我都做左full time mum 十年
而家睇番前十年好似浪費人生咁
每日就hea下 照顧下小朋友 咁就一日
而家小朋友大左小小,雖然仍然都係無所事事師奶一名,
1.但間中會整啲野食(例如整下蝦餃 原來好易整 自己搓皮包餃子)
2. 係床底了番架衣車,車啲好簡單既野,例如 環保袋,索繩既裝m巾袋
3.睇小朋友既教科書,當溫習下啲知識
4. 由於而家成日要講英文,所以要睇英文劇,學下人地講野既字眼 語氣
搵番自己既興趣 唔好乜都圍住子女轉
比上不足 比下有餘
其實有得睇住小朋友長大係一件好好既事
但都可以搵自己既興趣
我都係FTM,有時間就學下野,上短期課程學完,平時得閒可以係屋企整下~
家庭幸福，一家人平安快樂，小朋友有教養慢慢成長，已經唔須要有大改變，開心都嚟唔切何來自卑？
覺得比唔到好d小朋友，夠洗夠食未必比到多嘅佢地
養大兩個小朋友已經好唔容易
我都係全職媽媽, 之前想出去做野, 試過但碰釘, 有信心跌到谷底嘅時候, 唯有承認自己工作能力不足, 做好自己份內事, 養大啲小朋友先再另作打算
番工係一份工作, 全職媽媽係24小時365日無休, 打緊兩份工, 家庭裏, 理好內同打外係一樣重要, 就好似打仗都要有糧倉咁, 令老公無後顧之憂又有餐好食！
之前我老公都會串我話“你去搵錢”, 宜家我會倒轉讚佢識賺錢我唔識, 等佢有face~
互勉互勉！
平安快樂, 簡單就好
有時呢啲係迷思黎，點為之夠？點為之多啲？想多啲乜嘢？爭啲乜嘢？
實際具體列出黎，先有進步空間。
我都係返工變湊仔，好多事想做，仲除左硬件配合之外，我最欠係動力
有愛係最重要，物質係其次
而家啲細路大咗，發覺佢哋除咗屋企基本比佢嘅嘢，都冇乜特別需要，細個主要需要我嘅時間，大個少少要瞓覺前傾偈，而家大咗需要自己時間。
而物質方面，我留意到有啲家長會同小朋友傾名牌波鞋、衣著嗰啲，因為我哋本身唔好名牌，小朋友自從大個話唔要印有公仔嘅書包、衫之外，冇特別要求，我自覺比得最少佢哋嘅係時間同耐性，因為以前返工壓力大，成日OT，冇好好咁用心對佢哋，生活質素同物質，只係表面嘢，有同冇都影響唔到佢哋嘅成長。
小朋友大咗，你嘅人生就會改變
咁樣好好啊！有寄托太重要！我未有小朋友，就先學唔好全部心力放喺另一半
做ftm可以陪到佢地成長，分享佢地每日發生的一點一滴，已經係對小朋友最好的東西，你眼中的「好啲」又係咪小朋友想要的「好啲」？
肯陪小朋友玩已經好好,我識好多父母只會帶小朋友出街,但從不陪玩