有冇朋友最近打算申請5+1移民英國？
一齊傾下計，分享下
6個讚
差唔多喇
2個讚
反而我想聽吓你哋點解呢個時候會想走？
我好多朋友都未走/想走（無乜實際行動），我私心當然想大家都走，但礙於我一早已離開，好多事唔再適合追問，大家關心大家，大家各自心底焦急唔方便說出口…
6個讚
好迷啊，網上一路睇開啲資訊都已經係前排過曬去兼生活咗一大段日子。
真係依家都未知仲有冇直航飛英國，最驚臨飛先通知冇機
一頭霧水中
1個讚
有太多原因啦，自由民主唔講住，唔想比弱智制度操控，唔想下一代下下一代越嚟越蠢，仲想保留少少個人獨立思考，希望可以記得點樣堅持，期待搵返少少國際視野，最好可以睇到真實新聞
23個讚
我應該就係你哩啲朋友
一路我先生都想走嘅，但因為有好多問題，錢係其一啦。
其二就係我個小朋友岩岩先歲半，佢有啲野keep住要番醫院覆診，之前我就諗住睇定啲再決定
第三就係，都關關小朋友事嘅，始終要搭咁耐飛機，之前個疫情又好似好嚴重咁，我好怕佢係飛機到唔肯戴口罩
講返點解依家想走，感覺個肺炎好似變左流感咁，係傳染率高，但易康復
另外再望番我地今時今日，過一過年就擾民擾到呢，日日要捱貴菜，唔講食啊，啲政策一日一樣，變得仲快過啲風球
6個讚
明白。我都可以代表你走左嘅朋友，我地唔係日日風花雪月講英國有咩好過香港，我地成長嘅香港係無可取代嘅。其實仲係好關心好想大家就係呢刻未行得嘅，另一半未應承嘅，都唔好灰心氣餒，隨時做好準備。
我啲朋友好早喺2019年時已經好多搞到精神緊張要食抗抑鬱藥，又多左同另一半嘈交、同長輩嘈交，好多新聞都唔敢睇。我更加唔敢問出口「你地幾時黎
我好想同大家相見」
得我自己一家自由，係唔足夠
14個讚
都唔會講到有冇得投票呢d高層次嘢
講到食飯搭車都要比佢跟蹤，而家乜嘢事先
仲有抗疫變擴疫
成班白痴咁
如果打工都應該轉工啦
10個讚
我聽係澳洲嘅朋友講，澳洲都好似要哩度嘟果度嘟咁，我諗應該唔只淨係得香港係咁
2個讚
各安天命
1個讚
人地智將又唔代表我地要跟佢智將
樣樣安排得好少少就已經夠啦
1個讚
安居樂業都做唔到，生活係恐懼之中，已經係一個好好嘅理由
回應返主題先，不如樓主你講下準備成點，等呢度走左嘅會員俾d意見你
9個讚
乜仲會有期待咩
2個讚
現實d講，家家人走都好多顧慮架啦
但要走總要飛 
4個讚
慚愧，仲係0%
其實我先生果邊親戚好多都係英國，我偏向叫先生問下佢果邊啲親戚意見，例如住邊落腳又或者會唔會有人咁岩有朋友有樓放租之類。
但先生偏向搵啲sourcing agent, 即使到時唔滿意都唔係搞到大家面左左，以後老死不相見咁
5個讚
我走個時，1個bb1個幼兒，係英國冇人冇物，2個仔女都係香港醫院覆緊診，一來到靠自己搵樓搵學校，最難捱的時間叫做過左，只要準備得好，點都解決到，當然有足夠資金係最重要
17個讚
同意呀，比錢解決到，就唔好麻煩人。
我老公成日周圍去唔同城市，都會描述返比我知，用香港嘅各區黎比喻，例如似赤柱、似長沙灣、深水埗….等等
其實我唔覺得英國好過香港，去英國只係為左揾返 97年的香港，等自己 d 細路可以好似自己咁，係 97前嘅香港讀書成長。
6個讚
都真係，我第一次踏足英國，但係好多童年回憶咁，有親切感。
本地人都對我地有親切感架，遇過好多人一知我哋香港人就由禮貌友善秒變超級友善同熟落。
6個讚
我意思係網上好多人日日咁樣唱，唔係我咁諗，我啲小朋友都超級掛住香港。
1個讚