於三塊麥維他朱古力消化餅，或者一個叉燒包。
睡眠研究中心專家補充，如果每日睡眠時間達8.5小時，持續三年，體重將會減11.8公斤，大約有26磅。佢哋承認呢個結果，顛覆大家對減肥嘅睇法，並已經將報告發表於美國醫學期刊《Jama Internal Medicine》。
