請問大家會點樣選？原因同理據？
謝謝！
成年都仲未打，不如等吓啦。
8個讚
正常人打bnt 先最有效，但體弱老人被逼打個班，為交差可能科興真係適合佢地，貪科興無料到相對副作用細d
9個讚
根據上次有個話打科興副作用低然係send 咗政府嘅數據出嚟睇，數字上其實差唔多，死亡人數仲要比復必泰高，但打針比例就低。我到依家都唔明科興少副作用呢個傳聞點傳出嚟。
重點：個數據係香港政府出，有冇隱瞞睇你你對香港政府幾信任。
重重點：睇你對中國製有幾信任
13個讚
所以有d人話點都係死，打枝有用d既好過
3個讚
建議等多兩個月先決定
6個讚
反正都等左咁耐… 不如再等下添啦…
9個讚
點解係兩個月？有新數據出？
呢句真, 我都唔明, 好多人都講4兄side effect少D, 輕D, 都唔知點解會咁講… 我屋企人做醫護, 佢哋都話邊個brand嘅針面世咁短時間, 好難定斷有幾多副作用…
1個讚
首先，等到最尾一刻被逼先，一來佢朝令夕改，二來疫苗非永久越遲越少打（外國已逐漸放開）
等到最尾如果你被逼，上次提到過兩者比較，個人經驗觀察（非專業歡迎提供更多資料）：
- 死亡：科興死亡率明顯高，但集中係長者。按年齡/性別/身體狀況等等不詳。復必泰反而有聽聞年輕/中年人出事，但亦有可能科興年輕人比例低。
- 中度/嚴重副作用：面癱復必泰報導多，但上次數據上比例非常接近（科興略多），因為科興人數基數少，但如果根據數據兩者都非常少。心肌炎尤其青少年，多數報導都係復必泰，科興未見報導。科興除死亡外，未聽聞有長期/嚴重副作用，復必泰略有聽聞。
- 輕度副作用/即時反應：復必泰經常會有較大反應，包括疲倦/發燒/心跳加速/忽冷忽熱/經期淩亂等等，科興反應明顯較少，甚至大部分無咩反應。
- 其餘考慮：由於所有研究都未完成，好講信心問題，包括產地/疫苗製作方式，呢個都無標準答案。另外就係你預計之後要打幾針、混合等等，同埋你預計被逼針方式（香港暫時2針復必泰=2針科興，以後如果三針？但兩者輕重完全唔同，外國可能3針科興先當2針復必泰，或者科興當無打過）
反正呢D係可以考慮嘅因素for參考，每個人都可以有自己考量，大家都只係victim。
16個讚
事實上係未有副作用相關研究，所謂專家其實都無資料（唔講動機）
但問題係一般市民已經被逼判斷，於是怪唔到佢地按照經驗判斷（唔包括相信偉大XX⋯）
3個讚
我主要就係聽聞好多人既身體對科興既反應比較輕微
當然可能係因為支針無咁有用
但老實講，依家都變種變到弱左
支針都好似唔使咁勁
佢嘅十分常見同常見副作用，其實打邊支疫苗都係正常副作用，打流感針都會唔舒服幾日啦！
上次喺到睇到某一會員講過，好有道理。
要做個詳細嘅報告，其實要一段時間，分埋年齡、男女⋯⋯先講得埋。
依家嘅data 隨時半年後、一年後都可以推翻。
問題係而家有人被迫打，等唔切，又想做啲分析，如果等得到，大家就唔駛咁煩惱
所以有人係想呢啲反應都少啲咁咪揀科興
因應個人情況 選擇合適新冠疫苗
來自不同產地及使用不同技術平台的新冠疫苗陸續抵港，同事對自己或家人是否適合接種或應選擇哪款疫苗存有不少疑問。有見及此，最近的「總監與員工大會」邀請到許樹昌教授及賴偉文醫生實時解答同事們都關心的問題。
根據二月底所掌握的資訊，本港有望於三月起為優先群組，包括醫療機構人員，接種中國科興「克爾來福」（CoronaVac）疫苗（下簡稱科興疫苗），或復星醫藥尾德國藥廠BioNTech「復必泰」（Comirnaty）疫苗。前者為傳統滅活式疫苗，後者則使用信使核糖核酸（mRNA）技術。另外兩款預計將於本年7月及明年到港的疫苗，分別是採用腺病毒載體（adenoviral vector）技術的英國牛津大學及AstraZeneca疫苗，以及使用重組蛋白納米顆粒（recombinant viral proteins）技術的美國Novavax疫苗。
有過敏性休克記錄者須留意
就今年上半年可供選擇的兩種疫苗而言，綜合許教授和賴醫生所述，去年12月約180萬人於美國接種第一劑「復必泰」後，有21人出現過敏性休克（anaphylaxis），相當於每注射 100 萬劑疫苗中有 11.1 宗個案。美國疾病管制與預防中心後續取得資料顯示，該21宗個案中，17人（81%）曾有敏感或過敏反應的記錄，7人曾有過敏性休克的記錄，故中心建議，曾出現嚴重疫苗過敏反應，包括出紅疹、噁心、頭暈、低血壓、腫脹或呼吸困難的人士須小心衡量個人風險；有藥物敏感或對個別食物敏感者則不需過慮。
至於「科興疫苗」的數據，目前尚未全面掌握。參與該疫苗第三期臨床測試的60歲以上人士只有約400人，疫苗對長者的作用和風險有待進一步實證。最重要的是，85歲以上長者或長期臥病在床人士無論考慮接種哪一種新冠疫苗，均需接受詳細評估以衡量風險。
外遊「復必泰」 留港打「科興」
其他副作用方面，接種新冠疫苗的副作用種類及情況大多與預防其他傳染病的疫苗相若。根據兩間藥廠目前公布數據，接種「復必泰」人士相比「科興疫苗」接種者，較多報告出現不同程度的副作用。但要留意注射第二劑「復必泰」後的疫苗有效率達95%，高於「科興疫苗」數項臨床研究所指大約50%的有效率。許教授指出，若計劃跨境旅行，目前數據顯示「復必泰」對變種新冠病毒如南非病毒株亦具足夠的有效率，而「科興疫苗」應對變種病毒的可參考數據仍未清晰。但是由於「科興疫苗」副作用較少，長者、長期病患者，或任何懼怕疫苗常見副作用人士可考慮接種副作用通常較低的「科興疫苗」。
答問環節期間，有同事問及使用mRNA技術的疫苗會否改變人體的脫氧核糖核酸（DNA）。許教授指出，由於疫苗技術機制不會令mRNA進入細胞核（nucleus），故無需過份憂慮。
坊間對疫苗或仍有疑慮，但賴醫生指出，事實上染病的風險比接種疫苗風險為高，一旦感染2019冠狀病毒病有機會出現嚴重併發症甚至死亡，因此，接種疫苗始終是最簡單、安全、有效的保護自己及身邊人方法。
source: HospBlog
如果唔相信針被逼，都唔係話邊支有用，而係想睇邊支少副作用⋯⋯好多人只係為左返工
某程度上覺得打針危險過Omicron，而且打完又唔係終身有效，每年分分鐘2支
應該係我上次講嘅，上面亦send多次純觀察經驗。可以嘅話大家都想等，依家打針嘅人好多唔係抗疫，而係工作同生存⋯⋯（當然都要等到最尾先）
如果就算好似流感針，大家都唔驚，未聽過打流感針會面癱、心肌炎、死亡⋯⋯
個人覺得依支針既技術係侵入性，真係好傷身
明嘅，但嚴重副作用一樣死亡率更高時，就唔好話佢副作用低。