新手，好想用單車代步，又怕比人偷
新車鎖街泊過夜好快唔見，除非舊到無人要 
唔敢過夜呀…好彩可以放室內…
最多15分鐘，行開買嘢…
新界係咪偷得勁啲？
依家望多咗，日頭九龍好多好靚嘅road bike 求其鎖喺路邊
咁應該問題不大既
1個讚
沙田大把，成日喺群組有人話俾人偷單車
咩group ?想八吓
咩馬鞍山之友、沙田之友嗰啲
1個讚
以前住新界，偷到嬲，之後只用超殘單車。
日頭定過夜？
買啲摺得果啲？ 踩完抬返屋企
1個讚
日頭呀，夜晚都拎返屋企了
1個讚
成廿年前，有朋友嘅車友（一齊踩單車嘅朋友）比人偷咗部三萬幾蚊嘅單車。因為個車架係外國訂返嚟，而玩開單車嘅行頭唔闊，所以佢即刻通知曬識嘅行家，幫手留意有冇人放貨，又叫班車友一齊留意，不過唔記得最後有冇搵返。
1個讚
而家有啲人會租單車倉。
好多年之前係做野係深圳住過，試過部單車鎖係華強北上一上商場五分鐘，落黎渣都無，同等情況係大陸唔見過四架，反而香港鎖成日都未試過唔見(未試過超過24小時同埋非商業地方顯眼位置)
1個讚
我記得好似係入七仔買嘅咁短時間就比人偷咗。
1個讚
我老公同事住馬鞍山，佢話如果有新單車泊在街，即使用單車鎖，啲人都會拆單車配件偷走
2個讚
試過啦！
就算你鎖住都係偷，最激氣就係分開偷，
首先偷坐位，等你冇得用車，
然後分階段偷⋯⋯腳踏、前車輪、後車輪、軚盤、剩返個車架鎖住喺度，
最尾連鎖鏈都剪埋，咩都偷乾偷淨。
1個讚
咁癲…日頭都偷，係咪放一陣就冇咗？
你唔好諗幾耐啦，要偷你轉個身都會冇左，乖乖地用部二手舊車算啦
1個讚
有諗過離開拆坐通…
又諗過貼好多貼紙喺架車度