每晚臨瞓睇十五分鐘書一定得
可以 紓緩情緒？
增長知識、發揮想像、訓練專注、純粹娛樂
我愛閱讀，受益良多
7個讚
試吓下載學外語嘅app, 每日花十分八分鐘學，學習新語言話唔定第時可以幫到你
1個讚
信心唔應該來自工作喎
通常無目標先至覺得迷失 不如培養下興趣
做主婦最經常接觸廚房 鑽研下廚藝？
又實用 又可以搵屋企人試味
1個讚
我比兩個勵志例子你，真人真事，朋友：
1）一個住公屋嘅ftm，十七歲就結婚，養大三個之後做校工，四十歲時突然想學美容，結果成了一門手藝，開咗兩三間美容店
2）一個學校文員仔，又係十八歲就結婚，生咗一個之後老公想佢生多個，佢唔肯，佢諗緊係咪就咁就一世，結果佢去讀社工，由cert到dip到degree，已經成為註冊社工，職業女性
14個讚
下一代都有兩個故事分享：
兩個都係新界公屋仔，成長背景雜，父母冇讀過書，年紀相若，應該而家近五十
一個當年會考幾優入中大，然後公屋換私樓到幾層私樓
另一個又創業又冇份工打得耐，離婚返公屋住，到而家攞綜援
所有嘢係你點樣選擇，我都係劏房出身，由細到大著二手三手四手衫。到舊樓到而家普通私樓，一份中層牛工，一架二手日本車，幾個學位，一個老公，典型七十後
11個讚
對於我嚟講，養大啲細路，佢哋健康快樂成長，我就已經好有滿足感
唔一定事業有咩發展，搵到幾多錢先叫成功
但我認為ftm都應該花時間豐富自己嘅人生，可以係讀書，學嘢，做運動，搵份part time…
總之我唔會將我嘅人生淨係奉獻比家庭，但我又唔覺得一定要事業有成，中間攞個平衡
問吓你自己最想要啲乜先，唔好成日覺得呢樣無可能，果樣無時間做，咁樣就真係會咩都做唔成
8個讚
工作、嗜好、學問、金錢、家庭、外表全部都可以define自己，但唔需要側重或執著一樣
3個讚
可能之前一直有返工， 到冇返工嘅時候 身邊嘅朋友同事突然間好似冇曬咁。。。覺得個人好似 得番仔女同老公， 冇曬動力
1個讚
我覺得畀心機湊大小朋友固然重要，但“搵番自己”都好緊要，因為見好多媽媽到仔女大左飛出去時會極度迷失，因為之前廿年所有心思都只在仔女上。另一種媽媽湊小朋友之餘都有自己嘅空間，可能係工作，可能係嗜好，到小朋友大左時都比較能適應自處。
我阿媽就係咁
1個讚
照顧同教導小朋友已經好唔簡單，你要欣賞自己。
除咗屋企，你都要有自己時間，睇書又好、聽電台又好、接觸流行文化(追星)又好，每日都有點時間做自己鍾意嘅事。我覺得今日嘅自己知多咗嘢、識多嘢就已經比昨日嘅自己進步。
2個讚
幾個學位好勁呀
1個讚
以前老細迫我讀，呢幾年自己讀
2個讚
夠洗夠食,仲可以親自陪伴小朋友成長，其實都好唔錯，或者諗下當初做ftm的初心?
4個讚
呢個真係好重要嘅提醒
你已經比好多人好，有屋住，2，3千蚊租，夠食夠洗。。。唔洗捱貴租已經比好多人好架喇。。
講真，而家有間公屋先係人生勝利組，仔女大左生生性性可能會好大改變架，比d心機教。。。
我都想有間公屋。。
1個讚
我係呢種，除咗返工，仲學彈琴學拉大提琴，又鍾意鈎織，個仔13歲去咗留學，都唔會好失落，到而家返咗台灣退休，繼續彈琴拉琴織嘢鈎嘢，仍然好有寄托好充實
4個讚