婆媳關係向來都是一大難題。一名女網民於討論區發文指，年初一到奶奶家中吃飯，飯後負責洗碗。因天氣寒冷，該女網民決定用熱水洗碗，沒料竟被奶奶責罵，直斥「嫁咗人都係唔識做家務」，令她十分憤怒，惟當時正值農曆新年，最後決定將怒火吞下。
該名女網民於「香港討論區」發文指，年初一到奶奶家中吃飯，「預咗係我洗碗」，由於天氣寒冷，人妻決定用熱水洗碗。沒料在差不多洗完之際，竟被奶奶發現她用熱水洗碗，奶奶大為驚訝，「好緊張咁話我浪費，開熱水嚟洗碗，凍咪帶手套洗碗」、「仲洗咗咁耐，話煤氣費好貴」。
樓主立即向奶奶解釋，指戴手套洗碗不方便，而且隔著手套難以感覺碗碟上是否仍存有油漬，卻遭奶奶批評「嫁咗人都係唔識做家務」。樓主聞言勃然大怒，「不過喺年初一，費事同佢嘈啦，所以唔出聲」。
直至年初三，樓主再到奶奶家中吃飯，今次特意購買外賣，「唔使洗碗，就唔使畀佢舊事再提！」，豈料仍逃不過奶奶重提舊事更指，「今個月煤氣費一定好貴，暗示叫我地畀多少少家用」，令樓主甚感無奈，「我都只係用咗一次熱水洗碗，有冇咁誇張呀？」。
帖文引起網民熱論，有網民指冬天開熱水洗碗十分正常，「熱水洗碗先去到油呀！」、「天氣凍唔用熱水洗碗好難洗清啲油」，有人則揶揄指，「做咗幾廿年人，洗咗幾廿年碗都唔識，冬天洗碗要用熱水先去到油，凍水洗碗啲油會凝固」；亦有網民建議可取平衡點，「開熱水浸碗就可以」。
6個讚
熱水洗碗, 去油WO!! 究竟邊個唔識做家務? 格硬用凍水洗咪仲用多左洗潔精?
11個讚
我好想知呢位奶奶冬天d 碗係咪洗極都油?
定係要落勁多洗潔精?
呢個99, 真係做左幾十年人都唔識做家務, 仲要讀書少…
7個讚
仲要好計較
佢冬天係咪唔開熱水爐沖涼?
定係兩三分鐘就沖完涼先?
又借d 意叫人地加大份家用
4個讚
我奶奶以前都係咁，唔準人開熱水洗嘢。
話洗到對手爆拆
我唔會理佢，而家啲水喉水咁凍點洗呀。我唔怕凍呀，係啲水凍到得十幾度，啲油漬洗唔到
係咪應該調轉寫： 奶奶冬天用凍水洗碗 遭人妻批唔識做家務
5個讚
送部洗碗機過佢，慳水慳力又慳電，仲要乾淨添。包你老爺都讚。
返正題，呢啲百彈齋主拜年都係保持社交距離同放低家用就走。
3個讚
冬天洗碗用熱水都唔識，洗碗機一定比佢鬧晒錢，唔會想學識點用。
要有好日子過，要睇老公識唔識做啦。
3個讚
其實我都係用手套，洗碗棉用果D粗身吸水果隻，濕小小水再射洗潔精落海棉，基本上係可以一次過唔使再落洗潔精已經可以洗曬十個人碗碗碟碟(如果係焗爐超油既野另計)，我都係無用熱水洗！同埋一支洗潔精差唔多幾個月先用完(平均每日洗兩次四五人碗碟計)，當然用熱水係可以洗得更快更乾淨，但的確長遠計，係非常浪費媒氣費(有呢個習慣同無呢個習慣，媒氣費係可以相差二三百以上)
1個讚
如果係自己洗，受得凍咪ok 囉
但如果而家要人哋幫手，就應該比多啲資源人啦
2個讚
我媽同我冬天洗碗都會用熱水
唔通我媽又唔識做家務， 多餘
親身經歷, 年廿九我企奶奶身後聽佢差遣幾個鐘, 之後再洗碗，全家人無人出聲, 之後初一我照樣煮完飯食完外孫女行去(戴住手套)洗碗，佢爸(我姐夫)就話要開熱水爐，又話個女企左半個鐘又話唔該哂。
不過我都同自己講唔好咁少氣, 慳返啖氣。
