追女仔前要做好基本資料調查！有在人事部任職的打工仔指，有25歲女同事上班，面試時已因顏值高而惹來一眾男同事起哄，入職後更吸引不少「狂蜂浪蝶」，其中一名男同事更非常積極，除了每天買早餐，更會送花及頸鏈；不過苦苦追求半年後，到農曆新年時，女方竟突然向他派利是，他才驚覺對方原來早已是人妻！
網站「辦公室日報」早前貼出一篇網民投稿，投稿者稱在人事部任職，故一早已知該名25歲靚女同事已婚，對方見工時憑精緻五官及標準身型吸引一眾男同事的目光，更力勸一定要聘用。她入職時，立即引來許多男同事主動埋身，其中一個名為「阿Rick」的男同事最為積極，除了每天為她買早餐外，又會為她搶購演唱會門票、送花及頸鏈作生日禮物等，高調追求行動讓其仔男同事知難而退。
不過後來在農曆新年假後，該名女同事竟主動大派利是，不少男同事都感到相當震驚，阿Rick更非常錯愕問道「做咩派利是畀我呀？」，又質問女方為何不一早表明已婚，女同事回應指「唔通返工周圍同人講自己結婚啲嘢咩！」阿Rick其後又問樓主為何不早「提水」，不過他就表明人事部職員不能透露員工個人資料。
投稿者又指，原來阿Rick過去半年未曾與該名女同事單獨出街，最多只是上班時一起吃過午餐，而女方的社交平台亦沒有任何顯示自己已婚的資訊，故阿Rick從未知道她已為人妻。投稿者不禁慨嘆「阿Rick所做嘅一切只係感動到自己，希望佢下次溝女會做research，後生就一定未結婚咩，呢啲basic information（基本資料）一定要問㗎嘛！」
2個讚
我舊公司Ｄ同事成日八卦新同事結婚未，其實只係想知新年使唔使派利是俾佢
5個讚
正路個女仔如果feel 到有人對自己有意思，都會暗示自己拍緊拖
但呢個女仔係靚女，可能慣咗人哋對佢好？
（好羨慕d靚女
）
7個讚
我諗起早排聽森美，有個男仔向女仔示愛
點知森美一問，人地結左婚3年
森美同男講返，男既靜左5秒…「下，我唔知佢結咗婚」
啊～～～好老尷！
事實上作為女性！我覺得女性有問題既，女性第6感好強，點會唔知邊個男對自己有好感？
如果係冇發展就應該一早表明自己已婚，唔好令人誤會！
有好多方法架姐，有時隨口一句「我老公鍾意食乜乜」咁，人地一聽都知難而退啦！
除非想收兵囉！賤
18個讚
擺明收兵啦，其實講返自己結左婚有幾難，個女嘅都唔係好野
15個讚
係啦!擺明搵人著數!!!
現實世界真係太多呢D女人
6個讚
非常同意
我返興趣班時得好少時間同d同學閒聊，但都會有機會講到老公同小朋友
同事唔知自己已婚，一定係特登唔講的
2個讚
雖然個男仔好無奈 但我當時大笑左 
上星期五有後續
個男仔再打上去同另一個女仔表白
仲要直接求婚 成功咗 
Mitch
12
但有啲人真係唔鍾意同公司同事分享自己私人生活，我公司有個同事做左八年，平日有講有笑有吹水但無講家庭生活。直到近期吹水傾移民，佢先講結左婚兼有細路
2個讚
認同，我都覺得未必係… 做嘢地方堅多八婆，如果講左自己結婚，又會問你老公做咩邊度做嘢etc… 之前啲同事都唔知我結婚，但冇男同事同我示好（so 9 sad ）但如果有又feel 到就一定會搵機會帶過講下
4個讚
以為呢家啲女仔３０前都仲係單身？
不過我都識一個女仔完全睇唔出佢係生咗兩個小朋友嘅媽媽，佢似中學生都有人信。
講真而家係講唔埋，有時啲女仔好後生就結咗，有啲就三十幾仲係a0…
生咗仔未就外表更難睇，而家好多會保養同打扮自己，身材皮膚都keep 得好好。唔好話係唔係媽媽，連年齡都未必睇得準。
1個讚
結左婚/單身但唔諗住比機會人，真係要一早搵位表達先得架，呢種人真係執到都喊三聲。
3個讚
有D女人仲覺得自己有market…又唔SAY NO
1個讚
每次有新靚女同事，班狗公即刻出動，我呢d花生友好like
2個讚
你地公司唔興派利是? 否則的話冇理由8年來都唔知佢結左婚wor
